1 Timoteo 3:3 - Triqui de San Juan Copala

³ Se̱ guun soꞌ síí niha̱ꞌ rá coꞌo̱ na vinó do̱ꞌ, síí yuva̱a̱ do̱ꞌ maꞌ. Tana̱nj gu̱un soꞌ síí laru̱u rá do̱ꞌ, síí ne niha̱ꞌ rá cano̱ tuviꞌ ga̱ ꞌó yuvii̱ do̱ꞌ, síí ne niha̱ꞌ rá quiri̱ꞌ ndoꞌo saꞌanj do̱ꞌ á.

1 Timoteo 3:3 ပူးပေါင်းရင်းမြစ်များ

San Mateo 21:13

Ga̱a ne̱ caꞌmii soꞌ rihaan nij soꞌ, cataj soꞌ a: ―Ya̱ uxrá taj Danj Yaꞌanj se vaa tucuá Yaꞌanj rej achíín niꞌya̱j yuvii̱ rihaan Yaꞌanj me nihánj ado̱nj. Tza̱j ne̱ ase vaa yuꞌuj yuvej rej atúj yuve̱ síí itu̱u̱ vaa tucuá Yaꞌanj nihánj, quiꞌyaj soj na̱nj á ―taj Jesús a.

Hechos 20:33

’Dan me se né si̱j uun ne̱ rá niꞌya̱j se‑aga̱ꞌ yuvii̱ agaꞌ platá catzi̱i̱ do̱ꞌ, se‑aga̱ꞌ yuvii̱ agaꞌ oró míí do̱ꞌ, saga̱nꞌ yuvii̱ yatzíj sa̱ꞌ do̱ꞌ, mé ꞌu̱nj maꞌ.

Romanos 16:18

Ne ꞌyaj suun nij soꞌ rihaan Cristó Si̱j ꞌNi̱j Raꞌa man níꞌ maꞌ. Tana̱nj ꞌyaj nij soꞌ se‑su̱u̱n maꞌa̱n nij soꞌ na̱nj ado̱nj. ꞌO̱ se veꞌé ndoꞌo vaa nana̱ aꞌmii nij soꞌ cheꞌé yuvii̱, ne̱ da̱nj ꞌyaj nij soꞌ tihaꞌ yuꞌunj nij soꞌ man yuvii̱, ne̱ nda̱a yuvii̱ ne tumé cacunꞌ tihaꞌ yuꞌunj nij soꞌ man na̱nj ado̱nj.

Efesios 5:18

Ne̱ se̱ guun xno̱ soj maꞌ. Cheꞌé se uun xno̱ yuvii̱ roꞌ, cheꞌé dan ꞌyaj ndoꞌo nij yuvii̱ cacunꞌ chiꞌi̱i̱ ndoꞌo ado̱nj. Tana̱nj ꞌo̱ cu̱nuû Nimán Yaꞌanj nimán soj á.

1 Tesalonicenses 5:14

Ne̱ cuano̱ nihánj me rquee̱ núj man soj se vaa nago̱ꞌ soj chrej nucua̱j man nij síí rmi̱i̱ se vaa quiꞌya̱j suun nij soꞌ, tinu̱j, nocoj. Sese vaa síí chuꞌviꞌ nimán, ne̱ caꞌmi̱i̱ soj nana̱ sa̱ꞌ rihaan soꞌ, ne̱ nari̱ꞌ nucuaj nimán soꞌ, quiꞌya̱j soj á. Ra̱cuíj soj man nij yuvii̱ ninaj nimán, ne̱ ga̱a̱ ina̱j nimán soj ni̱ꞌyaj soj man cunuda̱nj yuvii̱ á.

1 Timoteo 3:8

Ne̱ veé da̱nj ga̱a̱ gue̱e̱ nij yuvii̱ gu̱un síí nica̱j suun rihaan Yaꞌanj ra̱cuíj man xꞌneꞌ nij síí noco̱ꞌ man Cristó uún, ne̱ síí niꞌya̱nj gu̱un nij soꞌ á. Se̱ caꞌmii nij soꞌ nana̱ tihaꞌ yuꞌunj maꞌ. Se̱ gaa niha̱ꞌ rá nij soꞌ coꞌo̱ ndoꞌo nij soꞌ na vinó maꞌ. Se̱ tihaꞌ yuꞌunj nij soꞌ man yuvii̱ caꞌne̱e̱ u̱u̱n nij soꞌ saꞌanj maꞌ.

