1 Pedro 3:9 - Triqui de San Juan Copala

⁹ Caꞌve̱e se quiꞌya̱j chiꞌi̱i̱ yuvii̱ man soj, tza̱j ne̱ se̱ quiꞌyaj chiꞌi̱i̱ soj man nij yuvii̱ maꞌ. Caꞌve̱e se caꞌmi̱i̱ chre̱e yuvii̱ cheꞌé soj, tza̱j ne̱ se̱ caꞌmii chre̱e soj cheꞌé nij yuvii̱ maꞌ. Tana̱nj cachi̱nj niꞌya̱j soj rihaan Yaꞌanj quiꞌya̱j soꞌ se lu̱j ga̱ nij yuvii̱ yoꞌ á. ꞌO̱ se canacúún Yaꞌanj man soj, cheꞌé rej quiꞌya̱j soj da̱nj, ga̱a ne̱ caꞌve̱e quiꞌya̱j Yaꞌanj se lu̱j ga̱ maꞌa̱n soj chugua̱nj.

1 Pedro 3:9 ပူးပေါင်းရင်းမြစ်များ

San Mateo 19:29

Ne̱ síí tanáj veꞌ tucuá tanáj tinúú tanáj raꞌvij tanáj rej tanáj nii tanáj taꞌníí tanáj yoꞌóó tanáj canoco̱ꞌ soꞌ manj roꞌ, uxrá ya̱ doj a̱ quiri̱ꞌ soꞌ rasu̱u̱n, ne̱ ca̱yáán soꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.

San Mateo 25:34

’Ne̱ guún ꞌu̱nj síí nica̱j suun rey, quiri̱i̱ taꞌngáꞌ ꞌu̱nj rihaan nij soꞌ, ne̱ dan me se caꞌmi̱i̱ ꞌu̱nj rihaan nij síí nicu̱nꞌ rej nuva̱ꞌ ꞌu̱nj, cata̱j ꞌu̱nj a: “Caꞌna̱ꞌ soj si̱j ꞌyaj Réé ꞌu̱nj se lu̱j rihaan á. Ni̱caj soj rej sa̱ꞌ ndoꞌo ca̱yáán soj rej quiꞌyaj chuvi̱i Réé ꞌu̱nj asi̱j güii quiꞌyaj soꞌ chumii̱ á.

San Mateo 5:39

Tza̱j ne̱ cuano̱ nihánj roꞌ, cata̱j xnaꞌanj ꞌu̱nj rihaan soj se vaa se̱ quiꞌyaj soj sayuun man síí ꞌyaj sayuun man soj maꞌ. Tana̱nj sese vaa síí coxro ni̱chrej xruú so̱ꞌ, ne̱ ti̱cúnꞌ so̱ꞌ níchrej xruú so̱ꞌ coxro̱ soꞌ uún na̱nj á.

San Mateo 5:44

Tza̱j ne̱ cuano̱ nihánj me cata̱j xnaꞌanj ꞌu̱nj ꞌo̱ nana̱ rihaan soj á: No̱ xcúún soj cunu̱u ꞌe̱e̱ rá soj ni̱ꞌyaj soj man nij síí ta̱j riꞌyunj man soj, ne̱ caꞌmi̱i̱ soj nana̱ lu̱j cheꞌé nij síí aꞌmii nana̱ qui̱j cheꞌé soj, ne̱ quiꞌya̱j soꞌ se lu̱j rihaan nij síí nachriꞌ niꞌya̱j man soj, ne̱ cachi̱nj niꞌya̱j soj rihaan Yaꞌanj cheꞌé nij síí ꞌyaj sayuun man soj á.

