1 Tesalonicenses 5:5 - Triqui de San Juan Copala

⁵ Ino̱ vaa soj rihaan nij síí ne nocoꞌ man Cristó á. Dan me se xa̱ꞌ soj, tza̱j ne̱ si̱j chéé ranga̱ꞌ me soj, ne̱ si̱j acaj sa̱ꞌ cuentá me soj uún, ne̱ né si̱j chéé rej rmi̱ꞌ do̱ꞌ, rej nii̱ do̱ꞌ, me soj maꞌ.

1 Tesalonicenses 5:5 ပူးပေါင်းရင်းမြစ်များ

San Lucas 16:8

’Dan me se xcaj se‑ruꞌve̱e̱ mozó yoꞌ cuentá se vaa quiꞌyaj chiꞌi̱i̱ ndoꞌo mozó yoꞌ rihaan soꞌ, tza̱j ne̱ caꞌmii sa̱ꞌ ruꞌvee cheꞌé mozó yoꞌ cataj ruꞌvee se vaa si̱j avii ndoꞌo raa̱ me mozó yoꞌ ado̱nj. Da̱nj na̱nj nij síí ma̱n rihaan chumii̱ nihánj cuano̱, tza̱j ne̱ ga̱a ꞌyaj suun nij soꞌ ga̱ tuviꞌ maꞌa̱n nij soꞌ, ne̱ doj a̱ avii raa̱ nij soꞌ rihaan nij síí noco̱ꞌ snana̱ Yaꞌanj na̱nj á.

San Juan 12:36

Dan me se va̱j soj rej chuguu̱n yaꞌan, ne̱ cheꞌé dan cuchuma̱n rá soj ni̱ꞌyaj soj yaꞌan sa̱ꞌ á. Quisi̱j quiꞌya̱j soj da̱nj, ga̱a ne̱ gu̱un soj taꞌníí yaꞌan chuguu̱n, ne̱ si̱j xcaj cuentá gu̱un soj ado̱nj ―taj Jesús rihaan nij yuvii̱ a. Quisíj caꞌmii Jesús nana̱ nihánj, ga̱a ne̱ caꞌanj Jesús, ne̱ caxríj yuve̱ soꞌ man soꞌ rihaan nij soꞌ a.

Hechos 26:18

cheꞌé rej naxra̱ꞌ rihaan nij soꞌ ne̱ xca̱j nij soꞌ cuentá qui̱ꞌyáá so̱ꞌ ado̱nj. Ga̱a ne̱ ta̱náj xco̱ nij soꞌ rej rmi̱ꞌ rej uun chij Síí Chre̱e rihaan nij soꞌ, ne̱ ca̱nica̱j nij soꞌ rihaan Yaꞌanj rej ranga̱ꞌ rej gu̱un nucua̱j nij soꞌ xca̱j nij soꞌ cuentá a. Ga̱a ne̱ caꞌve̱e navi̱j nu̱ꞌ cacunꞌ tumé nij soꞌ, ne̱ caꞌve̱e cavi̱i̱ sa̱ꞌ nij soꞌ ga̱ nij síí cunuu sa̱ꞌ nimán rihaan Yaꞌanj, sese cuchuma̱n rá nij soꞌ ni̱ꞌyaj nij soꞌ mán ꞌu̱nj, qui̱ꞌyáá so̱ꞌ á”, taj Síí ꞌNi̱j Raꞌa man níꞌ rihanj a.

Efesios 5:8

Asi̱j rque̱ roꞌ, ase vaa nij síí chéé rej rmi̱ꞌ roꞌ, da̱nj vaa maꞌa̱n soj, ne̱ nuviꞌ cuentá nica̱j soj maꞌ. Tza̱j ne̱ ya̱j roꞌ, canocoꞌ soj man Síí ꞌNi̱j Raꞌa man níꞌ, ne̱ cheꞌé dan ase vaa síí chéé rej ranga̱ꞌ roꞌ, da̱nj vaa soj, nica̱j ndoꞌo soj cuentá, ne̱ cheꞌé dan veꞌé quiꞌya̱j soj ga̱a chéé soj rihaan chumii̱ nihánj na̱nj á.

1 Tesalonicenses 5:8

Xa̱ꞌ níꞌ, tza̱j ne̱ si̱j va̱j rej ranga̱ꞌ me níꞌ, ne̱ acaj níꞌ cuentá da̱j ꞌyaj níꞌ na̱nj á. Dan me se ꞌo̱ ga̱a̱ nucua̱j rá níꞌ man Cristó, ne̱ ga̱a̱ ꞌe̱e̱ rá níꞌ man tinúú níꞌ, ne̱ ase vaa aráán rihaan nimán tanuu ꞌyaj agaꞌ no̱ rucua̱a̱ tanuu roꞌ, da̱nj ga̱a̱ ca̱ráán rihaan nimán níꞌ a. Ne̱ gu̱un ya̱ rá níꞌ se vaa ya̱ nani̱i̱ níꞌ rihaan sayuun ne̱ cavi̱i̱ sa̱ꞌ níꞌ, ne̱ ase vaa avii sa̱ꞌ tanuu ꞌyaj agaꞌ nu̱u̱ raa̱ tanuu roꞌ, da̱nj ga̱a̱ cavi̱i̱ sa̱ꞌ níꞌ a.

1 Juan 2:8

Dan me se cachro̱n uún ꞌu̱nj ꞌo̱ suun naca̱ aꞌnéꞌ ꞌu̱nj rihaan soj cuno̱ soj, ne̱ ya̱ ya̱ suun naca̱ tucuꞌyón Cristó me suun nihánj, ne̱ cuno soj suun nihánj ado̱nj. ꞌO̱ se va̱j navi̱j rej rmi̱ꞌ rihaan chumii̱ nihánj, ne̱ Cristó roꞌ, me yaꞌan chuguu̱n, ne̱ dan me se guun cheꞌe̱ snana̱ soꞌ cuchuguu̱n snana̱ soꞌ rihaan chumii̱ nihánj ado̱nj.