1 Timoteo 1:4 - Triqui de San Juan Copala

⁴ Dan me se cata̱j so̱ꞌ rihaan nij tinúú níꞌ, ne̱ a̱ se̱ nanó xre̱j nij soꞌ cuentó ma̱n ga̱a naá do̱ꞌ, cuentó cheꞌé da̱j vaa da̱j a̱ xi̱i nij soꞌ síí ma̱n ga̱a naá do̱ꞌ maꞌ. ꞌO̱ se aꞌmii unuꞌ uxrá yuvii̱ cheꞌé nana̱ yoꞌ, tza̱j ne̱ ne racuíj nana̱ yoꞌ man níꞌ sa̱ꞌ doj canoco̱ꞌ níꞌ man Yaꞌanj maꞌ. ꞌO̱ se me rá Yaꞌanj ga̱a̱ nucua̱j rá níꞌ man maꞌa̱n Yaꞌanj ado̱nj.

1 Timoteo 1:4 ပူးပေါင်းရင်းမြစ်များ

2 Corintios 1:12

Niha̱ꞌ ndoꞌo rá núj, cheꞌé se neꞌen núj se vaa nuviꞌ cacunꞌ tumé núj a. ꞌO̱ se veꞌé quiꞌyaj núj ga̱ soj ga̱a chéé núj rihaan chumii̱ nihánj, ne̱ ne tiha̱ꞌ yuꞌunj núj man soj maꞌ. Ma̱an se cuno núj rihaan Yaꞌanj, ne̱ caꞌmii chij núj rihaan soj, ne̱ ne quiꞌya̱j núj ina̱nj se vaa cavii raa̱ maꞌa̱n núj maꞌ. ꞌO̱ se maꞌa̱n Yaꞌanj racuíj man núj, ne̱ quiꞌyaj núj ina̱nj se vaa me rá Yaꞌanj quiꞌya̱j núj na̱nj ado̱nj.

Efesios 3:2

ne̱ a̱j neꞌen soj se vaa atá ꞌu̱nj suun quiꞌyaj Yaꞌanj cheꞌé soj si̱j yaníj na̱nj ado̱nj. Dan me se quiꞌyaj ndoꞌo Yaꞌanj se lu̱j cheꞌé ꞌu̱nj, ne̱ caꞌneꞌ soꞌ suun rihanj nata̱ꞌ ꞌu̱nj snana̱ soꞌ rihaan soj ado̱nj.

1 Timoteo 3:16

Neꞌen cunuda̱nj níꞌ se vaa noco̱o uxrá vaa nana̱ sa̱ꞌ yuve̱ tihaa̱n naca̱ Yaꞌanj man níꞌ nana̱ canocoꞌ níꞌ, ne̱ nihánj me nana̱ yoꞌ a: Curiha̱nj Yaꞌanj rihaan chumii̱, ne̱ guun soꞌ yuvii̱ a. Veꞌé ndoꞌo quiꞌyaj soꞌ, cataj Nimán Yaꞌanj a. Queneꞌen nij se‑mo̱zó Yaꞌanj man soꞌ a. Nataꞌ nii cheꞌé soꞌ rihaan nij yuvii̱ yaníj a. Cuchumán rá taꞌa̱j nij síí ma̱n rihaan chumii̱ nihánj niꞌya̱j nij soꞌ man soꞌ a. Quinanꞌ soꞌ xta̱ꞌ, ne̱ niꞌndaj ya̱ veꞌé nacaj nij síí ma̱n xta̱ꞌ man soꞌ a. Yoꞌ me nana̱ noco̱ꞌ níꞌ a.

1 Timoteo 4:7

Se̱ cunó so̱ꞌ cuentó nataꞌ yuvii̱ cuentó snúú rmaꞌa̱n ne aꞌmii ya̱ cheꞌé Yaꞌanj maꞌ. Tu̱cuꞌyón so̱ꞌ da̱j qui̱ꞌyáá so̱ꞌ, ne̱ veꞌé doj ca̱nocóꞌ so̱ꞌ stucua̱nj Yaꞌanj á.