2 Timoteo 3:2

ꞌO̱ se ga̱a̱ ꞌe̱e̱ uxrá rá nij yuvii̱ man maꞌa̱n yuvii̱, ne̱ gu̱un ndoꞌo rá nij yuvii̱ quiꞌya̱j canaán nij soꞌ saꞌanj, ne̱ cata̱j uxrá nij soꞌ se vaa si̱j sa̱ꞌ ndoꞌo me maꞌa̱n nij soꞌ, ne̱ síí xta̱ꞌ nimán gu̱un nij soꞌ, ne̱ qui̱j ndoꞌo caꞌmi̱i̱ nij soꞌ cheꞌé Yaꞌanj uún a. Se̱ cuno nij soꞌ caꞌmi̱i̱ rej nij soꞌ do̱ꞌ, nii nij soꞌ do̱ꞌ, uún a̱ maꞌ. Se̱ cataj nij soꞌ guun niꞌya̱j níꞌ cheꞌé rasu̱u̱n, ne̱ se̱ guun rá nij soꞌ canoco̱ꞌ nij soꞌ man Yaꞌanj maꞌ.

Tito 1:11

Vaa cheꞌé ndoꞌo caꞌne̱ꞌ rá nij soꞌ ga̱ nana̱ vaa da̱nj qui̱ꞌyáá so̱ꞌ na̱nj á. ꞌO̱ se riꞌ ndoꞌo rá queꞌe̱e̱ nij tucua̱ yuvii̱, ꞌyaj nij soꞌ ga̱a tucuꞌyón nij soꞌ nana̱ vaa da̱nj nana̱ ne nó xcúún nij soꞌ tu̱cuꞌyón nij soꞌ na̱nj ado̱nj. Ne̱ ina̱nj saꞌanj quiri̱ꞌ u̱u̱n nij soꞌ, rá nij soꞌ, dan ꞌyaj chiꞌi̱i̱ nij soꞌ ado̱nj.

Tito 1:7

Cheꞌé se suun nica̱j síí tumé sa̱ꞌ man nij síí noco̱ꞌ man Cristó me se‑su̱u̱n Yaꞌanj roꞌ, vaa cheꞌé nari̱i̱ so̱ꞌ man síí nuviꞌ cacunꞌ tumé do̱ꞌ, síí ne xta̱ꞌ nimán do̱ꞌ, síí ne yaꞌa̱an rá do̱ꞌ, síí ne niha̱ꞌ rá coꞌo̱ na vinó do̱ꞌ, síí ne yuva̱a̱ do̱ꞌ, síí ne niha̱ꞌ rá tiha̱ꞌ tuviꞌ quiri̱ꞌ saꞌanj do̱ꞌ a.

Tito 2:3

Dan me se veé da̱nj veꞌé ndoꞌo quiꞌya̱j nij chana̱ chij uún, ga̱a ne̱ caꞌve̱e xca̱j yuvii̱ cuentá se vaa chana̱ sa̱ꞌ noco̱ꞌ uxrá man Yaꞌanj me nij noꞌ a. Se̱ nanó nij chana̱ chij cuentó ne̱ cheꞌé tuviꞌ nij noꞌ maꞌ. Se̱ gaa niha̱ꞌ rá nij noꞌ gu̱un xno̱ nij noꞌ maꞌ. Tana̱nj gu̱un nij noꞌ chana̱ veꞌé tucuꞌyón man tuviꞌ,

Tito 3:2

Se̱ caꞌmii chiꞌi̱i̱ nij soꞌ ni̱ꞌyaj nij soꞌ tuviꞌ nij soꞌ maꞌ. Se̱ canó tuviꞌ nij soꞌ ga̱ tuviꞌ nij soꞌ maꞌ. Ma̱an se veꞌé ina̱nj quiꞌya̱j nij soꞌ, ne̱ nica̱ꞌ ndoꞌo caꞌmi̱i̱ nij soꞌ rihaan cunuda̱nj yuvii̱ a.

Hebreos 13:5

Se̱ guun soj síí ꞌe̱e̱ rá niꞌya̱j saꞌanj maꞌ. Ma̱an se ga̱a̱ xe̱j nimán soj cheꞌé rasu̱u̱n a̱j vaa rihaan soj na̱nj á. ꞌO̱ se maꞌa̱n Yaꞌanj cataj xnaꞌanj rihaan níꞌ a: “Daj chiha̱a̱ míj se̱ tanáj ꞌu̱nj man soj maꞌ”, taj Yaꞌanj rihaan níꞌ a.

