1 Pedro 3:7 - Triqui de San Juan Copala

⁷ Ne̱ vaa soj sno̱ꞌo uún, ne̱ xca̱j soj cuentá ne̱ veꞌé tu̱mé soj man nica̱ soj, ne̱ veꞌé ca̱yáán soj ga̱ noꞌ á. Xca̱j soj cuentá se vaa nucua̱j soj doj rihaan noꞌ, ne̱ cheꞌé dan veꞌé quiꞌya̱j soj ga̱ noꞌ á. Ne̱ xca̱j soj cuentá se vaa ꞌo̱ cuya̱a̱n ca̱yáán chana̱ rihaan Yaꞌanj nu̱ꞌ cavii nu̱ꞌ caꞌanj a. Sese veꞌé quiꞌya̱j soj, ne̱ taj a̱ doj se̱ caráán chrej rihaan soj se vaa quiꞌya̱j Yaꞌanj nda̱a vaa achíín niꞌya̱j soj rihaan soꞌ maꞌ.

1 Pedro 3:7 ပူးပေါင်းရင်းမြစ်များ

San Mateo 18:19

’Dan me se cata̱j uún ꞌu̱nj rihaan soj, ne̱ sese vaa vi̱j soj ꞌo̱ gu̱un rá cachi̱nj niꞌya̱j rihaan Réj síí nicu̱nꞌ xta̱ꞌ, ne̱ cachi̱nj niꞌya̱j soj se vaa achiin man soj rihaan yoꞌóó nihánj, ne̱ rque̱ soꞌ man soj se vaa achiin man soj a.

1 Corintios 7:3

ne̱ veꞌé quiꞌya̱j snóꞌo coto̱j soꞌ ga̱ chana̱ nica̱ soꞌ, ne̱ veꞌé quiꞌya̱j chana̱ coto̱j noꞌ ga̱ snóꞌo nica̱ noꞌ uún a. No̱ xcúún ro̱j soꞌ coto̱j ro̱j soꞌ ga̱ tuviꞌ ro̱j soꞌ ado̱nj.

Efesios 3:6

Dan me se tihaa̱n soꞌ nana̱ se vaa cuno̱ nij soj si̱j yaníj nana̱ sa̱ꞌ cheꞌé Cristó, ne̱ cunu̱u sa̱ꞌ nimán soj rihaan Yaꞌanj ga̱ núj si̱j israelitá ado̱nj. Ne̱ nana̱ cataꞌ tuꞌva Yaꞌanj cheꞌé nij síí canoco̱ꞌ man Cristó Jesús roꞌ, quisíj ya̱ nu̱ꞌ nana̱ yoꞌ cheꞌé nij soj si̱j yaníj ga̱ núj si̱j israelitá na̱nj chugua̱nj.

Efesios 4:30

Ne̱ se̱ guun nano̱ rá Nimán Yaꞌanj, quiꞌya̱j soj maꞌ. Cheꞌé se ya̱nj Nimán Yaꞌanj ga̱ soj roꞌ, cheꞌé dan neꞌen ya̱ soj se vaa cavi̱i̱ sa̱ꞌ soj asa̱ꞌ quisíj güii ti̱nanii Yaꞌanj man níꞌ rihaan sayuun ado̱nj.

Efesios 5:33

Dan me se sese snóꞌo me soj, ne̱ no̱ xcúún ꞌo̱ ꞌo̱ soj ga̱a̱ ꞌe̱e̱ rá soj man nica̱ soj, ne̱ ase vaa ꞌe̱e̱ rá soj man maꞌa̱n soj roꞌ, da̱nj ga̱a̱ ꞌe̱e̱ rá soj man nica̱ soj á. Ne̱ chana̱ roꞌ, no̱ xcúún chana̱ cara̱a̱ cochro̱j chana̱ rihaan nica̱ chana̱ uún ado̱nj.

Efesios 6:18

Ne̱ niga̱nj cachi̱nj niꞌya̱j uxrá soj rihaan Yaꞌanj, ne̱ ra̱cuíj Nimán Yaꞌanj man soj nacu̱nj soj ne̱ cachi̱nj niꞌya̱j soj ado̱nj. Se̱ caꞌneꞌ rá soj maꞌ. Tana̱nj ꞌo̱ cachi̱nj niꞌya̱j uxrá soj cheꞌé ta̱ranꞌ nij síí noco̱ꞌ man Cristó na̱nj á.

Colosenses 3:19

Ne̱ veꞌé ga̱a̱ ꞌe̱e̱ rá nij snóꞌo man nica̱ nij soꞌ á. Se̱ caxríj yuva̱a̱ nij snóꞌo man nica̱ nij soꞌ maꞌ. Se̱ quiꞌyaj qui̱j snóꞌo man noꞌ maꞌ.

1 Tesalonicenses 4:4

Ma̱an se xca̱j ꞌo̱ ꞌo̱ snóꞌo cuentá ne̱ veꞌé tu̱mé soꞌ nee̱ man maꞌa̱n soꞌ á. Sese da̱nj quiꞌya̱j soꞌ, ne̱ síí vaa sa̱ꞌ nimán me soꞌ, ne̱ síí niꞌya̱nj me uún soꞌ a.

Tito 3:7

Se lu̱j quiꞌyaj soꞌ me se tinavij soꞌ cacunꞌ xráá níꞌ, ne̱ cunuu sa̱ꞌ nimán níꞌ, quiꞌyaj soꞌ, ne̱ ma̱an cheꞌé dan rque̱ ndoꞌo Yaꞌanj se sa̱ꞌ rihaan níꞌ ne̱ caꞌa̱nj níꞌ ca̱yáán níꞌ ga̱ soꞌ nu̱ꞌ cavii nu̱ꞌ caꞌanj nda̱a vaa naꞌvi̱j ya̱ níꞌ na̱nj ado̱nj.

Hebreos 1:14

Dan me se xa̱ꞌ nij se‑mo̱zó Yaꞌanj, tza̱j ne̱ nana̱ u̱u̱n me nij soꞌ a. Síí nu̱u̱ rihaan Yaꞌanj me nij soꞌ, ne̱ aꞌnéé Yaꞌanj man nij soꞌ ra̱cuíj nij soꞌ man níꞌ si̱j nani̱i̱ rihaan sayuun ne̱ cavi̱i̱ sa̱ꞌ na̱nj ado̱nj.

1 Pedro 3:1

Veé da̱nj vaa no̱ xcúún soj cha̱na̱ cuno̱ soj rihaan nica̱ soj á. Caꞌve̱e se naꞌvej rá nica̱ taꞌa̱j soj cuno̱ nij soꞌ snana̱ Yaꞌanj, tza̱j ne̱ se̱ cachiin caꞌmi̱i̱ soj cha̱na̱ cheꞌé snana̱ Yaꞌanj maꞌ. Tana̱nj cheꞌé se veꞌé ndoꞌo ꞌyaj soj rihaan nica̱ soj roꞌ, cheꞌé dan gu̱un rá nica̱ soj canoco̱ꞌ nij soꞌ man Yaꞌanj ga̱ soj chugua̱nj.