1 Pedro 4:4 - Triqui de San Juan Copala

⁴ Tza̱j ne̱ ya̱j me se caꞌneꞌ rá soj ga̱ suun chéé ga̱ nij síí chiꞌi̱i̱ ne̱ ꞌyaj ndoꞌo se nij ga̱ nij soꞌ chugua̱nj. Cheꞌé dan ya̱j me se maꞌanj rá nij soꞌ niꞌya̱j nij soꞌ man soj, ne̱ aꞌmii qui̱j nij soꞌ cheꞌé soj cuano̱ ado̱nj.

1 Pedro 4:4 ပူးပေါင်းရင်းမြစ်များ

San Mateo 23:25

’Nique̱ soj si̱j naquiꞌyaj cu̱u stucua̱nj Moisés do̱ꞌ, si̱j fariseo do̱ꞌ na̱nj á. Quira̱nꞌ uxrá nij soj sayuun ado̱nj. Síí nucuiꞌ rá me nij soj na̱nj á. Dan me se ase vaa vasó do̱ꞌ, coꞌoo do̱ꞌ, ne̱ sa̱ꞌ uxrá naꞌnuꞌ nii xráá yoꞌ, tza̱j ne̱ rque yoꞌ roꞌ, me se vaa nacaj gue̱e̱ yoꞌ, taꞌngaꞌ da̱nj vaa gue̱e̱ soj, ne̱ xráá soj me se veꞌé naruvii, tza̱j ne̱ nimán soj me se qui̱j vaa, ne̱ niha̱ꞌ uxrá rá soj quiꞌya̱j itu̱u̱ soj siꞌyaj tuviꞌ soj, ne̱ taj se ꞌyáꞌ caꞌne̱ꞌ rá soj a̱ maꞌ.

San Lucas 15:13

Dan me se cachén do̱j güii, ga̱a ne̱ naquiꞌyaj chre̱ꞌ síí cuni̱j yoꞌ nu̱ꞌ siꞌyaj soꞌ, ne̱ cavii soꞌ caꞌanj soꞌ estadó na̱j ga̱nꞌ, ne̱ quiꞌyaj ndoꞌo soꞌ se nij, ne̱ cutunꞌ rmaꞌa̱n soꞌ nu̱ꞌ se‑saꞌa̱nj soꞌ a.

Hechos 13:45

Tza̱j ne̱ queneꞌen nij yuvii̱ israelitá se vaa cuchiꞌ ndoꞌo yuvii̱ rihaan Pabló, ga̱a ne̱ cheꞌé dan guun xco̱j ruva̱a̱ rá nij yuvii̱ israelitá, ne̱ nij caꞌmii nij soꞌ cheꞌé Pabló, cataj nij soꞌ se vaa ina̱nj nana̱ ne̱ caꞌmii Pabló a.

Hechos 18:6

Tza̱j ne̱ caꞌmii canó tuviꞌ nij yuvii̱ israelitá ga̱ Pabló, ne̱ qui̱j caꞌmii nij soꞌ cheꞌé Pabló a. Cheꞌé dan tucuayuu soꞌ yoꞌóó tachru̱u̱ no̱ rihaan saga̱nꞌ soꞌ, ga̱a ne̱ cataj soꞌ rihaan nij yuvii̱ a: ―Maꞌa̱n ina̱nj soj me rá caꞌa̱nj rihaan yaꞌan na̱nj á. Ne tumé ꞌu̱nj cacunꞌ se vaa quira̱nꞌ soj sayuun quiꞌya̱j Yaꞌanj maꞌ. Ne̱ ya̱j me se rej rihaan nihánj me se caꞌa̱nj ꞌu̱nj nata̱ꞌ ꞌu̱nj snana̱ Yaꞌanj rihaan nij síí yaníj na̱nj á ―taj Pabló rihaan nij soꞌ a.

Romanos 13:13

Cheꞌé se cuchugu̱u̱n nimán níꞌ, cheꞌé dan ina̱nj veꞌé quiꞌya̱j níꞌ, ne̱ se̱ cachéé níꞌ chaꞌanj snúú rmaꞌa̱n do̱ꞌ, se̱ guun xno̱ níꞌ do̱ꞌ, se̱ cotoj níꞌ ga̱ ꞌó yuvii̱ né ni̱ca̱ níꞌ me do̱ꞌ, se̱ canó tuviꞌ níꞌ do̱ꞌ, se̱ guun xco̱j ruva̱a̱ rá níꞌ ni̱ꞌyaj níꞌ tuviꞌ níꞌ do̱ꞌ maꞌ.

