1 Timoteo 1:7 - Triqui de San Juan Copala

⁷ ꞌO̱ se me rá nij soꞌ gu̱un nij soꞌ maestró tucuꞌyón stucua̱nj Moisés, tza̱j ne̱ ne neꞌen nij soꞌ me taj nij soꞌ a̱ maꞌ. Ne̱ sa̱ꞌ uxrá vaa nana̱ tucuꞌyón nij soꞌ rá maꞌa̱n nij soꞌ, tza̱j ne̱ ne neꞌen uxrá nij soꞌ nana̱ yoꞌ a̱ maꞌ.

1 Timoteo 1:7 ပူးပေါင်းရင်းမြစ်များ

San Mateo 15:14

Se̱ cuno soj aꞌmii nij soꞌ maꞌ. ꞌO̱ se ase vaa síí aráán rihaan vaa nij soꞌ ado̱nj. Dan me se neꞌen soj se vaa sese gu̱un rá síí tuchri̱i ra̱cuíj soꞌ man ꞌó síí tuchri̱i nari̱ꞌ soꞌ chrej caꞌa̱nj soꞌ, ne̱ quini̱j ro̱j síí tuchri̱i yoꞌ rá yuꞌuj na̱nj ado̱nj ―taj Jesús rihaan nij síí tucuꞌyón snana̱ soꞌ a.

San Mateo 21:27

Ga̱a ne̱ cataj nij soꞌ rihaan Jesús a: ―Ne neꞌen núj me síí caꞌneꞌ suun rihaan Juan cuta̱ꞌ ne soꞌ man yuvii̱ maꞌ ―taj nij soꞌ a. Ga̱a ne̱ cataj Jesús rihaan nij soꞌ a: ―Cheꞌé dan se̱ cataj xnaꞌanj ꞌu̱nj rihaan nij soj me síí caꞌneꞌ suun rihanj qui̱ꞌyáj nda̱a vaa ꞌyáj maꞌ ―taj Jesús rihaan nij soꞌ a.

San Lucas 2:46

Quisíj vaꞌnu̱j güii nanoꞌ ro̱j soꞌ man xnii, ga̱a ne̱ caꞌanj ro̱j soꞌ rej ya̱nj nuvií noco̱o rej ma̱n nij síí naquiꞌyaj cu̱u stucua̱nj Moisés a. Ne̱ ma̱an dan yáán xnii nanó xre̱j xnii nana̱ aꞌmii nij soꞌ, ne̱ xnáꞌanj xnii nana̱ cu̱u man nij soꞌ,

Hechos 15:1

Dan me se taꞌa̱j nij síí noco̱ꞌ man Jesucristó cavii estadó Judea, ne̱ caꞌanj nij soꞌ tucuꞌyón nij soꞌ rihaan ꞌó tinúú nij soꞌ se vaa sese se̱ cataꞌ taꞌngaꞌ man ꞌo̱ soꞌ nda̱a vaa taj stucua̱nj Moisés, ne̱ daj chiha̱a̱ míj se̱ caꞌvee nani̱i̱ soꞌ rihaan sayuun ne̱ cavi̱i̱ sa̱ꞌ soꞌ quiꞌya̱j Yaꞌanj maꞌ.

Romanos 1:22

Síí cu̱u raa̱ me nij soꞌ, taj maꞌa̱n nij soꞌ, tza̱j ne̱ caꞌmii ne̱ nij soꞌ, ne̱ tana̱nj nahuun nij soꞌ síí niꞌyo̱n rmaꞌa̱n doj a.

Gálatas 3:2

ꞌO̱ se me rá ꞌu̱nj xna̱ꞌanj ꞌu̱nj ꞌo̱ nana̱ man soj chugua̱nj: Cheꞌé se canocoꞌ nij soj stucua̱nj Moisés me catúj Nimán Yaꞌanj nimán soj naꞌ. Ase cheꞌé se amán rá soj cuno soj nana̱ sa̱ꞌ cheꞌé Cristó me catúj Nimán Yaꞌanj nimán soj xa̱ꞌ.

Gálatas 3:5

Ga̱a rqué Yaꞌanj Nimán soꞌ rihaan soj quiꞌya̱j ndoꞌo soj suun sa̱ꞌ noco̱o, ga̱a ne̱ me cheꞌé quiꞌyaj Yaꞌanj da̱nj, rá soj ga̱. Cheꞌé se canocoꞌ soj stucua̱nj Moisés me quiꞌyaj Yaꞌanj da̱nj naꞌ. Taj maꞌ. Cheꞌé se amán rá soj niꞌya̱j soj man Cristó me quiꞌyaj Yaꞌanj da̱nj chugua̱nj.

Gálatas 4:21

Me rá ꞌu̱nj cata̱j ya̱ soj ꞌo̱ nana̱ rihanj á: Me rá nij soj canoco̱ꞌ soj stucua̱nj Moisés, tza̱j ne̱ neꞌen soj da̱j taj nana̱ cachrón Moisés rihaan yanj yoꞌ naꞌ.

1 Timoteo 6:4

ne̱ síí xta̱ꞌ nimán me soꞌ, ne̱ a̱ doj ne xcaj soꞌ cuentá a̱ maan ado̱nj. Niha̱ꞌ uxrá rá nij soꞌ caꞌmi̱i̱ cunu̱ꞌ nij soꞌ cheꞌé nana̱ aꞌmii nij soꞌ, ne̱ cheꞌé dan uun xco̱j ruva̱a̱ rá nij soꞌ niꞌya̱j nij soꞌ tuviꞌ nij soꞌ, ne̱ unuꞌ ndoꞌo nij soꞌ, ne̱ aꞌmii qui̱j nij soꞌ cheꞌé Yaꞌanj, ne̱ nij ꞌyaj nij soꞌ, utaꞌ nij soꞌ cacunꞌ rmi̱ꞌ xráá tuviꞌ nij soꞌ ado̱nj.

2 Timoteo 3:7

Niga̱nj tucuꞌyón nij chana̱ yoꞌ nu̱ꞌ nana̱ sa̱ꞌ, tza̱j ne̱ daj chiha̱a̱ míj ne gu̱un nucua̱j nij noꞌ xca̱j nij noꞌ cuentá cheꞌé nana̱ ya̱ yoꞌ a̱ maꞌ.

Santiago 3:1

Tinu̱j. Nocoj. Se̱ guun ga̱a̱ queꞌe̱e̱ maestró tihaa̱n snana̱ Yaꞌanj man soj maꞌ. ꞌO̱ se núj si̱j tihaa̱n snana̱ Yaꞌanj roꞌ, neꞌen soj se vaa doj a̱ cara̱a Yaꞌanj cacunꞌ xráá núj sese se̱ cuno núj rihaan Yaꞌanj ado̱nj.

2 Pedro 2:12

Ne acaj nij síí narqué tucuáán ne̱ cuentá da̱j vaa nij síí me nana̱ nucua̱j, tza̱j ne̱ aꞌmii nij soꞌ nana̱ nij cheꞌé nij nana̱ nucua̱j yoꞌ ado̱nj. Ase vaa nij xcuu qui̱j ne acaj cuentá vaa nij síí narqué tucuáán ne̱ yoꞌ a. Caꞌngaa nij xcuu qui̱j, na̱nj cheꞌé yan ta̱ꞌaa nii man xcuu ticavi̱ꞌ nii man nij xoꞌ a. Taꞌngaꞌ da̱nj quira̱nꞌ nij soꞌ chugua̱nj.