1 Timoteo 6:11

Tza̱j ne̱ so̱ꞌ si̱j noco̱ꞌ man Yaꞌanj me se se̱ guun rá so̱ꞌ quiꞌya̱j canaán so̱ꞌ noco̱o saꞌanj maꞌ. Tana̱nj nano̱ꞌ so̱ꞌ naquiꞌya̱j nica̱ so̱ꞌ man yuvii̱ do̱ꞌ, canoco̱ꞌ xraan so̱ꞌ man Yaꞌanj do̱ꞌ, cuchuma̱n uxrá rá so̱ꞌ man Yaꞌanj do̱ꞌ, ga̱a̱ ꞌe̱e̱ rá so̱ꞌ man yuvii̱ do̱ꞌ, ga̱a̱ nucua̱j nimán so̱ꞌ rihaan sayuun do̱ꞌ, ga̱a̱ naj nimán so̱ꞌ do̱ꞌ á.

1 Timoteo 6:20

ꞌO̱ tu̱mé so̱ꞌ se‑su̱u̱n Yaꞌanj suun caꞌneꞌ Yaꞌanj rihaan so̱ꞌ, tinu̱j. Se̱ cunó so̱ꞌ ꞌó nana̱ cu̱u tucuꞌyón nii, nana̱ aꞌmii yuvii̱ u̱u̱n maꞌ. ꞌO̱ se avii ndoꞌo raa̱ nij síí noco̱ꞌ ꞌó nana̱, rá nij soꞌ, tza̱j ne̱ ne neꞌen uxrá nij soꞌ a̱ maꞌ.

2 Timoteo 2:14

Dan me se cata̱j xnaꞌanj so̱ꞌ rihaan nij síí noco̱ꞌ man Yaꞌanj se vaa se̱ niꞌyón nij soꞌ nana̱ nihánj maꞌ. Ne̱ nago̱ꞌ so̱ꞌ chrej nucua̱j man nij soꞌ rihaan Yaꞌanj Si̱j ꞌNi̱j Raꞌa man níꞌ se vaa se̱ caꞌmii cano̱ tuviꞌ nij soꞌ cheꞌé nana̱ tucuꞌyón nij soꞌ maꞌ. ꞌO̱ se taj cheꞌé quiꞌya̱j nij soꞌ da̱nj maan ado̱nj. Ne̱ síí ataꞌ xre̱j snana̱ nij soꞌ roꞌ, quiri̱ꞌ rá nij soꞌ ado̱nj.

2 Timoteo 2:22

Tza̱j ne̱ se̱ caꞌvej rá so̱ꞌ qui̱ꞌyáá so̱ꞌ nda̱a vaa me rá nij síí tachru̱u̱ quiꞌya̱j nij soꞌ maꞌ. ꞌO̱ gu̱un rá so̱ꞌ qui̱ꞌyáá so̱ꞌ se sa̱ꞌ ni̱ꞌyaj Yaꞌanj á. Ga̱a̱ nucua̱j rá so̱ꞌ man soꞌ á. Ga̱a̱ ꞌe̱e̱ rá so̱ꞌ tuvíꞌ so̱ꞌ á. Dínj ca̱yáán so̱ꞌ ga̱ ꞌó nij síí sa̱ꞌ nimán nij síí achíín niꞌya̱j rihaan Síí ꞌNi̱j Raꞌa man níꞌ á.

2 Timoteo 2:23

Se̱ caꞌvej rá so̱ꞌ cano̱ tuvíꞌ so̱ꞌ ga̱ yuvii̱ cheꞌé nana̱ snúú rmaꞌa̱n maꞌ. Ne acaj nij síí ꞌyaj da̱nj cuentá maꞌ. Si̱j ataa nari̱ꞌ sa̱ꞌ me nij soꞌ na̱nj ado̱nj. Ne̱ cheꞌé se vaa ꞌyaj nij soꞌ, cheꞌé dan anó tuviꞌ ndoꞌo nij soꞌ ado̱nj.

