1 Juan 5:14 - Triqui de San Juan Copala

¹⁴ Ne̱ cuano̱ nihánj me se a̱ doj ne chuꞌviꞌ níꞌ cachi̱nj niꞌya̱j níꞌ ꞌo̱ rasu̱u̱n rihaan Yaꞌanj a̱ maꞌ. ꞌO̱ se a̱j neꞌen ya̱ níꞌ se vaa sese caꞌve̱j rá soꞌ ni̱caj níꞌ rasu̱u̱n cachíín niꞌya̱j níꞌ rihaan soꞌ, ne̱ uno soꞌ ado̱nj.

1 Juan 5:14 ပူးပေါင်းရင်းမြစ်များ

San Mateo 21:22

Ne̱ nu̱ꞌ se vaa cachi̱nj niꞌya̱j soj rihaan Yaꞌanj roꞌ, rque̱ Yaꞌanj rihaan soj, sese ya̱ ya̱ cuchuma̱n rá soj na̱nj ado̱nj ―taj Jesús a.

San Juan 11:42

A̱j neꞌenj se vaa niga̱nj unó so̱ꞌ snana̱j, tza̱j ne̱ aꞌmij nana̱ nihánj cheꞌé rej cuno̱ nij yuvii̱ nicu̱nꞌ nihánj ga̱j a. ꞌO̱ se me raj cuchuma̱n rá nij yuvii̱ se vaa so̱ꞌ me síí caꞌnéé manj rihaan chumii̱ nihánj na̱nj ado̱nj ―taj Jesús, cachíín niꞌya̱j soꞌ rihaan Yaꞌanj a.

San Juan 14:13

’Ne̱ me maꞌa̱n rasu̱u̱n cachi̱nj soj cheꞌé se‑chu̱vií ꞌu̱nj, ne̱ nu̱ꞌ yoꞌ qui̱ꞌyáj cheꞌé soj ado̱nj. Nda̱a síj, ga̱a ne̱ veꞌé uxrá caꞌmi̱i̱ nii cheꞌé Réj Yaꞌanj, qui̱ꞌyáj na̱nj ado̱nj.

San Juan 15:7

’Tza̱j ne̱ sese ꞌo̱ cu̱nuû rá nimán soj manj, ne̱ sese ꞌo̱ cu̱nuû snana̱j nimán soj, ne̱ caꞌve̱e se me maꞌa̱n rasu̱u̱n gu̱un rá soj cachi̱nj soj rihanj, ne̱ rque̱j man soj chugua̱nj.

San Juan 16:24

Dan me se nda̱ꞌ se si̱j noco̱ꞌ manj me soj, tza̱j ne̱ ga̱a rque̱ me se ne cachi̱nj niꞌya̱j soj a̱ doj rasu̱u̱n rihaan Yaꞌanj cheꞌé se‑chu̱vií ꞌu̱nj maꞌ. Cachi̱nj niꞌya̱j soj, ne̱ quiri̱ꞌ soj á. Nda̱a síj, ga̱a ne̱ ga̱a̱ niha̱ꞌ uxrá rá nimán soj ado̱nj ―taj Jesús rihaan nij síí tucuꞌyón snana̱ soꞌ a.

San Juan 9:31

ꞌO̱ se neꞌen níꞌ se vaa ne uno Yaꞌanj rihaan nij síí tumé cacunꞌ a̱ maꞌ. Tza̱j ne̱ sese aráj cochro̱j níꞌ rihaan Yaꞌanj, ne̱ sese ꞌyaj níꞌ se vaa me rá Yaꞌanj, ne̱ quiꞌya̱j Yaꞌanj se vaa achíín niꞌya̱j níꞌ rihaan Yaꞌanj na̱nj á.

Efesios 3:12

Ne̱ cheꞌé se amán rá níꞌ niꞌya̱j níꞌ Cristó roꞌ, cheꞌé dan caꞌve̱e cachi̱nj niꞌya̱j maꞌa̱n níꞌ rihaan Yaꞌanj, ne̱ taj cheꞌé cuchuꞌvi̱ꞌ níꞌ caꞌmi̱i̱ níꞌ ga̱ Yaꞌanj maꞌ.

