1 Corintios 9:3 - Triqui de San Juan Copala

³ Ne̱ ga̱a xnáꞌanj nij yuvii̱ manj sese ya̱ ya̱ cuneꞌ Jesucristó manj, ne̱ nihánj me se taj ꞌu̱nj ado̱nj:

1 Corintios 9:3 ပူးပေါင်းရင်းမြစ်များ

San Lucas 12:11

’Dan me se asa̱ꞌ tucuatúj nii man soj rá veꞌ tucuꞌyón níꞌ si̱j israelitá stucua̱nj Moisés ne̱ canicu̱nꞌ soj rihaan nij cuese̱ do̱ꞌ, nij síí nica̱j suun do̱ꞌ, ne̱ se̱ nanó rá soj da̱j caꞌmi̱i̱ soj cheꞌé soj rihaan nij soꞌ maꞌ.

Hechos 22:1

―Cuno̱ soj caꞌmi̱j, tinu̱j, taꞌnuj. Ne̱ nano̱ xre̱j soj se vaa caꞌmi̱i̱ naca̱j ꞌu̱nj manj á ―taj Pabló rihaan nij síí israelitá a.

Hechos 25:16

Ga̱a ne̱ cataj xnaꞌanj ꞌu̱nj rihaan nij soꞌ se vaa né stucua̱nj núj si̱j romanó me ta̱cuachén u̱u̱n níꞌ man ꞌo̱ soꞌ ticavi̱ꞌ nii man soꞌ maꞌ. Tana̱nj asino ya̱a̱n queneꞌe̱n síí ataꞌ cacunꞌ man nij síí cutaꞌ cacunꞌ xráá soꞌ, ga̱a ne̱ caꞌmi̱i̱ nacaj soꞌ cheꞌé maꞌa̱n soꞌ, cataj ꞌu̱nj rihaan nij soꞌ a.

1 Corintios 14:37

Sese guun rá ꞌo̱ soꞌ se vaa neꞌen soꞌ nata̱ꞌ soꞌ nana̱ rqué Yaꞌanj rihaan soꞌ do̱ꞌ, sese guun rá soꞌ se vaa ya̱nj Nimán Yaꞌanj ga̱ maꞌa̱n soꞌ do̱ꞌ, ne̱ xca̱j soꞌ cuentá se vaa nana̱ nihánj nana̱ cachrón ꞌu̱nj cheꞌé soj roꞌ, suun caꞌneꞌ maꞌa̱n Síí ꞌNi̱j Raꞌa man níꞌ rihaan níꞌ me nana̱ nihánj a.

1 Corintios 9:2

Dan me se vaa yuvii̱ taj se vaa né ya̱ síí cuneꞌ Jesucristó mé ꞌu̱nj, tza̱j ne̱ ya̱ neꞌen soj se vaa cuneꞌ Jesucristó mán ꞌu̱nj caꞌa̱nj nata̱ꞌ ꞌu̱nj snana̱ soꞌ rihaan soj a. Dan me se cheꞌé se canocoꞌ soj man Síí ꞌNi̱j Raꞌa man níꞌ, cheꞌé dan xca̱j yuvii̱ cuentá se vaa ya̱ atá ꞌu̱nj suun caꞌa̱nj nata̱ꞌ ꞌu̱nj rihaan yuvii̱ cheꞌé soꞌ ado̱nj.

1 Corintios 9:4

Cheꞌé dan no̱ xcúún núj cha̱ núj á. No̱ xcúún núj coꞌo̱ núj á.

2 Corintios 13:10

Cheꞌé dan cuano̱ nihánj me se cachrón ꞌu̱nj nana̱ nihánj rihaan yanj cartá naya̱a̱ soj a. Dan me se nda̱ꞌ se nuvíꞌ ꞌu̱nj yáán ga̱ soj cuano̱, tza̱j ne̱ cachrón ꞌu̱nj nana̱ nihánj, ga̱a ne̱ güii cuchi̱ꞌ ꞌu̱nj rihaan soj me se se̱ gaa suun rihanj quiꞌya̱j ndoꞌoj sayuun man soj a̱ maꞌ. Dan me se caꞌneꞌ Síí ꞌNi̱j Raꞌa man níꞌ suun rihanj cu̱tumej man soj, ne̱ dan me se naꞌvej rá soꞌ quiri̱ꞌ soj qui̱ꞌyáj a̱ maꞌ. ꞌO̱ se me rá soꞌ ra̱cuíj ꞌu̱nj man soj yan canoco̱ꞌ sa̱ꞌ soj man soꞌ ado̱nj.

2 Corintios 13:3

ꞌO̱ se sese da̱nj qui̱ꞌyáj, ne̱ gu̱un ya̱ rá soj se vaa ya̱ ya̱ Cristó me síí rqué nana̱ aꞌmii ꞌu̱nj rihaan soj na̱nj á. Xa̱ꞌ Cristó, tza̱j ne̱ né si̱j ninaj me soꞌ rihaan soj maꞌ. ꞌO̱ se si̱j gu̱un nucua̱j ndoꞌo tu̱mé man soj me Cristó ado̱nj.

2 Corintios 13:5

Xca̱j maꞌa̱n soj cuentá sese ya̱ ya̱ amán rá soj niꞌya̱j soj man Cristó á. Neꞌen soj se vaa ya̱nj Cristó ga̱ soj naꞌ. Ase ne neꞌen soj xa̱ꞌ. Ya̱ ne Cristó ga̱ soj, sese né si̱j tihaꞌ yuꞌunj me soj chugua̱nj.

Filipenses 1:17

Tza̱j ne̱ ꞌó nij soꞌ roꞌ, cheꞌé se guun xco̱j ruva̱a̱ rá nij soꞌ niꞌya̱j nij soꞌ manj, cheꞌé dan aꞌmii natáj nij soꞌ cheꞌé Cristó, tza̱j ne̱ ne aꞌmii chij nij soꞌ maꞌ. Ma̱an se da̱nj ꞌyaj nij soꞌ cheꞌé se me rá nij soꞌ nano̱ doj rá ꞌu̱nj cheꞌé se ꞌni̱j ꞌu̱nj tagaꞌ ado̱nj.

Filipenses 1:7

Ne̱ ya̱ ya̱ vaa cheꞌé caꞌmij da̱nj cheꞌé ta̱ranꞌ nij soj chugua̱nj. Dan me se ya̱ caráyaꞌa̱nj uxrá soj manj, ne̱ ga̱a ