1 Pedro 3:8 - Triqui de San Juan Copala

⁸ Da̱j ꞌó nana̱ cata̱j xnaꞌanj ꞌu̱nj rihaan soj, ne̱ dan me se cuya̱a̱n ga̱a̱ rá nimán ta̱ranꞌ soj ga̱ tuviꞌ soj, ne̱ dan me se ase ꞌe̱e̱ rá soj tinúú aꞌngaa soj roꞌ, da̱nj ga̱a̱ ꞌe̱e̱ rá soj man tuviꞌ soj ꞌó nij síí noco̱ꞌ man Cristó á. Ra̱cuíj soj man nij síí ranꞌ sayuun, ne̱ ga̱a̱ nica̱ꞌ nimán soj á.

1 Pedro 3:8 ပူးပေါင်းရင်းမြစ်များ

San Mateo 18:33

Ne̱ ase vaa cunuu ꞌe̱e̱ raj mán so̱ꞌ roꞌ, da̱nj vaa no̱ xcúún so̱ꞌ cunu̱u ꞌe̱e̱ rá so̱ꞌ man tuvíꞌ so̱ꞌ mozó ꞌyaj suun ga̱ so̱ꞌ raj ado̱nj”, taj soꞌ rihaan se‑mo̱zó soꞌ a.

San Lucas 10:33

’Ga̱a ne̱ caꞌnaꞌ ꞌo̱ síí avii rej Samaria uún a. Né si̱j israelitá me soꞌ maꞌ; si̱j yaníj me soꞌ a. Queneꞌen soꞌ man síí quiranꞌ chiꞌii̱ yoꞌ, ga̱a ne̱ cunuu ꞌe̱e̱ rá soꞌ man síí yoꞌ a.

Hechos 2:1

Dan me se ga̱a quisíj Chaꞌanj Pentecostés, ne̱ cunuu chre̱ꞌ cunuda̱nj nij síí noco̱ꞌ man Jesús rá ꞌo̱ veꞌ a.

Hechos 27:3

Ne̱ ꞌó güii me se cuchiꞌ núj chumanꞌ cuꞌna̱j Sidón, ne̱ veꞌé ina̱nj quiꞌyaj tanuu cuꞌna̱j Julió ga̱ Pabló, ne̱ caꞌvej rá soꞌ caꞌa̱nj Pabló rihaan nij tuviꞌ Pabló síí ya̱nj chumanꞌ Sidón yoꞌ, cheꞌé rej ta̱j yaꞌanj nij soꞌ man Pabló a.

Hechos 28:7

Dan me se nichru̱nꞌ rej yoꞌ me se na̱j toꞌóó síí uun chij doj rihaan yoꞌóó ta̱j rihaan na yaꞌa̱nj yoꞌ, ne̱ Publio cuꞌna̱j soꞌ a. Ne̱ nica̱j tuviꞌ soꞌ ga̱ núj, ne̱ vaꞌnu̱j güii veꞌé taj yaꞌanj soꞌ man núj a.

Hechos 4:32

Dan me se ꞌo̱ cuya̱a̱n vaa rá nimán ri̱i̱ nij síí cuchumán rá niꞌya̱j man Jesús, ne̱ a̱ ꞌó nij soꞌ ne taj se vaa se‑siꞌya̱j o̱rúnꞌ me rasu̱u̱n maꞌ. Tana̱nj nu̱ꞌ rasu̱u̱n ma̱n rihaan ꞌo̱ ꞌo̱ nij soꞌ roꞌ, me siꞌyaj ta̱ranꞌ nij tuvi̱ꞌ nij soꞌ a.

Romanos 12:10

Ga̱a̱ ꞌe̱e̱ ndoꞌo rá soj man tinúú soj síí noco̱ꞌ man Cristó, ne̱ gu̱un niha̱ꞌ rá soj cara̱a̱ cochro̱j soj rihaan tinúú soj á.

Romanos 15:5

Dan me se Yaꞌanj me síí ꞌyaj uun nucua̱j nimán níꞌ, ne̱ síí noco̱ꞌ man Cristó Jesús me nij soj, ne̱ cheꞌé dan me raj ꞌo̱ cuya̱a̱n ga̱a̱ rá nimán ta̱ranꞌ nij soj, quiꞌya̱j Yaꞌanj a.

1 Corintios 1:10

Dan me se cuno̱ soj caꞌmi̱j, tinu̱j, nocoj. Ne̱ cheꞌé se‑chuvi̱i ya̱ Jesucristó Si̱j ꞌNi̱j Raꞌa man níꞌ roꞌ, rqueé ꞌu̱nj ya̱j rihaan nij soj se vaa ꞌo̱ cuya̱a̱n ga̱a̱ rá nimán ta̱ranꞌ soj do̱ꞌ, ꞌo̱ cuya̱a̱n caꞌmi̱i̱ soj do̱ꞌ, ꞌo̱ rcuaꞌa̱a̱n ga̱a̱ soj do̱ꞌ, raj chugua̱nj.

1 Corintios 12:26

ne̱ sese ranꞌ chiꞌii̱ do̱j nee̱ man níꞌ, ne̱ aꞌngaj nu̱ꞌ nee̱ man níꞌ a. Ne̱ da̱nj ina̱nj uún, ne̱ sese aꞌmii cochro̱j nii cheꞌé do̱j nee̱ man níꞌ, ne̱ uun niha̱ꞌ rá nu̱ꞌ nee̱ man níꞌ uún a.

Efesios 4:2

Ne̱ gu̱un nij soj síí niꞌya̱nj aꞌmii, ne̱ veꞌé quiꞌya̱j soj ga̱ tinúú soj, ne̱ se̱ guun yuva̱a̱ soj man tinúú soj maꞌ. Tana̱nj cunu̱u ꞌe̱e̱ rá soj man tinúú soj, ne̱ ga̱a̱ ina̱j nimán soj ga̱ tinúú soj á.

Efesios 4:31

Caꞌne̱ꞌ rá soj ga̱ suun nachriꞌ niꞌya̱j tinúú á. Caꞌne̱ꞌ rá soj ga̱ suun axríj yuva̱a̱ man tinúú á. Caꞌne̱ꞌ rá soj ga̱ suun aꞌmaan rá á. Se̱ caguáj soj doj rihaan tinúú soj maꞌ. Se̱ caꞌmii soj doj nana̱ nij cheꞌé tinúú soj maꞌ. Quiriꞌi̱j soj cunuda̱nj chrej chiꞌi̱i̱ á.

Efesios 4:32

Dan me se veꞌé quiꞌya̱j soj rihaan tinúú soj á. Ga̱a̱ ꞌe̱e̱ rá soj ni̱ꞌyaj soj tinúú soj á. Neꞌen soj se vaa tinavij Yaꞌanj cacunꞌ tumé níꞌ, cheꞌé se caviꞌ Cristó cheꞌé níꞌ a. Cheꞌé dan no̱ xcúún ya̱ soj cara̱a̱ xꞌnaa soj ni̱ꞌyaj soj tinúú soj ado̱nj.

Filipenses 2:3

Se̱ guun xco̱j ruva̱a̱ rá soj ni̱ꞌyaj soj tinúú soj maꞌ. Se̱ guun rá soj se vaa cata̱j tinúú soj se vaa sa̱ꞌ uxrá vaa maꞌa̱n soj maꞌ. Tza̱j ne̱ ga̱a̱ nica̱ꞌ nimán soj, cata̱j soj se vaa sa̱ꞌ doj vaa tinúú soj rihaan maꞌa̱n soj á.

Filipenses 3:16

Tza̱j ne̱ tucuáán sa̱ꞌ a̱j nariꞌ níꞌ roꞌ, xraan canoco̱ꞌ níꞌ tucuáán yoꞌ á.

Colosenses 3:12

Dan me se narii Yaꞌanj man soj canoco̱ꞌ soj man soꞌ, ne̱ cunuu sa̱ꞌ nimán soj rihaan Yaꞌanj, ne̱ ꞌe̱e̱ rá Yaꞌanj man soj, ne̱ cheꞌé dan cunu̱u ꞌe̱e̱ rá soj tuviꞌ soj chugua̱nj. Dan me se ga̱a̱ sa̱ꞌ nimán soj, ne̱ ga̱a̱ nica̱ꞌ nimán soj, ne̱ se̱ guun yuva̱a̱ soj man tuviꞌ soj maꞌ. Tana̱nj ga̱a̱ ina̱j nimán soj na̱nj á.

Hebreos 13:1

ꞌO̱ ga̱a̱ ꞌe̱e̱ rá soj man tinúú soj á.

Santiago 2:13

ꞌO̱ se asa̱ꞌ caꞌne̱ꞌ Yaꞌanj cacunꞌ cheꞌé yuvii̱, ne̱ se̱ gaa ꞌe̱e̱ rá Yaꞌanj ni̱ꞌyaj Yaꞌanj man síí ne ꞌe̱e̱ rá man tuviꞌ maꞌ. Tza̱j ne̱ se niꞌya̱nj rá me se yoꞌ me quiꞌya̱j canaán rihaan sayuun ado̱nj.

