1 Timoteo 4:6 - Triqui de San Juan Copala

⁶ Sese tu̱cuꞌyón so̱ꞌ tucuáán nihánj rihaan ꞌó nij tinúú níꞌ síí noco̱ꞌ man Cristó, ne̱ síí veꞌé ꞌyaj se‑su̱u̱n Cristó Jesús mé so̱ꞌ chugua̱nj. ꞌO̱ se tucuꞌyón nii tucuáán sa̱ꞌ yoꞌ rihaan so̱ꞌ, ne̱ cuchumán rá so̱ꞌ, ne̱ canocóꞌ so̱ꞌ tucuáán yoꞌ a.

1 Timoteo 4:6 ပူးပေါင်းရင်းမြစ်များ

San Mateo 13:52

Ne̱ cataj Jesús rihaan nij soꞌ a: ―Cheꞌé dan cata̱j xnaꞌanj ꞌu̱nj rihaan soj se vaa nij síí naquiꞌyaj cu̱u stucua̱nj Moisés me se sese nari̱ꞌ uún nij soꞌ nana̱ cheꞌé da̱j vaa uun chij Yaꞌanj, ne̱ síí neꞌen nu̱ꞌ nana̱ me nij soꞌ, ne̱ síí cu̱u raa̱ gu̱un nij soꞌ, quiꞌya̱j nu̱ꞌ nana̱ nariꞌ nij soꞌ ado̱nj. Dan me se ase vaa síí ruꞌvee ne̱ ma̱n rasu̱u̱n nga̱ do̱ꞌ, rasu̱u̱n naca̱ do̱ꞌ, rihaan roꞌ, da̱nj ga̱a̱ nij soꞌ, ne̱ cavi̱i̱ sa̱ꞌ uxrá nij soꞌ na̱nj ado̱nj ―taj Jesús rihaan nij síí tucuꞌyón snana̱ soꞌ a.

San Lucas 1:3

Ne̱ ꞌu̱nj nihánj me síí tucuꞌyón uxrá, dan caꞌvee narij cunuda̱nj rasu̱u̱n yoꞌ, ne̱ cheꞌé dan vaa cheꞌé cachro̱n nica̱ ꞌu̱nj cunuda̱nj rihaan yanj nihánj naya̱a̱ so̱ꞌ si̱j cuꞌna̱j Teófilo si̱j sa̱ꞌ ndoꞌo, raj ado̱nj.

Hechos 1:15

Ne̱ güii dan me se canicunꞌ Pedró tanu̱u̱ nij tinu̱j nij soꞌ a. Dan me se cientó táá ico̱ (120) yuvii̱ me nij yuvii̱ cunuu chre̱ꞌ rej ma̱n nij soꞌ ta̱ꞌ asuun a. Dan me se cataj Pedró rihaan nij soꞌ a:

Hechos 20:31

Cheꞌé dan ꞌo̱ ni̱ꞌyaj soj, ne̱ xca̱j soj cuentá á. ꞌO̱ ina̱nj nanu̱j rá soj se vaa rque vaꞌnu̱j ya̱ yoꞌ me se ne caꞌne̱ꞌ raj ga̱ suun narqué chrej nucua̱j man ꞌo̱ ꞌo̱ nij soj nuvi̱i niga̱nꞌ maꞌ. Ne̱ nda̱a taꞌveé ꞌu̱nj cheꞌé soj ado̱nj.

Hechos 20:35

Cunuda̱nj quiꞌyaj suun ꞌu̱nj, cheꞌé se guun raj xca̱j soj cuentá se vaa no̱ xcúún soj quiꞌya̱j suun maꞌa̱n soj, cheꞌé rej caꞌve̱e ra̱cuíj soj man tinúú níꞌ síí achiin rasu̱u̱n man a. Ne̱ ꞌo̱ cu̱nuû rá soj nana̱ nihánj nana̱ caꞌmii maꞌa̱n Jesús Si̱j ꞌNi̱j Raꞌa man níꞌ a: “Síí rqué rasu̱u̱n rihaan tuviꞌ roꞌ, uun niha̱ꞌ rá soꞌ doj rihaan síí riꞌ rasu̱u̱n yoꞌ raꞌa tuviꞌ a”, taj Jesús a ―taj Pabló rihaan nij síí tumé sa̱ꞌ rihaan Yaꞌanj man xꞌneꞌ nij síí noco̱ꞌ man Cristó ya̱nj chumanꞌ Éfeso a.