2 Timoteo 4:4

Ne̱ caꞌa̱nj nij soꞌ rej nuviꞌ nana̱ ya̱ cuno̱ nij soꞌ, ne̱ na̱nj cuentó ne̱ cuno̱ nij soꞌ a.

Tito 1:1

ꞌU̱nj roꞌ, me síí cuꞌna̱j Pabló nu̱u̱ rihaan Yaꞌanj, ne̱ cuneꞌ Jesucristó mán ꞌu̱nj caꞌa̱nj nata̱ꞌ ꞌu̱nj rihaan nij yuvii̱ narii Yaꞌanj cheꞌé rej nari̱ꞌ nij soꞌ stucua̱nj Cristó, ne̱ nari̱ꞌ nij soꞌ snana̱ Yaꞌanj nana̱ ya̱, ne̱ veꞌé uxrá canoco̱ꞌ nij soꞌ man Yaꞌanj, quiꞌya̱j nana̱ ya̱ yoꞌ a.

Tito 1:14

Dan me se da̱nj qui̱ꞌyáá so̱ꞌ, ga̱a ne̱ se̱ gaa na̱nj xca̱j nij soꞌ cuentá cheꞌé nij cuentó u̱u̱n nanó nij yuvii̱ israelitá á. Ne̱ se̱ cuno nij soꞌ suun caꞌneꞌ nij síí naꞌvej rá canoco̱ꞌ tucuáán ya̱ rihaan nij soꞌ maꞌ.

Tito 3:9

Tza̱j ne̱ se̱ canó tuvíꞌ so̱ꞌ ga̱ yuvii̱ maꞌ. Síí niꞌyo̱n me síí ꞌyaj da̱nj chugua̱nj. Se̱ nanó rá so̱ꞌ cheꞌé xií so̱ꞌ ga̱a naá da̱j si̱j me nij soꞌ maꞌ. Se̱ canó tuvíꞌ so̱ꞌ cheꞌé stucua̱nj Moisés maꞌ. ꞌO̱ se né se racuíj man yuvii̱ me nana̱ anó tuviꞌ yoꞌ maꞌ. Tana̱nj nana̱ snúú rmaꞌa̱n me yoꞌ ado̱nj.

Hebreos 13:9

Se̱ caꞌvej soj tiha̱ꞌ yuꞌunj nii man soj ga̱ me maꞌa̱n ꞌó tucuáán naca̱ maꞌ. ꞌO̱ se a̱j sa̱ꞌ uxrá vaa sese nari̱ꞌ nucuaj nimán soj cheꞌé se lu̱j quiꞌyaj Cristó ga̱ níꞌ ado̱nj. Tza̱j ne̱ se̱ nariꞌ nucuaj nimán soj quiꞌya̱j tucuáán cheꞌé se chá maꞌ. ꞌO̱ se se̱ cavii sa̱ꞌ nij síí noco̱ꞌ tucuáán yoꞌ maꞌ.

2 Pedro 1:16

ꞌO̱ se ga̱a cataj xnaꞌanj núj rihaan soj se vaa caꞌna̱ꞌ uún Jesucristó Si̱j ꞌNi̱j Raꞌa man níꞌ rihaan chumii̱ nihánj ne̱ ga̱a̱ nucua̱j ndoꞌo soꞌ asa̱ꞌ caꞌnaꞌ soꞌ, ne̱ né cue̱ntó avii raa̱ maꞌa̱n núj me yoꞌ maꞌ. Rihaan maꞌa̱n núj queneꞌen núj se vaa niꞌndaj ya̱ veꞌé vaa soꞌ ado̱nj.