Santiago 4:1

Me cheꞌé unuꞌ ndoꞌo nij soj ga̱ tuviꞌ soj, rá soj ga̱. Né cheꞌe̱ se me ndoꞌo rá soj ina̱nj quiꞌya̱j soj nda̱a vaa me rá nee̱ man soj, ne̱ cheꞌé dan naꞌvee ga̱a̱ xe̱j nimán soj a̱ naꞌ. Ne̱ né cheꞌe̱ dan unuꞌ soj ga̱ tuviꞌ soj a̱ naꞌ.

1 Pedro 5:2

Ase vaa nica̱j yuꞌunj yucuáj man matzinj roꞌ, da̱nj ga̱a̱ veꞌé ni̱caj yuꞌunj soj man nij síí noco̱ꞌ man Yaꞌanj nda̱a vaa caꞌneꞌ Yaꞌanj suun rihaan soj á. Se̱ naquiꞌyaj ꞌe̱e̱ soj man soj rihaan suun yoꞌ maꞌ. Ma̱an se veꞌé gu̱un rá soj quiꞌya̱j soj se‑su̱u̱n Yaꞌanj ado̱nj. Ne̱ se̱ guun ina̱nj rá soj quiꞌya̱j canaán soj saꞌanj cheꞌé suun ꞌyaj soj maꞌ. Tana̱nj ga̱a̱ niha̱ꞌ rá soj cheꞌé maꞌa̱n suun yoꞌ á.

2 Pedro 2:3

Gu̱un rá nij síí narque̱ tucuáán ne̱ yoꞌ quiꞌya̱j canaán ndoꞌo nij soꞌ saꞌanj, ne̱ cheꞌé dan nano̱ꞌ nij soꞌ nana̱ ne̱ caꞌmi̱i̱ nij soꞌ rihaan nij soj cheꞌé yan rque̱ soj saꞌanj man nij soꞌ a. Tza̱j ne̱ asi̱j naá cataj Yaꞌanj se vaa quira̱nꞌ ndoꞌo nij síí vaa da̱nj sayuun vaa güii, ne̱ ya̱ uxrá quira̱nꞌ nij soꞌ sayuun ado̱nj.

Judas 1:11

Nique̱ nij soꞌ cheꞌé sayuun quira̱nꞌ nij soꞌ na̱nj ado̱nj. ꞌO̱ se ase vaa quiꞌyaj síí cuꞌna̱j Caín ga̱a ticaviꞌ soꞌ man tinúú soꞌ ga̱a naá roꞌ, da̱nj vaa ꞌyaj nij soꞌ a. Ne̱ ase vaa quiꞌyaj síí cuꞌna̱j Balaam ga̱a naá roꞌ, da̱nj vaa ꞌyaj nij soꞌ, ne̱ me ndoꞌo rá nij soꞌ quiꞌya̱j canaán nij soꞌ saꞌanj, ne̱ cheꞌé dan tihaꞌ yuꞌunj nij soꞌ man tuviꞌ nij soꞌ a. Ne̱ ase vaa quiꞌyaj síí cuꞌna̱j Coré ga̱a naá roꞌ, da̱nj vaa ꞌyaj nij soꞌ, ne̱ dan me se tucuáá Coré rihaan Moisés, ne̱ cheꞌé dan chumánj yoꞌóó man nij tuvi̱ꞌ nij soꞌ, quiꞌyaj Yaꞌanj a. Ne̱ da̱nj quira̱nꞌ gue̱e̱ nij síí narqué tucuáán ne̱, quira̱nꞌ uxrá nij soꞌ sayuun vaa güii, quiꞌya̱j Yaꞌanj ado̱nj.

Apocalipsis 1:9

ꞌU̱nj si̱j cuꞌna̱j Juan roꞌ, tinúú soj mé ꞌu̱nj, ne̱ cheꞌé se nuu rcuꞌa̱a̱n níꞌ ga̱ Jesús roꞌ, síí ranꞌ sayuun ga̱ soj mé ꞌu̱nj, ne̱ síí uun chij Yaꞌanj rihaan mej ga̱ soj, ne̱ síí nucua̱j nimán rihaan sayuun mej ga̱ soj ado̱nj. Dan me se yáán ꞌu̱nj yoꞌóó ta̱j rihaan na yaꞌa̱nj yoꞌóó cuꞌna̱j Patmos, ne̱ yoꞌ me rej caꞌnéé nii manj cheꞌé se si̱j nataꞌ snana̱ Yaꞌanj mej ne̱ si̱j taj xnaꞌanj nana̱ cheꞌé Jesús mej a.