Romanos 15:15

Tza̱j ne̱ caꞌneꞌ ndoꞌoj suun rihaan soj ga̱a quiꞌyáj yanj cartá nihánj na̱nj á. ꞌO̱ se neꞌen soj se vaa sa̱ꞌ uxrá quiꞌyaj Yaꞌanj cheꞌej, ne̱ ase vaa ꞌyaj xrej se‑su̱u̱n Yaꞌanj roꞌ, da̱nj vaa ꞌyáá ꞌu̱nj se‑su̱u̱n Cristó Jesús, ne̱ tucuꞌyón ꞌu̱nj snana̱ Yaꞌanj nana̱ sa̱ꞌ man soj si̱j yaníj, ne̱ vaa güii naca̱j Yaꞌanj man soj, ne̱ cheꞌé dan tucuꞌyonj man soj, ne̱ me raj caꞌve̱j Yaꞌanj naca̱j Yaꞌanj man soj, ne̱ me raj cunu̱u sa̱ꞌ nimán soj rihaan Yaꞌanj ado̱nj. Dan me se ga̱a̱ sa̱ꞌ soj, quiꞌya̱j Nimán Yaꞌanj rá ꞌu̱nj ado̱nj.

1 Corintios 4:17

Cheꞌé dan caꞌne̱j ꞌu̱nj man síí cuꞌna̱j Timoteo cuchi̱ꞌ soꞌ rihaan soj, ne̱ síí noco̱ꞌ man Síí ꞌNi̱j Raꞌa man níꞌ me soꞌ ga̱ ꞌu̱nj, ne̱ cheꞌé dan ase vaa taꞌníj vaa soꞌ a. ꞌE̱e̱ raj man soꞌ, ne̱ nucua̱j raj man soꞌ na̱nj ado̱nj. Cata̱j xnaꞌanj uún soꞌ rihaan soj nu̱ꞌ tucuáán noco̱ꞌ ꞌu̱nj cheꞌé Cristó Jesús, ne̱ ꞌo̱ cuya̱a̱n vaa nana̱ tu̱cuꞌyón soꞌ ga̱ nana̱ tucuꞌyón ꞌu̱nj rihaan cunuda̱nj nij xꞌneꞌ nij síí noco̱ꞌ man Cristó ma̱n cunuda̱nj nij chumanꞌ rej va̱j ꞌu̱nj a.

2 Corintios 11:23

ꞌYaj nij soꞌ se‑su̱u̱n Cristó, taj nij soꞌ naꞌ. ꞌO̱ se nihánj me nana̱ snu̱j cata̱j ꞌu̱nj rihaan soj se vaa ꞌu̱nj me síí ꞌyaj doj se‑su̱u̱n Cristó rihaan nij soꞌ na̱nj ado̱nj. Dan me se ꞌu̱nj nihánj roꞌ, me síí quiꞌnij doj tagaꞌ cheꞌé Cristó rihaan nij soꞌ do̱ꞌ, uxrá goꞌ nii cuartá xráá ꞌu̱nj cheꞌé Cristó do̱ꞌ, queꞌe̱e̱ güii da̱j doj se cavíꞌ ꞌu̱nj cheꞌé Cristó do̱ꞌ,

2 Corintios 3:6

Ne̱ Yaꞌanj me síí quiꞌyaj guun nucua̱j núj cataj xnaꞌanj núj cheꞌé tucuáán naca̱ cuchruj Yaꞌanj cheꞌé yuvii̱ ado̱nj. Ne̱ xa̱ꞌ tucuáán naca̱ yoꞌ, tza̱j ne̱ né ina̱nj tucuáán no̱ rihaan yanj da̱j vaa no̱ xcúún níꞌ canoco̱ꞌ níꞌ me tucuáán naca̱ yoꞌ maꞌ. ꞌO̱ se se̱ guun nucua̱j níꞌ canoco̱ꞌ níꞌ tucuáán no̱ rihaan yanj maꞌ. Xa̱ꞌ tucuáán no̱ rihaan yanj, tza̱j ne̱ cavi̱ꞌ nimán níꞌ, quiꞌya̱j tucuáán vaa da̱nj na̱nj á. Dan me se xa̱ꞌ tucuáán naca̱ cuchruj Yaꞌanj cheꞌé níꞌ, tza̱j ne̱ tana̱nj a̱ cunu̱u iꞌna̱ꞌ nimán níꞌ quiꞌya̱j Nimán Yaꞌanj cheꞌé tucuáán naca̱ yoꞌ na̱nj ado̱nj.

