1 Juan 2:12 - Triqui de San Juan Copala

¹² Dan me se achrón ꞌu̱nj nu̱ꞌ nana̱ nihánj naya̱a̱ soj xni̱i, cheꞌé se navij cacunꞌ tumé soj rihaan Yaꞌanj cheꞌé se noco̱ꞌ soj man Cristó ado̱nj.

1 Juan 2:12 ပူးပေါင်းရင်းမြစ်များ

San Lucas 24:47

Ga̱a ne̱ vaa cheꞌé caꞌmi̱i̱ natáj nii se vaa cheꞌé se‑chuvi̱i Síí Caꞌnéé Yaꞌanj Ti̱nanii man Yuvii̱ rihaan Sayuun roꞌ, no̱ xcúún yuvii̱ ca̱nica̱j nimán yuvii̱ ne̱ ta̱náj yuvii̱ chrej chiꞌi̱i̱, ne̱ tinavi̱j Yaꞌanj cacunꞌ tumé nij soꞌ a. Asino ya̱a̱n vaa cheꞌé caꞌmi̱i̱ natáj nii chumanꞌ Jerusalén, ga̱a ne̱ caꞌmi̱i̱ natáj nii rihaan ta̱ranꞌ nij xꞌneꞌ yuvii̱ ino̱ vaa stucua̱nj ado̱nj.

San Lucas 5:20

Ga̱a queneꞌen Jesús se vaa cuchumán uxrá rá nij tuvi̱ꞌ síí ranꞌ yoꞌ se vaa caꞌve̱e nahu̱un soꞌ quiꞌya̱j Jesús, ga̱a ne̱ cataj Jesús rihaan síí ranꞌ yoꞌ a: ―Navij cacunꞌ xráá so̱ꞌ, na̱nj tinu̱j ―taj Jesús rihaan soꞌ a.

Hechos 10:43

Ne̱ cunuda̱nj nij síí nataꞌ snana̱ Yaꞌanj ga̱a naá roꞌ, cataj xnaꞌanj nij soꞌ cheꞌé Jesús yoꞌ, ne̱ cataj nij soꞌ se vaa cheꞌé se‑chuvi̱i soꞌ me se tinavi̱j Yaꞌanj cacunꞌ tumé cunuda̱nj nij síí amán rá niꞌya̱j man Jesús a ―taj Pedró rihaan nij tuvi̱ꞌ Cornelió a.

Hechos 13:38

’Xca̱j nij soj cuentá se vaa cuano̱ nihánj me se nataꞌ núj nana̱ rihaan soj se vaa cheꞌé se vaa quiꞌyaj Jesús roꞌ, cheꞌé dan caꞌve̱e tinavi̱j Yaꞌanj cacunꞌ tumé níꞌ, tinu̱j.

Hechos 4:12

Taj va̱j a̱ ꞌó síí gu̱un nucua̱j ti̱nanii man níꞌ rihaan sayuun, cheꞌé se rihaan chumii̱ nihánj roꞌ, o̱rúnꞌ se‑chuvi̱i soꞌ me se rqué Yaꞌanj man níꞌ cheꞌé yan nani̱i̱ níꞌ rihaan sayuun ne̱ cavi̱i̱ sa̱ꞌ níꞌ na̱nj ado̱nj ―taj Pedró rihaan nij síí uun chij yoꞌ a.

1 Corintios 6:11

Dan me se da̱nj ina̱nj quiꞌyaj taꞌa̱j soj ga̱a rque̱, tza̱j ne̱ ya̱j me se xꞌnéj cacunꞌ ta̱j xráá soj, ne̱ cunuu sa̱ꞌ nimán soj, ne̱ cunuu nica̱ nimán soj rihaan Yaꞌanj, cheꞌé se‑chuvi̱i Jesús Si̱j ꞌNi̱j Raꞌa man níꞌ do̱ꞌ, cheꞌé Nimán Yaꞌanj si̱j noco̱ꞌ níꞌ man do̱ꞌ, cuano̱ ado̱nj.

Efesios 1:7

Ne̱ cheꞌé ton cayanj man Cristó ga̱a caviꞌ soꞌ cheꞌé níꞌ roꞌ, cheꞌé dan navij cacunꞌ xráá níꞌ, cheꞌé se sa̱ꞌ uxrá vaa rá Yaꞌanj niꞌya̱j Yaꞌanj man níꞌ a.

