1 Pedro 2:17 - Triqui de San Juan Copala

¹⁷ Dan me se veꞌé caꞌmi̱i̱ soj ga̱ da̱j a̱ yuvii̱, ne̱ ga̱a̱ ꞌe̱e̱ rá soj man nu̱ꞌ nij síí noco̱ꞌ man Cristó, ne̱ cuno̱ soj rihaan Yaꞌanj, ne̱ veꞌé cara̱a̱ cochro̱j soj rihaan síí nica̱j suun emperador na̱nj á.

1 Pedro 2:17 ပူးပေါင်းရင်းမြစ်များ

San Mateo 22:21

Ga̱a ne̱ cataj nij yuvii̱ yoꞌ a: ―César a ―taj nij soꞌ a. Ga̱a ne̱ cataj Jesús a: ―Cheꞌé dan go̱ꞌ soj siꞌyaj síí nica̱j suun cuꞌna̱j César rihaan maꞌa̱n soꞌ, ne̱ rque̱ soj siꞌyaj Yaꞌanj rihaan Yaꞌanj á ―taj Jesús a.

San Juan 13:35

Sese ga̱a̱ ꞌe̱e̱ rá soj man tuviꞌ soj, ne̱ queneꞌe̱n cunuda̱nj yuvii̱ se vaa si̱j tucuꞌyón snana̱j me soj na̱nj ado̱nj ―taj Jesús rihaan nij síí tucuꞌyón snana̱ soꞌ a.

Romanos 12:10

Ga̱a̱ ꞌe̱e̱ ndoꞌo rá soj man tinúú soj síí noco̱ꞌ man Cristó, ne̱ gu̱un niha̱ꞌ rá soj cara̱a̱ cochro̱j soj rihaan tinúú soj á.

Romanos 13:7

ne̱ dan me se no̱ xcúún soj go̱ꞌ soj saꞌanj ataꞌ do̱ꞌ, impuestó do̱ꞌ á. Veꞌé caꞌmi̱i̱ soj cheꞌé nij síí nica̱j suun, ne̱ cara̱a̱ cochro̱j soj rihaan nij soꞌ á.

2 Corintios 7:1

Dan me se nu̱ꞌ nana̱ nihánj nana̱ caꞌmii ya̱ Yaꞌanj ga̱a naá roꞌ, caꞌmii Yaꞌanj nana̱ yoꞌ rihaan níꞌ, tinu̱j, nocoj. Cheꞌé dan quiri̱i̱ yaníj níꞌ man cunuda̱nj se chiꞌi̱i̱ quiꞌyaj níꞌ asi̱j rque̱ do̱ꞌ, man cunuda̱nj se chiꞌi̱i̱ ma̱n nimán níꞌ do̱ꞌ, ne̱ ga̱a̱ cu̱j nimán níꞌ á. Ne̱ rquee̱ níꞌ cunu̱u sa̱ꞌ nimán níꞌ, cheꞌé se uxrá aráj cochro̱j níꞌ rihaan Yaꞌanj á.

Efesios 5:21

Veꞌé quiꞌya̱j cunuda̱nj soj nda̱a vaa me rá tuviꞌ soj cheꞌé se aráj cochro̱j uxrá soj rihaan Cristó á.

Filipenses 2:3

Se̱ guun xco̱j ruva̱a̱ rá soj ni̱ꞌyaj soj tinúú soj maꞌ. Se̱ guun rá soj se vaa cata̱j tinúú soj se vaa sa̱ꞌ uxrá vaa maꞌa̱n soj maꞌ. Tza̱j ne̱ ga̱a̱ nica̱ꞌ nimán soj, cata̱j soj se vaa sa̱ꞌ doj vaa tinúú soj rihaan maꞌa̱n soj á.

1 Timoteo 6:1

Ne̱ nij mozó me se veꞌé cara̱a̱ cochro̱j nij mozó rihaan se‑ruꞌve̱e̱ nij soꞌ a. ꞌO̱ se yoꞌ me quiꞌya̱j nij soꞌ, ga̱a ne̱ se̱ caꞌmi̱i̱ qui̱j yuvii̱ cheꞌé se‑chuvi̱i Yaꞌanj do̱ꞌ, cheꞌé tucuáán tucuꞌyón níꞌ do̱ꞌ maꞌ.

Hebreos 13:1

ꞌO̱ ga̱a̱ ꞌe̱e̱ rá soj man tinúú soj á.

1 Pedro 1:22

Dan me se uno soj snana̱ Yaꞌanj nana̱ ya̱, ne̱ cheꞌé dan cunuu sa̱ꞌ nimán soj, ne̱ cheꞌé dan no̱ xcúún soj ga̱a̱ ꞌe̱e̱ rá soj man tuviꞌ soj ado̱nj. Se̱ cataj rmaꞌa̱n soj se vaa ꞌe̱e̱ rá soj man tuviꞌ soj maꞌ. Ya̱ ga̱a̱ ꞌe̱e̱ ndoꞌo rá soj man tuviꞌ soj á.

1 Pedro 2:13

Cheꞌé se si̱j noco̱ꞌ man Síí ꞌNi̱j Raꞌa man níꞌ me soj roꞌ, cheꞌé dan cuno̱ soj rihaan ta̱ranꞌ nij síí nica̱j suun á. Dan me se cuno̱ soj rihaan síí nica̱j suun noco̱o emperador, cheꞌé se si̱j uun chij doj me soꞌ ado̱nj.

1 Pedro 5:5

Da̱nj na̱nj soj si̱j tachru̱u̱, ne̱ cuno̱ soj rihaan nij síí chij, ne̱ ta̱ranꞌ soj me se naquiꞌya̱j nica̱ꞌ soj nimán soj rihaan tuviꞌ soj á. ꞌO̱ se nana̱ nihánj nó rihaan Danj Yaꞌanj, taj yoꞌ a: Aráán Yaꞌanj chrej rihaan nij síí xta̱ꞌ nimán se̱ cavii sa̱ꞌ nij soꞌ, tza̱j ne̱ ꞌyaj Yaꞌanj se lu̱j ga̱ nij síí nica̱ꞌ nimán a, taj nana̱ yoꞌ a.