Hebreos 10:35

Dan me se se̱ cuchuꞌviꞌ soj canoco̱ꞌ soj man Cristó, ne̱ se̱ caꞌneꞌ rá soj maꞌ. Cheꞌé se aꞌnéé nucua̱j nimán soj roꞌ, vaa güii, ne̱ noco̱o ya̱ ga̱a̱ rasu̱u̱n quiri̱ꞌ soj ado̱nj.

Hebreos 3:14

ꞌO̱ se ya̱j me se guun níꞌ síí cavi̱i̱ sa̱ꞌ ga̱ Cristó, ne̱ cavi̱i̱ sa̱ꞌ ya̱ níꞌ ga̱ soꞌ sese ꞌo̱ cuchuma̱n rá níꞌ cuno̱ níꞌ nana̱ ya̱, nda̱a vaa quiꞌyaj níꞌ ga̱a guun cheꞌe̱ níꞌ canocoꞌ níꞌ man Cristó chugua̱nj.

Hebreos 3:6

Tza̱j ne̱ Cristó me se né mo̱zó me soꞌ maꞌ. Tana̱nj taꞌníí síí tucua̱ ya̱ veꞌ me soꞌ ado̱nj. Ne̱ veé da̱nj ꞌyaj soꞌ nu̱ꞌ suun vaa rihaan soꞌ rá veꞌ, ne̱ dan me se maꞌa̱n ya̱ níꞌ me veꞌ yoꞌ, sese ꞌo̱ gu̱un ya̱ rá níꞌ se vaa cavi̱i̱ sa̱ꞌ níꞌ, quiꞌya̱j Yaꞌanj, ne̱ sese gu̱un niha̱ꞌ rá níꞌ cata̱j xnaꞌanj níꞌ cheꞌé yoꞌ rihaan tuviꞌ níꞌ, ne̱ sese se̱ cuchuꞌviꞌ níꞌ canoco̱ꞌ níꞌ man Yaꞌanj ado̱nj.

Santiago 4:3

Ne̱ nda̱ꞌ se achíín niꞌya̱j soj rihaan Yaꞌanj, tza̱j ne̱ ne rqué Yaꞌanj nij rasu̱u̱n yoꞌ rihaan soj, cheꞌé se chiꞌi̱i̱ ndoꞌo vaa nimán soj ga̱a achíín niꞌya̱j soj rihaan Yaꞌanj maꞌ. Dan me se me ina̱nj rá soj cavi̱i̱ sa̱ꞌ maꞌa̱n ina̱nj soj rihaan chumii̱ nihánj quiꞌya̱j nij rasu̱u̱n yoꞌ ado̱nj.

Santiago 5:16

Cheꞌé dan nda̱a ꞌo̱ ꞌo̱ níꞌ nata̱ꞌ ya̱ rihaan tinúú níꞌ cheꞌé cacunꞌ tumé níꞌ, ne̱ nda̱a ꞌo̱ ꞌo̱ níꞌ cachi̱nj niꞌya̱j rihaan Yaꞌanj cheꞌé tuviꞌ níꞌ, ga̱a ne̱ nahu̱un níꞌ, quiꞌya̱j Yaꞌanj a. Sese vaa ꞌo̱ síí vaa nica̱ ya̱ nimán achíín niꞌya̱j uxrá rihaan Yaꞌanj, ne̱ cuno̱ ya̱ Yaꞌanj, ne̱ quiꞌya̱j Yaꞌanj nda̱a vaa cachíín niꞌya̱j soꞌ ado̱nj.

1 Juan 2:28

Dan me se ase vaa taꞌníj vaa nij soj rihanj, ne̱ me rá ꞌu̱nj se vaa ꞌo̱ canoco̱ꞌ xraan soj man Cristó, cheꞌé rej asa̱ꞌ caꞌnaꞌ uún soꞌ rihaan chumii̱ nihánj, ne̱ ga̱a̱ dínj nimán níꞌ, ne̱ se̱ guun naꞌa̱j níꞌ a̱ doj maꞌ.