1 Juan 5:17 - Triqui de San Juan Copala

¹⁷ Dan me se me maꞌa̱n se nij ꞌyaj níꞌ me cacunꞌ chugua̱nj. Tza̱j ne̱ se̱ caviꞌ nu̱ꞌ níꞌ rihaan Yaꞌanj quiꞌya̱j me maꞌa̱n cacunꞌ yoꞌ maꞌ. ꞌO̱ se caꞌve̱e tinavi̱j Yaꞌanj cacunꞌ yoꞌ ado̱nj.

1 Juan 5:17 ပူးပေါင်းရင်းမြစ်များ

Santiago 1:15

Tza̱j ne̱ sese quiꞌya̱j níꞌ nda̱a vaa me rá maꞌa̱n níꞌ quiꞌya̱j níꞌ, ne̱ quiꞌya̱j níꞌ cacunꞌ, ne̱ asa̱ꞌ quisíj quiꞌyaj ndoꞌo níꞌ cacunꞌ, ga̱a ne̱ yu̱u̱n cheꞌe̱ cavi̱ꞌ nimán níꞌ vaa ga̱a na̱nj ado̱nj.

1 Juan 2:1

Ase vaa taꞌníí ꞌu̱nj roꞌ, da̱nj vaa soj, tinu̱j, nocoj. Ne̱ achrón ꞌu̱nj nu̱ꞌ nana̱ nihánj rihaan yanj nihánj, cheꞌé rej se̱ quiꞌyaj soj cacunꞌ maꞌ. Dan me se sese quiꞌya̱j níꞌ cacunꞌ, ne̱ vaa ꞌo̱ síí nica̱ ina̱nj nimán aꞌmii yuꞌunj cheꞌé níꞌ rihaan Rej níꞌ Yaꞌanj, ne̱ Jesucristó me soꞌ ado̱nj.

1 Juan 3:4

Dan me se nu̱ꞌ nij síí ꞌyaj cacunꞌ roꞌ, nij soꞌ me nij síí naꞌvej rá cuno̱ stucua̱nj Yaꞌanj a. ꞌO̱ se cacunꞌ me raj cata̱a ga̱a ne unóꞌ stucua̱nj Yaꞌanj a.

1 Juan 5:16

Dan me se sese neꞌen níꞌ man tinúú níꞌ ꞌyaj soꞌ me maꞌa̱n cacunꞌ, ne̱ cachi̱nj niꞌya̱j níꞌ cheꞌé soꞌ rihaan Yaꞌanj, ne̱ Yaꞌanj me síí cara̱a̱ xꞌnaa cheꞌé cacunꞌ quiꞌyaj soꞌ ado̱nj. Tza̱j ne̱ sese neꞌen níꞌ man tinúú níꞌ ꞌyaj soꞌ cacunꞌ noco̱o ndoꞌo cacunꞌ quiꞌya̱j cavi̱ꞌ nu̱ꞌ soꞌ rihaan Yaꞌanj, ne̱ taj cheꞌé cachi̱nj niꞌya̱j níꞌ rihaan Yaꞌanj cheꞌé soꞌ a̱ maꞌ. Dan me se vaa cacunꞌ u̱u̱n, ne̱ vaa cacunꞌ noco̱o ndoꞌo quiꞌya̱j cavi̱ꞌ nu̱ꞌ níꞌ rihaan Yaꞌanj ado̱nj. Cheꞌé cacunꞌ noco̱o yoꞌ me se se̱ cachíín niꞌya̱j soj maꞌ.