1 Timoteo 2:1 - Triqui de San Juan Copala

¹ Narqué ꞌu̱nj chrej nucua̱j man soj cheꞌé suun noco̱o doj se vaa rquee̱ soj man Yaꞌanj ne̱ cachi̱nj niꞌya̱j soj rihaan soꞌ á. Cachi̱nj niꞌya̱j soj cheꞌé se vaa achiin man cunuda̱nj yuvii̱, ne̱ cata̱j soj guun niꞌya̱j níꞌ rihaan Yaꞌanj cheꞌé cunuda̱nj nij yuvii̱ a.

1 Timoteo 2:1 ပူးပေါင်းရင်းမြစ်များ

Hechos 17:30

’Dan me se asi̱j rque̱ me se ne quiꞌya̱j Yaꞌanj sayuun man nij síí aráj gue̱e̱ rihaan agaꞌ do̱ꞌ, rihaan yahij do̱ꞌ maꞌ. ꞌO̱ se ne caꞌve̱e xca̱j nij yuvii̱ cuentá maꞌ. Tza̱j ne̱ ya̱j me se cataj xnaꞌanj Yaꞌanj rihaan nij yuvii̱ ma̱n cunuda̱nj nij chumanꞌ na̱j rihaan chumii̱ se vaa ca̱nica̱j nimán nij yuvii̱ canoco̱ꞌ nij yuvii̱ tucuáán sa̱ꞌ ado̱nj.

Romanos 1:8

Cuno yuvii̱ ma̱n nu̱ꞌ rihaan chumii̱ se vaa amán rá nij soj niꞌya̱j soj Yaꞌanj, ne̱ cheꞌé dan me taj ꞌu̱nj guun niꞌya̱j níꞌ rihaan Yaꞌanj, ne̱ racuíj Jesucristó mán ꞌu̱nj taj ꞌu̱nj guun niꞌya̱j níꞌ rihaan Yaꞌanj cheꞌé cunuda̱nj soj na̱nj á.

Romanos 6:17

Ga̱a rque̱ me se se‑mo̱zó cacunꞌ me soj, tza̱j ne̱ guun rá maꞌa̱n soj cuno̱ soj tucuáán tucuꞌyón núj rihaan soj cheꞌé Yaꞌanj, ne̱ cheꞌé dan taj ꞌu̱nj guun niꞌya̱j níꞌ rihaan Yaꞌanj ado̱nj.

1 Corintios 15:3

ꞌO̱ se asino ya̱a̱n nataj nana̱ sa̱ꞌ naríꞌ ꞌu̱nj rihaan soj, ne̱ nana̱ cataj xnaꞌanj nii rihanj me nana̱ nihánj, se vaa caviꞌ Cristó cheꞌé cacunꞌ tumé níꞌ, nda̱a vaa taj Danj Yaꞌanj a.

2 Corintios 8:6

Cheꞌé dan rquee̱ núj rihaan síí cuꞌna̱j Titó se vaa cuchi̱ꞌ soꞌ rihaan soj si̱j ya̱nj chumanꞌ Corinto, ne̱ cata̱j soꞌ se vaa ase vaa quiꞌyaj nij síí ma̱n estadó Macedonia roꞌ, da̱nj ga̱a̱ caꞌve̱e quiꞌya̱j maꞌa̱n nij soj uún, ga̱a ne̱ quisi̱j rqué ta̱ranꞌ soj saꞌanj rihaan nij síí nique̱ yoꞌ á.

Efesios 3:13

Cheꞌé dan achíín ni̱ꞌyáá ꞌu̱nj se vaa se̱ quiriꞌ rá nimán soj queneꞌe̱n soj sayuun ránꞌ ꞌu̱nj cheꞌé soj maꞌ. ꞌO̱ se tana̱nj a̱ veꞌé uxrá cavi̱i̱ sa̱ꞌ soj doj cheꞌé sayuun ránꞌ ꞌu̱nj nihánj na̱nj ado̱nj.

Efesios 5:20

Ne̱ niga̱nj cata̱j soj guun niꞌya̱j níꞌ rihaan Rej níꞌ Yaꞌanj cheꞌé cunuda̱nj rasu̱u̱n, cheꞌé se‑chuvi̱i Jesucristó Si̱j ꞌNi̱j Raꞌa man níꞌ á.

Efesios 6:18

Ne̱ niga̱nj cachi̱nj niꞌya̱j uxrá soj rihaan Yaꞌanj, ne̱ ra̱cuíj Nimán Yaꞌanj man soj nacu̱nj soj ne̱ cachi̱nj niꞌya̱j soj ado̱nj. Se̱ caꞌneꞌ rá soj maꞌ. Tana̱nj ꞌo̱ cachi̱nj niꞌya̱j uxrá soj cheꞌé ta̱ranꞌ nij síí noco̱ꞌ man Cristó na̱nj á.

Filipenses 1:3

Daj a̱ ga̱a nanuj rá ꞌu̱nj man nij soj, ne̱ taj ꞌu̱nj guun niꞌya̱j níꞌ rihaan Yaꞌanj cheꞌé soj a.