San Marcos 10:17

Dan me se ga̱a nayón Jesús chrej, ne̱ dan me se cunánj ꞌo̱ síí tachru̱u̱ caꞌnaꞌ soꞌ rihaan Jesús, ne̱ caꞌanj ca̱yáán ru̱j síí tachru̱u̱ yoꞌ rihaan Jesús, ne̱ xnáꞌanj soꞌ man Jesús a: ―Maestro, síí sa̱ꞌ ina̱nj mé so̱ꞌ ado̱nj. Da̱j qui̱ꞌyáj ga̱a ne̱ caꞌve̱e ca̱yánj ga̱ Yaꞌanj nu̱ꞌ cavii nu̱ꞌ caꞌanj ga̱ ―taj síí tachru̱u̱ yoꞌ a.

San Lucas 10:25

Dan me se canicunꞌ caya̱ ꞌo̱ síí naquiꞌyaj cu̱u stucua̱nj Moisés, ne̱ guun rá soꞌ quiri̱ꞌ soꞌ rej cara̱a soꞌ cacunꞌ xráá Jesús a. Cheꞌé dan xnáꞌanj soꞌ ꞌo̱ nana̱ man Jesús a: ―Da̱j qui̱ꞌyáj, ga̱a ne̱ caꞌve̱e ca̱yánj ga̱ Yaꞌanj nu̱ꞌ cavii nu̱ꞌ caꞌanj, ga̱a maestro̱ꞌ ―taj soꞌ rihaan Jesús a.

San Lucas 18:18

Dan me se xnáꞌanj ꞌo̱ síí nica̱j suun man Jesús, cataj soꞌ rihaan Jesús a: ―Maestro, síí sa̱ꞌ ina̱nj mé so̱ꞌ ado̱nj. Da̱j qui̱ꞌyáj, ne̱ caꞌve̱e ca̱yánj ga̱ Yaꞌanj nu̱ꞌ cavii nu̱ꞌ caꞌanj ga̱ ―taj síí nica̱j suun yoꞌ, xnáꞌanj soꞌ man Jesús a.

Romanos 12:14

Xa̱ꞌ síí ꞌyaj sayuun man soj, tza̱j ne̱ veꞌé quiꞌya̱j soj rihaan nij soꞌ, ne̱ se̱ caꞌmii chre̱e soj cheꞌé nij soꞌ maꞌ. Tana̱nj cachi̱nj niꞌya̱j soj rihaan Yaꞌanj se vaa cavi̱i̱ sa̱ꞌ nij soꞌ quiꞌya̱j Yaꞌanj a.

Romanos 12:17

Sese quiꞌya̱j yuvii̱ se chiꞌi̱i̱ man soj, ne̱ se̱ guun rá soj quiꞌya̱j soj se chiꞌi̱i̱ man nij yuvii̱ maꞌ. Tana̱nj veꞌé quiꞌya̱j soj rihaan cunuda̱nj yuvii̱, ne̱ ina̱nj se sa̱ꞌ quiꞌya̱j soj ni̱ꞌyaj cunuda̱nj yuvii̱ á.

Romanos 8:28

Dan me se neꞌen níꞌ se vaa racuíj ndoꞌo Yaꞌanj man níꞌ si̱j aráj cochro̱j rihaan soꞌ na̱nj á. ꞌO̱ se canacúún Yaꞌanj man níꞌ ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj, ne̱ cheꞌé dan me nu̱ꞌ se ranꞌ níꞌ rihaan chumii̱ nihánj roꞌ, ꞌyaj yoꞌ se vaa sa̱ꞌ doj cavi̱i̱ níꞌ nu̱ꞌ cavii nu̱ꞌ caꞌanj ado̱nj.

Romanos 8:30

Ga̱a ne̱ canacúún Yaꞌanj man níꞌ, ga̱a ne̱ cunuu sa̱ꞌ níꞌ rihaan Yaꞌanj, quiꞌyaj Yaꞌanj, ga̱a ne̱ ya̱ niꞌndaj ya̱ veꞌé ga̱a̱ níꞌ, quiꞌya̱j maꞌa̱n Yaꞌanj ado̱nj.

