1 Pedro 3:16 - Triqui de San Juan Copala

¹⁶ A̱ ꞌó xcoꞌ se̱ quiꞌyaj soj cacunꞌ maꞌ. Dan ga̱a ne̱ gu̱un naꞌa̱j nij síí aꞌmii nana̱ qui̱j cheꞌé se sa̱ꞌ ꞌyaj soj si̱j noco̱ꞌ man Cristó, cheꞌé nana̱ tuꞌva rmaꞌa̱n nij soꞌ ado̱nj.

1 Pedro 3:16 ပူးပေါင်းရင်းမြစ်များ

San Mateo 5:11

’Ne̱ cavi̱i̱ sa̱ꞌ ndoꞌo soj sese caꞌmi̱i̱ yuvii̱ nana̱ nij rihaan soj do̱ꞌ, sese quiꞌya̱j yuvii̱ sayuun man soj do̱ꞌ, sese caꞌmi̱i̱ ne̱ yuvii̱ cata̱j yuvii̱ se vaa tumé ndoꞌo soj cacunꞌ do̱ꞌ, cheꞌé se me soj síí noco̱ꞌ mán ꞌu̱nj ado̱nj.

Hechos 24:16

Cheꞌé dan nu̱ꞌ se vaa ꞌyáj, tza̱j ne̱ veꞌé ina̱nj ꞌyáj cheꞌé rej se̱ guun quita̱j cacunꞌ xráj rihaan Yaꞌanj do̱ꞌ, rihaan yuvii̱ do̱ꞌ maꞌ.

Hechos 28:22

Ne̱ vaa cheꞌé cata̱j ma̱ꞌán so̱ꞌ rihaan núj da̱j uun rá so̱ꞌ, rá núj a. ꞌO̱ se tucuáán ino̱ noco̱ꞌ nij tuvi̱ꞌ nij soj me se neꞌen núj se vaa me rej maꞌa̱n aꞌmii chiꞌi̱i̱ yuvii̱ cheꞌé tucuáán yoꞌ na̱nj á ―taj nij soꞌ rihaan Pabló a.

Romanos 9:1

Cheꞌé se síí noco̱ꞌ man Cristó mé ꞌu̱nj, ne̱ se̱ caꞌmii ne̱ ꞌu̱nj rihaan nij soj maꞌ. ꞌO̱ se ya̱nj Nimán Yaꞌanj ga̱ ꞌu̱nj, ne̱ maꞌa̱n Nimán Yaꞌanj cataj rihanj se vaa nana̱ ya̱ caꞌmij á.

2 Corintios 1:12

Niha̱ꞌ ndoꞌo rá núj, cheꞌé se neꞌen núj se vaa nuviꞌ cacunꞌ tumé núj a. ꞌO̱ se veꞌé quiꞌyaj núj ga̱ soj ga̱a chéé núj rihaan chumii̱ nihánj, ne̱ ne tiha̱ꞌ yuꞌunj núj man soj maꞌ. Ma̱an se cuno núj rihaan Yaꞌanj, ne̱ caꞌmii chij núj rihaan soj, ne̱ ne quiꞌya̱j núj ina̱nj se vaa cavii raa̱ maꞌa̱n núj maꞌ. ꞌO̱ se maꞌa̱n Yaꞌanj racuíj man núj, ne̱ quiꞌyaj núj ina̱nj se vaa me rá Yaꞌanj quiꞌya̱j núj na̱nj ado̱nj.

2 Corintios 4:2

Tana̱nj a̱ ꞌo̱ tanáj xco̱ núj nu̱ꞌ nij rasu̱u̱n naꞌa̱j chiꞌi̱i̱ ꞌyaj yuve̱ nii ado̱nj. Ne aꞌmii núj nana̱ tihaꞌ yuꞌunj maꞌ. Ne aꞌmii ne̱ núj cheꞌé snana̱ Yaꞌanj maꞌ. Ina̱nj nana̱ ya̱ aꞌmii núj cuno̱ cunuda̱nj yuvii̱, ne̱ xca̱j maꞌa̱n nij yuvii̱ cuentá se vaa ya̱ vaa nana̱ aꞌmii núj, ne̱ Yaꞌanj me síí uno nu̱ꞌ nana̱ aꞌmii núj na̱nj á.

1 Timoteo 1:5

ꞌO̱ se aꞌnéꞌ ꞌu̱nj suun yoꞌ rihaan so̱ꞌ cheꞌé se me rá ꞌu̱nj ga̱a̱ ꞌe̱e̱ rá níꞌ tuviꞌ níꞌ á. Sese naruvii nimán níꞌ, ne̱ sese taj cacunꞌ tumé níꞌ rá níꞌ, ne̱ sese amán ya̱ rá níꞌ niꞌya̱j níꞌ Yaꞌanj, ne̱ caꞌve̱e ga̱a̱ ꞌe̱e̱ rá níꞌ ni̱ꞌyaj níꞌ tuviꞌ níꞌ ado̱nj.

2 Timoteo 1:3

Dan me se taj ꞌu̱nj guun niꞌya̱j níꞌ rihaan Yaꞌanj, ne̱ se‑su̱u̱n soꞌ me se ꞌyáá ꞌu̱nj da̱j se vaa quiꞌyaj nij xií ꞌu̱nj, ne̱ taj cacunꞌ tumé ꞌu̱nj cheꞌé se‑su̱u̱n soꞌ raj maꞌ. Ne̱ ꞌo̱ nuû rá ꞌu̱nj mán so̱ꞌ ga̱a achíín ni̱ꞌyáá ꞌu̱nj cheꞌé so̱ꞌ nuvi̱i niga̱nꞌ a.

Tito 2:8

Ina̱nj nana̱ sa̱ꞌ caꞌmi̱i̱ so̱ꞌ á. Ga̱a ne̱ gu̱un naꞌa̱j nij síí ta̱j riꞌyunj man níꞌ cheꞌé se se̱ caꞌvee caꞌmi̱i̱ nij soꞌ nana̱ nij cheꞌé níꞌ a.

Hebreos 13:18

Cachi̱nj niꞌya̱j soj rihaan Yaꞌanj cheꞌé núj á. ꞌO̱ se guun ya̱ rá núj se vaa taj va̱j cacunꞌ tumé núj maꞌ. ꞌO̱ se ina̱nj me rá núj quiꞌya̱j sa̱ꞌ núj ga̱a yáán núj rihaan chumii̱ nihánj ado̱nj.

Hebreos 9:14

ga̱a ne̱ táá a̱ ton man Cristó, ne̱ sa̱ꞌ doj vaa yoꞌ rihaan nu̱ꞌ nij rasu̱u̱n yoꞌ na̱nj chugua̱nj. Dan me se taj a̱ doj cacunꞌ tumé Cristó maꞌ. ꞌO̱ se nicu̱nꞌ Nimán Yaꞌanj nu̱ꞌ cachén nu̱ꞌ caꞌnaꞌ ne̱ nu̱ꞌ cavii nu̱ꞌ caꞌanj, ne̱ cayáán soꞌ ga̱ Cristó, ne̱ cheꞌé dan rqué Cristó man maꞌa̱n soꞌ rihaan Yaꞌanj chugua̱nj. Cheꞌé dan me doj a̱ cunu̱u sa̱ꞌ nimán níꞌ, quiꞌya̱j ton man Cristó, ne̱ navi̱j cacunꞌ tumé níꞌ cheꞌé se chiꞌi̱i̱ quiꞌyaj níꞌ asi̱j rque̱ doj a. ꞌO̱ se daj chiha̱a̱ míj se̱ cavii sa̱ꞌ níꞌ, quiꞌya̱j se ꞌyaj maꞌa̱n níꞌ maꞌ. Tza̱j ne̱ ya̱j roꞌ, quiꞌya̱j níꞌ nu̱ꞌ rasu̱u̱n rej rihaan níꞌ, ne̱ canoco̱ꞌ ina̱nj níꞌ man Yaꞌanj si̱j vaa iꞌna̱ꞌ ya̱j na̱nj á.