Efesios 4:32

Dan me se veꞌé quiꞌya̱j soj rihaan tinúú soj á. Ga̱a̱ ꞌe̱e̱ rá soj ni̱ꞌyaj soj tinúú soj á. Neꞌen soj se vaa tinavij Yaꞌanj cacunꞌ tumé níꞌ, cheꞌé se caviꞌ Cristó cheꞌé níꞌ a. Cheꞌé dan no̱ xcúún ya̱ soj cara̱a̱ xꞌnaa soj ni̱ꞌyaj soj tinúú soj ado̱nj.

Colosenses 1:14

ne̱ cheꞌé Taꞌníí soꞌ navij cacunꞌ tumé níꞌ, ne̱ ti̱nanii Taꞌníí soꞌ man níꞌ rihaan sayuun ado̱nj.

1 Juan 1:4

Ne̱ achrón núj nana̱ nihánj rihaan yanj naya̱a̱ soj, cheꞌé rej caꞌve̱e gu̱un niha̱ꞌ uxrá ya̱ rá nimán ta̱ranꞌ níꞌ ado̱nj.

1 Juan 1:7

Tza̱j ne̱ sese chéé níꞌ rej chuguu̱n sa̱ꞌ rej va̱j maꞌa̱n Yaꞌanj, ne̱ veꞌé sa̱ꞌ mán ta̱ranꞌ níꞌ, ne̱ navi̱j nu̱ꞌ cacunꞌ tumé níꞌ, quiꞌya̱j ton cayanj man Jesús Taꞌníí Yaꞌanj ga̱a caviꞌ soꞌ cheꞌé níꞌ, ne̱ ꞌo̱ cunu̱u sa̱ꞌ nimán níꞌ ado̱nj.

1 Juan 1:9

Tza̱j ne̱ sese nata̱ꞌ ya̱ níꞌ rihaan Yaꞌanj cheꞌé cacunꞌ tumé níꞌ, ne̱ nica̱ quiꞌya̱j Yaꞌanj cheꞌé níꞌ, ne̱ dan me se cata̱j soꞌ se vaa navij cacunꞌ tumé níꞌ, ne̱ tinavi̱j soꞌ nu̱ꞌ se chiꞌi̱i̱ ma̱n nimán níꞌ ado̱nj.

1 Juan 2:1

Ase vaa taꞌníí ꞌu̱nj roꞌ, da̱nj vaa soj, tinu̱j, nocoj. Ne̱ achrón ꞌu̱nj nu̱ꞌ nana̱ nihánj rihaan yanj nihánj, cheꞌé rej se̱ quiꞌyaj soj cacunꞌ maꞌ. Dan me se sese quiꞌya̱j níꞌ cacunꞌ, ne̱ vaa ꞌo̱ síí nica̱ ina̱nj nimán aꞌmii yuꞌunj cheꞌé níꞌ rihaan Rej níꞌ Yaꞌanj, ne̱ Jesucristó me soꞌ ado̱nj.

1 Juan 2:21

Né cheꞌe̱ se ne neꞌen soj nana̱ ya̱ me cachrón ꞌu̱nj nana̱ nihánj naya̱a̱ soj maꞌ. Tana̱nj achrón ꞌu̱nj nana̱ nihánj cheꞌé se si̱j neꞌen nij nana̱ ya̱ me soj, ne̱ a̱j neꞌen soj se vaa ino̱ doj vaa nana̱ ne̱ ga̱ nana̱ ya̱ nana̱ noco̱ꞌ níꞌ ado̱nj.

1 Juan 2:7

Dan me se ꞌe̱e̱ raj man soj, tinu̱j, nocoj. Ne̱ nihánj me se cachro̱n ꞌu̱nj cheꞌé ꞌo̱ suun aꞌnéꞌ ꞌu̱nj rihaan soj cuno̱ soj chugua̱nj. Tza̱j ne̱ né su̱u̱n aꞌneꞌ naca̱ ꞌu̱nj rihaan soj me nana̱ nihánj maꞌ. Veé nana̱ cuno soj asi̱j guun cheꞌe̱ soj canocoꞌ soj man Cristó me nana̱ nihánj na̱nj ado̱nj.