Filipenses 4:6

Se̱ nanó rá soj cheꞌé a̱ ꞌó rasu̱u̱n maꞌ. Tana̱nj cachi̱nj niꞌya̱j soj rihaan Yaꞌanj, ne̱ me maꞌa̱n rasu̱u̱n achiin man soj, ne̱ cachi̱nj soj rihaan Yaꞌanj, ne̱ cata̱j soj guun niꞌya̱j níꞌ rihaan Yaꞌanj á.

1 Tesalonicenses 3:12

Ne̱ ase vaa ꞌe̱e̱ rá núj man soj roꞌ, da̱nj ga̱a̱ cunu̱u ꞌe̱e̱ ndoꞌo rá soj ni̱ꞌyaj soj tinúú soj do̱ꞌ, cunuda̱nj yuvii̱ do̱ꞌ, quiꞌya̱j Síí ꞌNi̱j Raꞌa man níꞌ, rá núj a.

2 Tesalonicenses 1:3

Doj a̱ doj a̱ amán rá soj niꞌya̱j soj man Yaꞌanj, ne̱ nuu ꞌe̱e̱ doj rá ꞌo̱ ꞌo̱ soj tinúú soj da̱j a̱ güii, ne̱ cheꞌé dan no̱ xcúún núj ꞌo̱ cata̱j núj guun niꞌya̱j níꞌ rihaan Yaꞌanj cheꞌé soj, tinu̱j, nocoj.

1 Timoteo 2:4

Me rá Yaꞌanj nani̱i̱ cunuda̱nj yuvii̱ rihaan sayuun ne̱ cavi̱i̱ sa̱ꞌ nij soꞌ, ne̱ me rá Yaꞌanj nari̱ꞌ cunuda̱nj yuvii̱ nana̱ ya̱ na̱nj á.

1 Timoteo 5:5

Sese ya̱ chana̱ nique̱ me ꞌo̱ noꞌ, ne̱ naꞌvi̱j noꞌ ra̱cuíj Yaꞌanj man noꞌ, ne̱ ꞌo̱ nacúún noꞌ rihaan Yaꞌanj do̱ꞌ, ꞌo̱ achíín niꞌya̱j noꞌ rihaan Yaꞌanj do̱ꞌ, nuvi̱i niga̱nꞌ a.

2 Timoteo 2:24

Ne nó xcúún síí ꞌyaj se‑su̱u̱n Síí ꞌNi̱j Raꞌa man níꞌ cano̱ tuviꞌ soꞌ da̱nj maꞌ. Tana̱nj veꞌé quiꞌya̱j soꞌ cheꞌé cunuda̱nj yuvii̱, ne̱ veꞌé tu̱cuꞌyón soꞌ, ne̱ na̱j ga̱a̱ nimán soꞌ,

Tito 2:11

Dan me se a̱j xcaj níꞌ cuentá se vaa quiꞌyaj ndoꞌo Yaꞌanj se lu̱j cheꞌé cunuda̱nj yuvii̱, se vaa caꞌve̱e nani̱i̱ cunuda̱nj nij yuvii̱ rihaan chrej chiꞌi̱i̱ do̱ꞌ, rihaan sayuun do̱ꞌ,

Tito 3:2

Se̱ caꞌmii chiꞌi̱i̱ nij soꞌ ni̱ꞌyaj nij soꞌ tuviꞌ nij soꞌ maꞌ. Se̱ canó tuviꞌ nij soꞌ ga̱ tuviꞌ nij soꞌ maꞌ. Ma̱an se veꞌé ina̱nj quiꞌya̱j nij soꞌ, ne̱ nica̱ꞌ ndoꞌo caꞌmi̱i̱ nij soꞌ rihaan cunuda̱nj yuvii̱ a.

Hebreos 6:11

Tza̱j ne̱ me uxrá rá ꞌu̱nj se vaa ꞌo̱ cuya̱a̱n gu̱un ya̱ rá ꞌo̱ ꞌo̱ nij tinu̱j soj se vaa cavi̱i̱ sa̱ꞌ ya̱ uxrá soj quiꞌya̱j Cristó, ne̱ gu̱un niha̱ꞌ rá soj canoco̱ꞌ xraan soj man soꞌ nda̱a se quisi̱j güii caꞌna̱ꞌ uún soꞌ á.

Santiago 5:16

Cheꞌé dan nda̱a ꞌo̱ ꞌo̱ níꞌ nata̱ꞌ ya̱ rihaan tinúú níꞌ cheꞌé cacunꞌ tumé níꞌ, ne̱ nda̱a ꞌo̱ ꞌo̱ níꞌ cachi̱nj niꞌya̱j rihaan Yaꞌanj cheꞌé tuviꞌ níꞌ, ga̱a ne̱ nahu̱un níꞌ, quiꞌya̱j Yaꞌanj a. Sese vaa ꞌo̱ síí vaa nica̱ ya̱ nimán achíín niꞌya̱j uxrá rihaan Yaꞌanj, ne̱ cuno̱ ya̱ Yaꞌanj, ne̱ quiꞌya̱j Yaꞌanj nda̱a vaa cachíín niꞌya̱j soꞌ ado̱nj.