1 Corintios 9:8 - Triqui de San Juan Copala

⁸ Né na̱na̱ avii raa̱ yuvii̱ me nana̱ nihánj maꞌ. ꞌO̱ cuya̱a̱n aꞌmii stucua̱nj Moisés ga̱ nana̱ nihánj a:

1 Corintios 9:8 ပူးပေါင်းရင်းမြစ်များ

Romanos 3:31

Dan me se a̱j cataj núj se vaa taj se gúnꞌ man nana̱ cataj xnaꞌanj Yaꞌanj ga̱a naá, rá soj naꞌ. Daj chiha̱a̱ míj se̱ guun da̱nj rá soj maꞌ. Vaa se gúnꞌ man yoꞌ ado̱nj. Vaa cheꞌé ndoꞌo cuchruj Moisés tucuáán caꞌmii Yaꞌanj cheꞌé níꞌ na̱nj á.

Romanos 3:5

Vaa taꞌa̱j yuvii̱ ne acaj sa̱ꞌ cuentá cata̱j a: “Ga̱a ꞌyaj núj se chiꞌi̱i̱, ne̱ doj a̱ neꞌen yuvii̱ se vaa síí nica̱ ina̱nj rá me Yaꞌanj a. Sese da̱nj vaa, ne̱ ne nó xcúún Yaꞌanj quiꞌya̱j Yaꞌanj sayuun man núj cheꞌé se chiꞌi̱i̱ ꞌyaj núj maꞌ”, taj nij yuvii̱ yoꞌ a.

Romanos 6:19

(Dan me se nana̱ nica̱ achrón ꞌu̱nj rihaan yanj nihánj naya̱a̱ soj a. Neꞌén ꞌu̱nj se vaa se̱ guun nucua̱j soj cuno̱ soj nana̱ nachranꞌ maꞌ.) Dan me se ga̱a rque̱ me se caꞌvej rá soj quiꞌya̱j nee̱ man soj se chiꞌi̱i̱, ne̱ quiꞌyaj soj ina̱nj cacunꞌ rihaan Yaꞌanj, ga̱a ne̱ guun niha̱ꞌ rá soj quiꞌya̱j soj doj cacunꞌ uún a. Tza̱j ne̱ cuano̱ nihánj me se caꞌve̱j rá soj quiꞌya̱j soj ina̱nj se sa̱ꞌ nda̱a vaa uun rá Yaꞌanj, ga̱a ne̱ cunu̱u sa̱ꞌ nimán soj rihaan Yaꞌanj á.

1 Corintios 7:40

Tza̱j ne̱ sese quina̱j u̱u̱n noꞌ, ne̱ veꞌé doj ga̱a̱ ca̱yáán maꞌa̱n noꞌ raj na̱nj á. Da̱nj ina̱nj vaa rá ꞌu̱nj, cheꞌé se ase vaa yáán Nimán Yaꞌanj ga̱ soj roꞌ, da̱nj vaa yáán Nimán Yaꞌanj ga̱ ꞌu̱nj uún na̱nj ado̱nj.

Gálatas 1:11

Me rá ꞌu̱nj xca̱j nij soj cuentá se vaa nana̱ sa̱ꞌ cheꞌé Cristó aꞌmii natáj ꞌu̱nj roꞌ, né na̱na̱ cavii raa̱ yuvii̱ me nana̱ yoꞌ maꞌ.

1 Tesalonicenses 2:13

Niga̱nj taj núj guun niꞌya̱j níꞌ rihaan Yaꞌanj cheꞌé soj na̱nj á. Dan me se ga̱a cuno soj snana̱ Yaꞌanj nana̱ caꞌmii natáj núj rihaan soj, ne̱ ne cata̱j soj se vaa snana̱ yuvii̱ u̱u̱n me nana̱ yoꞌ maꞌ. Ya̱ cataj soj se vaa snana̱ Yaꞌanj me nana̱ nataꞌ núj, ne̱ veé ya̱ snana̱ Yaꞌanj me yoꞌ ado̱nj. Ne̱ nuu sa̱ꞌ nimán soj, ꞌyaj nana̱ yoꞌ, cheꞌé se amán rá soj uno soj nana̱ yoꞌ ado̱nj.

1 Tesalonicenses 4:8

Cheꞌé dan xca̱j soj cuentá se vaa síí riꞌíj yaníj man nana̱ nihánj roꞌ, né sna̱na̱ yuvii̱ me riꞌíj yaníj soꞌ maꞌ. Tana̱nj a̱ snana̱ Yaꞌanj si̱j rqué Nimán Yaꞌanj cu̱nuû nimán níꞌ me nana̱ riꞌíj soꞌ na̱nj ado̱nj.