Efesios 5:18

Ne̱ se̱ guun xno̱ soj maꞌ. Cheꞌé se uun xno̱ yuvii̱ roꞌ, cheꞌé dan ꞌyaj ndoꞌo nij yuvii̱ cacunꞌ chiꞌi̱i̱ ndoꞌo ado̱nj. Tana̱nj ꞌo̱ cu̱nuû Nimán Yaꞌanj nimán soj á.

1 Pedro 2:12

Ne̱ veꞌé ina̱nj quiꞌya̱j soj rej ya̱nj soj scaꞌnúj nij síí chiꞌi̱i̱ ma̱n rihaan chumii̱ nihánj, ga̱a ne̱ sese gu̱un rá nij soꞌ cuta̱ꞌ nij soꞌ cacunꞌ rmi̱ꞌ xráá soj se vaa nij ꞌyaj soj, ga̱a ne̱ xca̱j nij soꞌ cuentá se vaa veꞌé ina̱nj ꞌyaj soj ado̱nj. Ga̱a ne̱ güii caꞌna̱ꞌ Yaꞌanj rihaan chumii̱ nihánj caꞌne̱ꞌ soꞌ cacunꞌ cheꞌé yuvii̱ me se cata̱j nij soꞌ se vaa sa̱ꞌ uxrá vaa Yaꞌanj chugua̱nj.

1 Pedro 3:16

A̱ ꞌó xcoꞌ se̱ quiꞌyaj soj cacunꞌ maꞌ. Dan ga̱a ne̱ gu̱un naꞌa̱j nij síí aꞌmii nana̱ qui̱j cheꞌé se sa̱ꞌ ꞌyaj soj si̱j noco̱ꞌ man Cristó, cheꞌé nana̱ tuꞌva rmaꞌa̱n nij soꞌ ado̱nj.

2 Pedro 2:12

Ne acaj nij síí narqué tucuáán ne̱ cuentá da̱j vaa nij síí me nana̱ nucua̱j, tza̱j ne̱ aꞌmii nij soꞌ nana̱ nij cheꞌé nij nana̱ nucua̱j yoꞌ ado̱nj. Ase vaa nij xcuu qui̱j ne acaj cuentá vaa nij síí narqué tucuáán ne̱ yoꞌ a. Caꞌngaa nij xcuu qui̱j, na̱nj cheꞌé yan ta̱ꞌaa nii man xcuu ticavi̱ꞌ nii man nij xoꞌ a. Taꞌngaꞌ da̱nj quira̱nꞌ nij soꞌ chugua̱nj.

2 Pedro 2:22

Ase vaa ꞌyaj nij soꞌ vaa nana̱ ya̱ nihánj a: “Uchráán chuvee, ga̱a ne̱ anica̱j uún xoꞌ chá xoꞌ se cuchráán xoꞌ a”, ne̱ vaa ꞌo̱ nana̱ aꞌmii cheꞌé xcáá uún taj a: “Quisíj cane xcáá na sa̱ꞌ, ga̱a ne̱ anica̱j uún xoꞌ natúj xoꞌ rá siguiꞌ a”, vaa ꞌó nana̱ taj xnaꞌanj da̱j ꞌyaj nij síí narqué tucuáán ne̱ yoꞌ a.

Judas 1:10

Tza̱j ne̱ ino̱ ꞌyaj nij síí narqué tucuáán ne̱ ga̱ síí cuꞌna̱j Migueé yoꞌ, ne̱ nda̱ꞌ se ne neꞌen nij soꞌ da̱j vaa nij se‑mo̱zó Yaꞌanj, tza̱j ne̱ ne chuꞌviꞌ nij soꞌ caꞌmi̱i̱ nij soꞌ nana̱ nij cheꞌé nij se‑mo̱zó Yaꞌanj maꞌ. Ne̱ ase vaa xcuu ne acaj cuentá ꞌyaj náá guun se vaa me rá quiꞌya̱j roꞌ, da̱nj vaa nij síí narqué tucuáán ne̱, ne̱ cheꞌé dan quiri̱ꞌ nij soꞌ vaa güii ado̱nj.