2 Corintios 6:4

ꞌO̱ se me rá núj ni̱ꞌyaj nii man núj ne̱ cata̱j nii se vaa ya̱ ya̱ si̱j ꞌyaj se‑su̱u̱n Yaꞌanj me núj, ne̱ cheꞌé dan nda̱ꞌ se ranꞌ núj sayuun, tza̱j ne̱ vaa ina̱j nimán núj na̱nj ado̱nj. Dan me se ranꞌ núj sayuun, ne̱ achiin rasu̱u̱n man núj, ne̱ chuꞌviꞌ nimán núj, ne̱ oꞌ nii cuartá xráá núj, ne̱ axríj nii tagaꞌ man núj, ne̱ nuu chre̱ꞌ nii quiꞌya̱j nii sayuun man núj a. Ne̱ ꞌyaj suun ndoꞌo núj cheꞌé yan quiꞌya̱j canaán núj cha̱ núj, ne̱ vaa güii narii ndoꞌo núj nej, ne̱ vaa güii, ne̱ ne vaa yaꞌnúj rihaan núj cha̱ núj, tza̱j ne̱ vaa ina̱j nimán núj, ne̱ ne aꞌneꞌ rá núj a̱ maꞌ.

Efesios 6:21

Cata̱j xnaꞌanj tinúú níꞌ síí cuꞌna̱j Tíquico rihaan soj nu̱ꞌ se vaa quiránꞌ ꞌu̱nj a. Síí ꞌe̱e̱ ndoꞌo rá níꞌ man me soꞌ, ne̱ veꞌé ndoꞌo nuû soꞌ rihaan Síí ꞌNi̱j Raꞌa man níꞌ chugua̱nj.

Filipenses 2:20

O̱rúnꞌ soꞌ me tuvíꞌ ꞌu̱nj ya̱ nanó ndoꞌo rá cheꞌé soj da̱j vaa mán soj chugua̱nj.

Filipenses 2:22

Tza̱j ne̱ a̱j neꞌen soj se vaa síí sa̱ꞌ uxrá me Timoteo, ne̱ da̱j se ꞌyaj xnii racuíj xnii man rej xnii roꞌ, da̱nj vaa ꞌyaj Timoteo racuíj soꞌ mán ꞌu̱nj nataꞌ rój nana̱ sa̱ꞌ cheꞌé Cristó ado̱nj.

Filipenses 3:16

Tza̱j ne̱ tucuáán sa̱ꞌ a̱j nariꞌ níꞌ roꞌ, xraan canoco̱ꞌ níꞌ tucuáán yoꞌ á.

Colosenses 2:19

Dan me se taj cúú yave̱ nij soꞌ táá gaán chihá nij soꞌ vaa, ese taj Cristó rihaan nij soꞌ maꞌ. Ne uno nij soꞌ snana̱ Cristó maꞌ. Ne̱ ase vaa rii taꞌngaꞌ cúú yave̱ níꞌ rihaan nee̱ man níꞌ roꞌ, da̱nj vaa rii taꞌngaꞌ Cristó rihaan ta̱ranꞌ níꞌ si̱j noco̱ꞌ man soꞌ, ne̱ sa̱ꞌ doj nocoꞌ níꞌ man Yaꞌanj, ꞌyaj Cristó, ne̱ ina̱nj da̱nj me rá Yaꞌanj quiꞌya̱j níꞌ na̱nj ado̱nj. Ne̱ ase vaa vaa sca̱ꞌ nee̱ man níꞌ ꞌyaj yaꞌaâ man níꞌ roꞌ, da̱nj vaa cuya̱a̱n vaa ta̱ranꞌ níꞌ si̱j noco̱ꞌ man Yaꞌanj ꞌyaj Cristó ado̱nj.

