1 Timoteo 1:8 - Triqui de San Juan Copala

⁸ Neꞌen níꞌ se vaa sa̱ꞌ vaa stucua̱nj Moisés, ne̱ cataj Yaꞌanj rihaan Moisés da̱j quiꞌya̱j nij yuvii̱ israelitá canoco̱ꞌ nij soꞌ man Yaꞌanj, tza̱j ne̱ xca̱j níꞌ cuentá me cheꞌé me caꞌmii Yaꞌanj da̱nj á.

1 Timoteo 1:8 ပူးပေါင်းရင်းမြစ်များ

Romanos 12:2

Se̱ quiꞌyaj soj nda̱a vaa tucuáán noco̱ꞌ nij yuvii̱ ma̱n chumii̱ nihánj maꞌ. Tana̱nj caꞌve̱j rá soj cunu̱u sa̱ꞌ nimán soj quiꞌya̱j Yaꞌanj, ne̱ xca̱j naca̱ soj cuentá da̱j quiꞌya̱j soj ga̱a yáán soj rihaan chumii̱ nihánj, ga̱a ne̱ nari̱ꞌ soj da̱j me rá Yaꞌanj quiꞌya̱j soj, ne̱ xca̱j soj cuentá me se me se sa̱ꞌ niꞌya̱j Yaꞌanj á. Dan me se xca̱j soj cuentá me suun sa̱ꞌ me rá Yaꞌanj quiꞌya̱j soj ado̱nj.

Romanos 7:16

Chiꞌi̱i̱ vaa cacunꞌ ꞌyáj, raj, ne̱ dan me se neꞌén ꞌu̱nj se vaa sa̱ꞌ vaa stucua̱nj Moisés a.

Romanos 7:18

Neꞌenj se vaa taj se ꞌyáꞌ quiꞌya̱j nee̱ manj se sa̱ꞌ maꞌ. Dan me se me raj qui̱ꞌyáj se sa̱ꞌ, tza̱j ne̱ naꞌvee quiꞌya̱j nee̱ manj se sa̱ꞌ maꞌ. Ne̱ se chiꞌi̱i̱ naꞌvej raj qui̱ꞌyáj roꞌ, ꞌyáj, ꞌyaj nee̱ manj ado̱nj.

Romanos 7:22

Neꞌenj se vaa sa̱ꞌ uxrá vaa stucua̱nj Moisés,

Gálatas 3:21

Tza̱j ne̱ ta̱j riꞌyunj stucua̱nj Moisés man nana̱ cataꞌ tuꞌva Yaꞌanj rihaan Abraham ga̱a naá, rá soj naꞌ. Daj chiha̱a̱ míj ne vaa da̱nj maꞌ. Tza̱j ne̱ sese caꞌve̱e gu̱un nucua̱j yuvii̱ quiꞌya̱j yuvii̱ ꞌo̱ tucuáán rqué Yaꞌanj, ne̱ ya̱ cunu̱u sa̱ꞌ yuvii̱ rihaan Yaꞌanj, quiꞌya̱j tucuáán yoꞌ ado̱nj. Tza̱j ne̱ se̱ guun nucua̱j yuvii̱ quiꞌya̱j yuvii̱ tucuáán vaa da̱nj maꞌ.

2 Timoteo 2:5

Dan me se veé da̱nj ꞌyaj nij síí tico canaán uún, ne̱ no̱ xcúún nij soꞌ cuno̱ sa̱ꞌ nij soꞌ nu̱ꞌ suun aꞌneꞌ nii rihaan nij soꞌ quiꞌya̱j nij soꞌ ado̱nj. Se taj, ne̱ daj chiha̱a̱ míj se̱ quiꞌyaj canaán nij soꞌ cachriin yâj cu̱nuû raa̱ nij soꞌ maꞌ.