1 Pedro 2:12

Ne̱ veꞌé ina̱nj quiꞌya̱j soj rej ya̱nj soj scaꞌnúj nij síí chiꞌi̱i̱ ma̱n rihaan chumii̱ nihánj, ga̱a ne̱ sese gu̱un rá nij soꞌ cuta̱ꞌ nij soꞌ cacunꞌ rmi̱ꞌ xráá soj se vaa nij ꞌyaj soj, ga̱a ne̱ xca̱j nij soꞌ cuentá se vaa veꞌé ina̱nj ꞌyaj soj ado̱nj. Ga̱a ne̱ güii caꞌna̱ꞌ Yaꞌanj rihaan chumii̱ nihánj caꞌne̱ꞌ soꞌ cacunꞌ cheꞌé yuvii̱ me se cata̱j nij soꞌ se vaa sa̱ꞌ uxrá vaa Yaꞌanj chugua̱nj.

1 Pedro 2:15

Ne̱ me rá Yaꞌanj quiꞌya̱j níꞌ se sa̱ꞌ, ga̱a ne̱ cunu̱u dínj tuꞌva nij síí ne acaj cuentá nij síí tuꞌva rmaꞌa̱n nana̱ nij cheꞌé Cristó chugua̱nj.

1 Pedro 2:19

Ne̱ sese quira̱nꞌ taꞌa̱j soj sayuun quiꞌya̱j se‑ruꞌve̱e̱ taꞌa̱j soj ruꞌvee chiꞌi̱i̱, cheꞌé se ma̱an se si̱j noco̱ꞌ man Yaꞌanj me síí ranꞌ sayuun yoꞌ, ne̱ sese aꞌneꞌ sa̱ꞌ gue̱e̱ rá síí ranꞌ sayuun yoꞌ ga̱ suun tucuáá rihaan ruꞌvee, ga̱a ne̱ cuna̱j uxrá ꞌyaj soꞌ niꞌya̱j Yaꞌanj ado̱nj.

1 Pedro 3:21

Ne̱ veé na me se ꞌyaj nanii níꞌ rihaan sayuun yoꞌ ya̱j ado̱nj. Na ataꞌ ne níꞌ me yoꞌ chugua̱nj. Né cheꞌe̱ rej güe̱j nacaj xráá níꞌ cataꞌ ne níꞌ maꞌ. Cheꞌé se cataj níꞌ rihaan Yaꞌanj se vaa guun rá níꞌ se vaa navi̱j chrej chiꞌi̱i̱ uun chij nimán níꞌ ne̱ ina̱nj se sa̱ꞌ guun rá níꞌ quiꞌya̱j níꞌ rej rihaan níꞌ me se cheꞌé dan cataꞌ ne níꞌ ado̱nj. Ne̱ ina̱nj cheꞌé se cunuu iꞌna̱ꞌ uún Jesucristó ga̱a caviꞌ soꞌ roꞌ, cheꞌé dan caꞌve̱e nani̱i̱ níꞌ si̱j cataꞌ ne rihaan sayuun ne̱ cavi̱i̱ sa̱ꞌ níꞌ chugua̱nj.

1 Pedro 4:4

Tza̱j ne̱ ya̱j me se caꞌneꞌ rá soj ga̱ suun chéé ga̱ nij síí chiꞌi̱i̱ ne̱ ꞌyaj ndoꞌo se nij ga̱ nij soꞌ chugua̱nj. Cheꞌé dan ya̱j me se maꞌanj rá nij soꞌ niꞌya̱j nij soꞌ man soj, ne̱ aꞌmii qui̱j nij soꞌ cheꞌé soj cuano̱ ado̱nj.