1 Timoteo 3:10 - Triqui de San Juan Copala

¹⁰ ꞌO̱ se asino xca̱j nii cuentá ni̱ꞌyaj nii man nij soꞌ sese taj cacunꞌ tumé nij soꞌ, ga̱a ne̱ caꞌve̱e gu̱un nij soꞌ síí nica̱j suun rihaan Yaꞌanj ra̱cuíj man xꞌneꞌ nij síí noco̱ꞌ man Cristó ado̱nj.

1 Timoteo 3:10 ပူးပေါင်းရင်းမြစ်များ

1 Corintios 1:8

Ne̱ soꞌ me síí ra̱cuíj ndoꞌo man soj, ne̱ gu̱un nucua̱j soj canoco̱ꞌ xraan soj man soꞌ nda̱a güii caꞌne̱ꞌ Jesucristó Si̱j ꞌNi̱j Raꞌa man níꞌ cacunꞌ cheꞌé yuvii̱, ne̱ se̱ tumé soj cacunꞌ, quiꞌya̱j soꞌ a̱ maꞌ.

Colosenses 1:22

Tza̱j ne̱ guun Cristó yuvii̱, ne̱ caviꞌ soꞌ, ne̱ cheꞌé dan cunuu rcuaꞌa̱a̱n soj ga̱ Yaꞌanj, quiꞌyaj soꞌ, ne̱ vaa güii canicu̱nꞌ soj rihaan Yaꞌanj, quiꞌya̱j Cristó, ne̱ si̱j nuu sa̱ꞌ nimán rihaan Yaꞌanj gu̱un soj, ne̱ taj cacunꞌ tu̱mé soj a̱ maꞌ.

1 Timoteo 3:13

Ne̱ sese sa̱ꞌ ꞌyaj nij soꞌ nu̱ꞌ suun vaa rihaan nij soꞌ, ne̱ síí sa̱ꞌ me nij soꞌ, cata̱j nij yuvii̱ noco̱ꞌ man Yaꞌanj, ne̱ se̱ cuchuꞌviꞌ nij soꞌ cata̱j xnaꞌanj nij soꞌ da̱j quiꞌya̱j níꞌ canoco̱ꞌ níꞌ man Cristó Jesús maꞌ.

1 Timoteo 3:2

Xa̱ꞌ síí gu̱un síí tumé sa̱ꞌ man yuvii̱ rihaan Yaꞌanj, tza̱j ne̱ vaa cheꞌé gu̱un soꞌ síí nuviꞌ cacunꞌ tumé do̱ꞌ, síí vaa o̱rúnꞌ chana̱ nica̱ do̱ꞌ, síí chij nimán do̱ꞌ, síí veꞌé acaj cuentá do̱ꞌ, síí niꞌya̱nj rá do̱ꞌ, síí niha̱ꞌ rá cara̱nꞌ yuvii̱ avii ꞌó chumanꞌ tucuá do̱ꞌ, síí ya̱nj tu̱cuꞌyón man yuvii̱ do̱ꞌ ado̱nj.

1 Timoteo 3:6

Sese síí noco̱ꞌ naca̱ stucua̱nj Yaꞌanj me ꞌo̱ soꞌ, ne̱ se̱ guun soꞌ síí tumé sa̱ꞌ man yuvii̱, se̱ gaa na̱nj gu̱un xta̱ꞌ nimán soꞌ ne̱ quira̱nꞌ soꞌ sayuun ga̱ Síí Chre̱e se vaa caca̱a̱ soꞌ, quiꞌya̱j Yaꞌanj na̱nj á.

1 Timoteo 5:22

Se̱ gaa raꞌya̱nj rá so̱ꞌ cuta̱ꞌ raꞌá so̱ꞌ raa̱ me maꞌa̱n ꞌo̱ soꞌ cheꞌé yan gu̱un soꞌ síí ca̱ta̱ suun cheꞌé Yaꞌanj maꞌ. ꞌO̱ se sese si̱j tumé cacunꞌ me soꞌ, ne̱ taj cheꞌé ra̱cuíj so̱ꞌ man soꞌ gu̱un chij soꞌ maꞌ. Da̱nj ina̱nj qui̱ꞌyáá so̱ꞌ, ga̱a ne̱ se̱ gaa na̱nj tu̱mé so̱ꞌ se‑cacu̱nꞌ soꞌ a. Dan me se ꞌo̱ ina̱nj se̱ caꞌvej so̱ꞌ catu̱u̱ a̱ ꞌó se chiꞌi̱i̱ maꞌ.

1 Juan 4:1

Tinu̱j, nocoj, se̱ guun cuno̱ soj me maꞌa̱n nana̱ maꞌ. Asino xca̱j soj cuentá sese nana̱ rqué Nimán Yaꞌanj me nana̱ caꞌmii ꞌo̱ soꞌ á. ꞌO̱ se a̱j caꞌnaꞌ ndoꞌo síí ne̱ rihaan chumii̱ nihánj, ne̱ taj nij soꞌ se vaa si̱j nataꞌ snana̱ Yaꞌanj me nij soꞌ, tza̱j ne̱ tuꞌva rmaꞌa̱n nij soꞌ na̱nj á.