1 Pedro 4:12 - Triqui de San Juan Copala

¹² Tinu̱j, nocoj, se̱ caꞌanj rá soj cheꞌé sayuun quira̱nꞌ soj maꞌ. Ya̱ quira̱nꞌ ndoꞌo soj sayuun, cheꞌé rej caꞌve̱e xca̱j soj cuentá sese si̱j amán ya̱ rá niꞌya̱j man Yaꞌanj me soj chugua̱nj. Ne̱ se̱ guun rá soj se vaa o̱rúnꞌ soj me síí ranꞌ sayuun maꞌ.

1 Pedro 4:12 ပူးပေါင်းရင်းမြစ်များ

1 Corintios 10:13

Xca̱j soj cuentá se vaa ga̱a avii raa̱ soj quiꞌya̱j soj me maꞌa̱n se chiꞌi̱i̱, ne̱ cuya̱a̱n ranꞌ ꞌó da̱nj yuvii̱ uún na̱nj á. Tza̱j ne̱ vaa cheꞌé ga̱a̱ nucua̱j rá soj man Yaꞌanj, cheꞌé se asa̱ꞌ cavii raa̱ soj quiꞌya̱j soj se chiꞌi̱i̱, ne̱ ra̱cuíj Yaꞌanj man soj da̱j ga̱a̱ quiꞌya̱j soj, ga̱a ne̱ nani̱i̱ soj rihaan se chiꞌi̱i̱, ne̱ se̱ quiꞌyaj soj cacunꞌ maꞌ. Dan ga̱a ne̱ se̱ guun nucua̱j se chiꞌi̱i̱ yoꞌ quiꞌya̱j canaán yoꞌ rihaan soj maꞌ.

1 Corintios 3:13

Dan me se vaa güii queneꞌe̱n níꞌ da̱j vaa se‑su̱u̱n ꞌo̱ ꞌo̱ nij síí ꞌyaj se‑su̱u̱n Yaꞌanj, cheꞌé se caꞌna̱ꞌ uún Cristó rihaan chumii̱ nihánj, ne̱ naquiꞌya̱j cu̱u soꞌ cheꞌé suun quiꞌyaj ꞌo̱ ꞌo̱ núj, ne̱ da̱j se vaa yaꞌan ꞌyaj acaa veꞌ roꞌ, da̱nj quiꞌya̱j soꞌ, ne̱ queneꞌe̱n núj da̱j vaa suun quiꞌyaj ꞌo̱ ꞌo̱ núj na̱nj ado̱nj.

2 Timoteo 3:12

ꞌO̱ se cunuda̱nj nij yuvii̱ amán rá niꞌya̱j man Cristó Jesús ne̱ me rá canoco̱ꞌ xraan man Yaꞌanj roꞌ, ya̱ uxrá quira̱nꞌ nij soꞌ sayuun ado̱nj.

1 Pedro 2:11

Tinu̱j, nocoj, quiꞌya̱j soj se ndoꞌo uxrá, ne̱ cuno̱ soj á. Né chiha̱nj níꞌ me chumii̱ ma̱n níꞌ cuano̱ maꞌ. Ase vaa ꞌo̱ síí aranꞌ me maꞌa̱n rej roꞌ, da̱nj vaa níꞌ rihaan chumii̱ nihánj cuano̱ ado̱nj. Cheꞌé dan se̱ guun quiꞌya̱j soj rasu̱u̱n chiꞌi̱i̱ me rá nee̱ man soj quiꞌya̱j soj maꞌ. ꞌO̱ se unuꞌ se chiꞌi̱i̱ yoꞌ ga̱ nimán níꞌ ado̱nj.

1 Pedro 4:4

Tza̱j ne̱ ya̱j me se caꞌneꞌ rá soj ga̱ suun chéé ga̱ nij síí chiꞌi̱i̱ ne̱ ꞌyaj ndoꞌo se nij ga̱ nij soꞌ chugua̱nj. Cheꞌé dan ya̱j me se maꞌanj rá nij soꞌ niꞌya̱j nij soꞌ man soj, ne̱ aꞌmii qui̱j nij soꞌ cheꞌé soj cuano̱ ado̱nj.

1 Pedro 5:9

ꞌO̱ xraan canoco̱ꞌ soj man Yaꞌanj, ne̱ daj chiha̱a̱ míj se̱ cuno soj rihaan Síí Chre̱e maꞌ. Xca̱j soj cuentá se vaa ase vaa sayuun ranꞌ soj roꞌ, da̱nj vaa gue̱e̱ sayuun ranꞌ ta̱ranꞌ nij síí noco̱ꞌ man Cristó ma̱n rihaan chumii̱ nihánj chugua̱nj.