1 Juan 1:4 - Triqui de San Juan Copala

⁴ Ne̱ achrón núj nana̱ nihánj rihaan yanj naya̱a̱ soj, cheꞌé rej caꞌve̱e gu̱un niha̱ꞌ uxrá ya̱ rá nimán ta̱ranꞌ níꞌ ado̱nj.

1 Juan 1:4 ပူးပေါင်းရင်းမြစ်များ

San Juan 15:11

’Nu̱ꞌ nana̱ nihánj cataj xnaꞌanj ꞌu̱nj rihaan soj cheꞌé se me raj ga̱a̱ niha̱ꞌ uxrá rá nimanj ni̱ꞌyaj ꞌu̱nj man soj, ne̱ me raj ga̱a̱ niha̱ꞌ uxrá rá nimán maꞌa̱n soj uún a.

San Juan 16:24

Dan me se nda̱ꞌ se si̱j noco̱ꞌ manj me soj, tza̱j ne̱ ga̱a rque̱ me se ne cachi̱nj niꞌya̱j soj a̱ doj rasu̱u̱n rihaan Yaꞌanj cheꞌé se‑chu̱vií ꞌu̱nj maꞌ. Cachi̱nj niꞌya̱j soj, ne̱ quiri̱ꞌ soj á. Nda̱a síj, ga̱a ne̱ ga̱a̱ niha̱ꞌ uxrá rá nimán soj ado̱nj ―taj Jesús rihaan nij síí tucuꞌyón snana̱ soꞌ a.

San Juan 3:29

Ase vaa síí xcaj man chana̱ ne̱ naraꞌa̱a roꞌ, vaa soꞌ, ne̱ ase vaa tuviꞌ síí naraꞌa̱a roꞌ, da̱nj vaa ꞌu̱nj a. Ne̱ nicúnꞌ ꞌu̱nj unó ꞌu̱nj se vaa aꞌmii soꞌ, ne̱ uun niha̱ꞌ uxrá raj, ꞌyaj nana̱ aꞌmii síí naraꞌa̱a, ne̱ cheꞌé dan me uun niha̱ꞌ uxrá raj ado̱nj.

2 Corintios 1:24

ꞌO̱ se ne me rá núj quiri̱i̱ taꞌngaꞌ núj rihaan soj da̱j quiꞌya̱j soj canoco̱ꞌ soj man Cristó maꞌ. ꞌO̱ se síí ꞌyaj se‑su̱u̱n Yaꞌanj rcuaꞌa̱a̱n ga̱ soj yan cavi̱i̱ sa̱ꞌ soj ne̱ gu̱un niha̱ꞌ rá soj me núj, ne̱ a̱j nariꞌ sa̱ꞌ soj canoco̱ꞌ maꞌa̱n soj man Cristó na̱nj ado̱nj.

1 Juan 2:1

Ase vaa taꞌníí ꞌu̱nj roꞌ, da̱nj vaa soj, tinu̱j, nocoj. Ne̱ achrón ꞌu̱nj nu̱ꞌ nana̱ nihánj rihaan yanj nihánj, cheꞌé rej se̱ quiꞌyaj soj cacunꞌ maꞌ. Dan me se sese quiꞌya̱j níꞌ cacunꞌ, ne̱ vaa ꞌo̱ síí nica̱ ina̱nj nimán aꞌmii yuꞌunj cheꞌé níꞌ rihaan Rej níꞌ Yaꞌanj, ne̱ Jesucristó me soꞌ ado̱nj.

2 Juan 1:12

Vaa ndoꞌo nana̱ me rá ꞌu̱nj cata̱j xnaꞌanj ꞌu̱nj rihaan soj, tza̱j ne̱ naꞌvej rá ꞌu̱nj cachro̱n ꞌu̱nj cunuda̱nj nij nana̱ rihaan yanj maꞌ. Tza̱j ne̱ me raj cuchi̱j rihaan soj, ga̱a ne̱ caꞌve̱e caꞌmi̱i̱ rihaan tuviꞌ ya̱ níꞌ, ga̱a ne̱ gu̱un niha̱ꞌ uxrá rá nimán níꞌ ga̱a nari̱ꞌ tuviꞌ níꞌ chugua̱nj.