Gálatas 3:14

Nda̱a síj, ga̱a ne̱ se lu̱j cataꞌ tuꞌva Yaꞌanj rihaan Abraham roꞌ, caꞌnaꞌ se lu̱j yoꞌ nda̱a rihaan nij yuvii̱ yaníj, cheꞌé se vaa quiꞌyaj Cristó Jesús a. Dan me se ga̱a naá, ne̱ cataꞌ tuꞌva Yaꞌanj se vaa catu̱u̱ Nimán Yaꞌanj nimán níꞌ, ne̱ cuchumán rá níꞌ niꞌya̱j níꞌ man Yaꞌanj, ne̱ cheꞌé dan ya̱ da̱nj guun ado̱nj.

Efesios 4:32

Dan me se veꞌé quiꞌya̱j soj rihaan tinúú soj á. Ga̱a̱ ꞌe̱e̱ rá soj ni̱ꞌyaj soj tinúú soj á. Neꞌen soj se vaa tinavij Yaꞌanj cacunꞌ tumé níꞌ, cheꞌé se caviꞌ Cristó cheꞌé níꞌ a. Cheꞌé dan no̱ xcúún ya̱ soj cara̱a̱ xꞌnaa soj ni̱ꞌyaj soj tinúú soj ado̱nj.

1 Tesalonicenses 5:15

Tu̱mé soj man soj se̱ guun quiꞌya̱j chiꞌi̱i̱ ꞌo̱ tuviꞌ soj man síí ꞌyaj chiꞌi̱i̱ man soꞌ maꞌ. Tana̱nj ina̱nj suun sa̱ꞌ quiꞌya̱j soj cheꞌé tuviꞌ soj do̱ꞌ, cheꞌé cunuda̱nj yuvii̱ do̱ꞌ á.

Hebreos 12:17

Ne̱ a̱j neꞌen soj se vaa cachén doj, ga̱a ne̱ guun rá uún síí cuꞌna̱j Esaú cata̱j rej soꞌ se vaa naca̱j uún soꞌ se sa̱ꞌ yoꞌ, tza̱j ne̱ quináj u̱u̱n soꞌ na̱nj á. ꞌO̱ se taj se qui̱ꞌyáꞌ tu̱cuaꞌanj niꞌya̱ soꞌ nana̱ caꞌmii soꞌ a̱ maꞌ. Nda̱ꞌ se nda̱a taꞌvee maꞌa̱n soꞌ cheꞌé yan guun rá soꞌ quiri̱ꞌ soꞌ se sa̱ꞌ yoꞌ, tza̱j ne̱ ne quiri̱ꞌ soꞌ daj chiha̱a̱ míj a̱ maꞌ.

Hebreos 6:14

Dan me se cataj Yaꞌanj rihaan Abraham a: “Ya̱ uxrá cavi̱i̱ sa̱ꞌ so̱ꞌ, qui̱ꞌyáj, ne̱ ya̱ uxrá xnaꞌa̱nj ndoꞌo nij taꞌníí taꞌnij siꞌno̱ so̱ꞌ, qui̱ꞌyáj na̱nj á”, taj Yaꞌanj rihaan Abraham a.

1 Pedro 5:10

Dan me se Yaꞌanj roꞌ, me síí ꞌyaj da̱j a̱ se lu̱j cheꞌé soj, ne̱ soꞌ me síí canacúún man soj cavi̱i̱ sa̱ꞌ uxrá soj ga̱ soꞌ nu̱ꞌ cavii nu̱ꞌ caꞌanj cheꞌé Cristó ado̱nj. Asa̱ꞌ quisíj quiranꞌ soj sayuun do̱j güii rihaan chumii̱ nihánj, ga̱a ne̱ naquiꞌya̱j sa̱ꞌ Yaꞌanj man soj, ne̱ naquiꞌya̱j sca̱ꞌ soꞌ man soj, ne̱ ga̱a̱ nucua̱j ina̱nj rá soj, quiꞌya̱j soꞌ, ne̱ cune̱ꞌ sa̱ꞌ soꞌ man soj ado̱nj.