1 Corintios 9:4 - Triqui de San Juan Copala

⁴ Cheꞌé dan no̱ xcúún núj cha̱ núj á. No̱ xcúún núj coꞌo̱ núj á.

1 Corintios 9:4 ပူးပေါင်းရင်းမြစ်များ

San Mateo 10:10

Se̱ nica̱j soj xnánj soj maꞌ. Se̱ nica̱j soj ꞌó cotoó do̱ꞌ, canj do̱ꞌ maꞌ. Ne̱ chruun garroté se̱ coro̱ꞌ soj cache̱e̱ soj maꞌ. Ma̱an se ga̱a̱ u̱u̱n soj caꞌa̱nj soj á. ꞌO̱ se no̱ xcúún yuvii̱ rque̱ yuvii̱ cha̱ soj cheꞌé suun sa̱ꞌ ꞌyaj soj na̱nj ado̱nj.

San Lucas 10:7

Cara̱nꞌ soj veꞌ ya̱nj síí niꞌya̱nj nimán yoꞌ, ne̱ me maꞌa̱n se rque̱ síí ya̱nj yoꞌ, ne̱ cha̱ soj do̱ꞌ, coꞌo̱ soj do̱ꞌ a. ꞌO̱ se no̱ xcúún yuvii̱ rque̱ yuvii̱ cha̱ soj cheꞌé suun sa̱ꞌ ꞌyaj soj a. Se̱ caꞌanj soj cara̱nꞌ soj ꞌó ꞌó veꞌ maꞌ.

Hechos 20:33

’Dan me se né si̱j uun ne̱ rá niꞌya̱j se‑aga̱ꞌ yuvii̱ agaꞌ platá catzi̱i̱ do̱ꞌ, se‑aga̱ꞌ yuvii̱ agaꞌ oró míí do̱ꞌ, saga̱nꞌ yuvii̱ yatzíj sa̱ꞌ do̱ꞌ, mé ꞌu̱nj maꞌ.

1 Corintios 9:3

Ne̱ ga̱a xnáꞌanj nij yuvii̱ manj sese ya̱ ya̱ cuneꞌ Jesucristó manj, ne̱ nihánj me se taj ꞌu̱nj ado̱nj:

Gálatas 6:6

Dan me se síí tucuꞌyón snana̱ Yaꞌanj roꞌ, me se no̱ xcúún soꞌ rque̱ soꞌ taꞌa̱j nu̱ꞌ se sa̱ꞌ riꞌ soꞌ man síí tihaa̱n snana̱ Yaꞌanj nana̱ sa̱ꞌ rihaan soꞌ a.

1 Tesalonicenses 2:6

Ne quiꞌya̱j núj da̱nj cheꞌé rej cata̱j soj do̱ꞌ, cata̱j ꞌó yuvii̱ do̱ꞌ, se vaa veꞌé ꞌyaj núj maꞌ. Nda̱ꞌ se Cristó me síí cuneꞌ man núj gu̱un núj síí caꞌa̱nj nata̱ꞌ snana̱ soꞌ, tza̱j ne̱ ne cachi̱nj núj rasu̱u̱n man soj maꞌ.

1 Tesalonicenses 2:9

Dan me se neꞌen soj se vaa nuvi̱i niga̱nꞌ ꞌyaj suun núj, ga̱a ne̱ riꞌ núj saꞌanj, ne̱ ránj maꞌa̱n núj rasu̱u̱n achiin rihaan núj, cheꞌé se ne caꞌve̱j rá núj rquee̱ núj rque̱ soj rasu̱u̱n man núj, maan tinu̱j, maan nocoj. Da̱nj ina̱nj quiꞌyaj núj ga̱a caꞌmii natáj núj snana̱ Yaꞌanj nana̱ sa̱ꞌ rihaan soj ado̱nj.