Santiago 3:17

Tza̱j ne̱ síí nica̱j tucuáán sa̱ꞌ cavii rihaan Yaꞌanj me se ꞌo̱ vaa sa̱ꞌ nimán soꞌ, ne̱ cheꞌé dan ꞌo̱ chij yáán soꞌ, ne̱ ne unuꞌ soꞌ ga̱ yuvii̱ maꞌ. ꞌO̱ lu̱j aꞌmii soꞌ ga̱ tuviꞌ soꞌ, ne̱ ne naquiꞌyaj soꞌo̱ soꞌ xréé soꞌ ga̱a aꞌmii tuviꞌ soꞌ ga̱ soꞌ maꞌ. ꞌE̱e̱ uxrá rá soꞌ niꞌya̱j soꞌ tuviꞌ soꞌ, ne̱ ina̱nj se sa̱ꞌ ꞌyaj soꞌ, ne̱ ꞌo̱ cuya̱a̱n veꞌé ꞌyaj soꞌ rihaan nu̱ꞌ nij yuvii̱, ne̱ ꞌyaj soꞌ nu̱ꞌ nda̱a vaa taj soꞌ a. Veé síí ꞌyaj nu̱ꞌ nihánj me síí nica̱j ya̱ tucuáán sa̱ꞌ cavii rihaan Yaꞌanj chugua̱nj.

Santiago 5:11

Ne̱ uxrá cavii sa̱ꞌ nij síí nucua̱j nimán rihaan sayuun, rá níꞌ, niꞌya̱j níꞌ man nij soꞌ, ne̱ a̱j cuno soj se vaa nucua̱j nimán síí cuꞌna̱j Job rihaan sayuun ga̱a naá, ne̱ a̱j neꞌen soj se vaa avii sa̱ꞌ nu̱ꞌ nij síí vaa da̱nj, ꞌyaj Síí ꞌNi̱j Raꞌa man níꞌ, cheꞌé se ꞌe̱e̱ uxrá rá soꞌ niꞌya̱j soꞌ man níꞌ chugua̱nj.

1 Pedro 1:22

Dan me se uno soj snana̱ Yaꞌanj nana̱ ya̱, ne̱ cheꞌé dan cunuu sa̱ꞌ nimán soj, ne̱ cheꞌé dan no̱ xcúún soj ga̱a̱ ꞌe̱e̱ rá soj man tuviꞌ soj ado̱nj. Se̱ cataj rmaꞌa̱n soj se vaa ꞌe̱e̱ rá soj man tuviꞌ soj maꞌ. Ya̱ ga̱a̱ ꞌe̱e̱ ndoꞌo rá soj man tuviꞌ soj á.

1 Pedro 2:17

Dan me se veꞌé caꞌmi̱i̱ soj ga̱ da̱j a̱ yuvii̱, ne̱ ga̱a̱ ꞌe̱e̱ rá soj man nu̱ꞌ nij síí noco̱ꞌ man Cristó, ne̱ cuno̱ soj rihaan Yaꞌanj, ne̱ veꞌé cara̱a̱ cochro̱j soj rihaan síí nica̱j suun emperador na̱nj á.

1 Pedro 5:5

Da̱nj na̱nj soj si̱j tachru̱u̱, ne̱ cuno̱ soj rihaan nij síí chij, ne̱ ta̱ranꞌ soj me se naquiꞌya̱j nica̱ꞌ soj nimán soj rihaan tuviꞌ soj á. ꞌO̱ se nana̱ nihánj nó rihaan Danj Yaꞌanj, taj yoꞌ a: Aráán Yaꞌanj chrej rihaan nij síí xta̱ꞌ nimán se̱ cavii sa̱ꞌ nij soꞌ, tza̱j ne̱ ꞌyaj Yaꞌanj se lu̱j ga̱ nij síí nica̱ꞌ nimán a, taj nana̱ yoꞌ a.

2 Pedro 1:7

Ne̱ asa̱ꞌ quisíj nariꞌ soj quiꞌya̱j soj nda̱a vaa me rá Yaꞌanj, ga̱a ne̱ te̱rquee̱ soj cunu̱u niꞌya̱nj nimán soj á. Ne̱ asa̱ꞌ quisíj cunuu niꞌya̱nj nimán soj, ga̱a ne̱ te̱rquee̱ soj cunu̱u ꞌe̱e̱ rá soj ni̱ꞌyaj soj tuviꞌ soj á.

1 Juan 3:14

ꞌO̱ se cheꞌé se cunuu ꞌe̱e̱ rá níꞌ man tinúú níꞌ roꞌ, cheꞌé dan neꞌen níꞌ se vaa a̱j tanáj xco̱ níꞌ chrej chiꞌi̱i̱ chrej quiꞌya̱j cavi̱ꞌ níꞌ, ne̱ a̱j cunuu sa̱ꞌ nimán níꞌ, ne̱ caꞌve̱e ca̱yáán níꞌ ga̱ Yaꞌanj ado̱nj. Ne̱ síí ne ꞌe̱e̱ rá man tuviꞌ me se adi̱ꞌ se vaa nij síí caviꞌ roꞌ, vaa nij soꞌ na̱nj ado̱nj.