Colosenses 3:16

Cu̱nuû uxrá snana̱ Cristó nimán soj, ne̱ cavi̱i̱ nana̱ sa̱ꞌ cu̱u raa̱ soj, ne̱ tu̱cuꞌyón soj nana̱ sa̱ꞌ rihaan tuviꞌ soj, ne̱ nago̱ꞌ soj chrej sa̱ꞌ man tuviꞌ soj á. Cachra̱a̱ soj chraꞌ salmó do̱ꞌ, chraꞌ nataꞌ cheꞌé Yaꞌanj do̱ꞌ, chraꞌ rqué Nimán Yaꞌanj do̱ꞌ, ne̱ cata̱j soj guun niꞌya̱j níꞌ rihaan Yaꞌanj na̱nj á.

Colosenses 4:7

Síí cuꞌna̱j Tíquico me tinúú níꞌ síí ꞌe̱e̱ ndoꞌo rá níꞌ, ne̱ síí ꞌo̱ ꞌyaj ndoꞌo se‑su̱u̱n Síí ꞌNi̱j Raꞌa man níꞌ ga̱j me soꞌ a. Soꞌ me síí caꞌne̱j ꞌu̱nj cuchi̱ꞌ ni̱caj nana̱ cheꞌé núj rihaan soj ado̱nj.

1 Tesalonicenses 3:2

ne̱ dan me se caꞌnéé núj man tinúꞌ Timoteo cuchi̱ꞌ soꞌ rej ma̱n soj a. Dan me se soꞌ me síí ꞌyaj se‑su̱u̱n Yaꞌanj ga̱ núj suun nataꞌ nana̱ sa̱ꞌ cheꞌé Cristó a. Me rá núj ra̱cuíj soꞌ man soj, narque̱ soꞌ chrej nucua̱j man soj, ne̱ xraan doj canoco̱ꞌ soj man Cristó, quiꞌya̱j soꞌ a.

1 Timoteo 1:10

Ne̱ veé da̱nj cuchruj Yaꞌanj stucua̱nj Moisés cheꞌé yuvii̱ otoj ga̱ ꞌó yuvii̱ né ni̱ca̱ me do̱ꞌ, chii cha̱na̱ do̱ꞌ, síí otoj ga̱ chii cha̱na̱ do̱ꞌ, yuvii̱ tuꞌvéj man tuviꞌ do̱ꞌ, yuvii̱ aꞌmii nana̱ ne̱ do̱ꞌ, yuvii̱ ataꞌ tuꞌva aꞌmii ne̱ do̱ꞌ, yuvii̱ ꞌyaj me maꞌa̱n rasu̱u̱n ino̱ vaa ga̱ tucuáán ya̱ do̱ꞌ ado̱nj.

1 Timoteo 4:16

Xca̱j so̱ꞌ cuentá cheꞌé se vaa ꞌyáá so̱ꞌ do̱ꞌ, cheꞌé tucuáán tucuꞌyón so̱ꞌ do̱ꞌ á. ꞌO̱ ca̱nocóꞌ so̱ꞌ nu̱ꞌ tucuáán nihánj, ga̱a ne̱ nani̱i̱ ma̱ꞌán so̱ꞌ do̱ꞌ, nij yuvii̱ uno nana̱ aꞌmii so̱ꞌ do̱ꞌ, rihaan sayuun ne̱ cavi̱i̱ sa̱ꞌ soj a.

1 Timoteo 6:3

Sese tucuꞌyón ꞌo̱ soꞌ tucuáán ne̱, ne̱ ne aꞌneꞌ rá soꞌ ga̱ tucuáán ya̱ cuchruj Jesucristó Si̱j ꞌNi̱j Raꞌa man níꞌ do̱ꞌ, ga̱ tucuáán aranꞌ rá Yaꞌanj cuno̱ níꞌ do̱ꞌ,

2 Timoteo 1:6

Cheꞌé dan narqué ꞌu̱nj chrej mán so̱ꞌ se vaa yu̱u̱n cheꞌe̱ caꞌne̱j nimán so̱ꞌ qui̱ꞌyáá so̱ꞌ se‑su̱u̱n Yaꞌanj, nda̱a vaa rqué Yaꞌanj se nucua̱j mán so̱ꞌ, ga̱a cutaj raꞌaj raá so̱ꞌ á.

2 Timoteo 3:10

Ne̱ xa̱ꞌ ma̱ꞌán so̱ꞌ, tza̱j ne̱ xcaj ndoꞌo so̱ꞌ cuentá cheꞌé tucuáán tucuꞌyón ꞌu̱nj man yuvii̱ do̱ꞌ, cheꞌé da̱j nocóꞌ ꞌu̱nj tucuáán yoꞌ do̱ꞌ, cheꞌé se vaa guun raj qui̱ꞌyáj rej rihaan níꞌ do̱ꞌ á. Neꞌén so̱ꞌ se vaa nucua̱j ndoꞌo raj man Yaꞌanj do̱ꞌ, se vaa na̱j rá ꞌu̱nj caxri̱i̱ yuva̱a̱ ꞌu̱nj man yuvii̱ do̱ꞌ, se vaa ꞌe̱e̱ raj man tinúj do̱ꞌ, se vaa ꞌo̱ nucua̱j rá ꞌu̱nj rihaan sayuun do̱ꞌ ado̱nj.

2 Timoteo 4:3

ꞌO̱ se vaa güii, ne̱ se̱ caꞌvej rá nij yuvii̱ cuno̱ nij yuvii̱ tucuáán ꞌyaj caꞌve̱e cunu̱u sa̱ꞌ nimán nij soꞌ maan chugua̱nj. Tana̱nj gu̱un rá nij soꞌ cuno̱ nij soꞌ ꞌó tucuáán naca̱, ne̱ cheꞌé dan nano̱ꞌ nij soꞌ queꞌe̱e̱ síí tu̱cuꞌyón ꞌó tucuáán me rá maꞌa̱n nij soꞌ cuno̱ nij soꞌ a.

Tito 2:1

Ne̱ ma̱ꞌán so̱ꞌ me se tu̱cuꞌyón so̱ꞌ nana̱ nda̱a vaa taj tucuáán ya̱ na̱nj á.

1 Pedro 2:2

Ase vaa me ndoꞌo rá leé no̱ cutzi̱i leé no̱ too roꞌ, da̱nj gu̱un ndoꞌo rá soj tu̱cuꞌyón soj snana̱ Yaꞌanj nana̱ ya̱ na̱nj á. Ase vaa racuíj too man leé no̱ achij leé no̱ roꞌ, da̱nj ga̱a̱ ra̱cuíj snana̱ Yaꞌanj man soj cunu̱u sca̱ꞌ nimán soj chugua̱nj. Dan, ga̱a ne̱ nani̱i̱ soj rihaan sayuun ne̱ cavi̱i̱ sa̱ꞌ ndoꞌo soj, quiꞌya̱j Yaꞌanj ado̱nj.

2 Juan 1:9

Ne̱ me maꞌa̱n síí tanáj stucua̱nj Cristó roꞌ, nuviꞌ Yaꞌanj yáán ga̱ soꞌ maꞌ. Tza̱j ne̱ síí noco̱ꞌ xraan stucua̱nj Cristó me se soꞌ me síí ꞌo̱ yáán ro̱j Taꞌni̱j Yaꞌanj ga̱ soꞌ ado̱nj.

Judas 1:5

Nda̱ꞌ se a̱j neꞌen soj nu̱ꞌ nana̱ no̱ rihaan Danj Yaꞌanj, tza̱j ne̱ naꞌvej raj quiniꞌyo̱n soj nana̱ yoꞌ, ne̱ cheꞌé dan noná uún ꞌu̱nj nana̱ nihánj xréé soj a. ꞌO̱ se Síí ꞌNi̱j Raꞌa man níꞌ roꞌ, tinanii soꞌ man ta̱ranꞌ nij síí israelitá rihaan nij síí ma̱n yoꞌóó noco̱o cuꞌna̱j Egiptó ga̱a naá, tza̱j ne̱ taꞌa̱j nij soꞌ roꞌ, ne cuchuma̱n rá ni̱ꞌyaj man Yaꞌanj, ne̱ cheꞌé dan cachén do̱j yoꞌ, ga̱a ne̱ caviꞌ nij soꞌ, quiꞌyaj Yaꞌanj a.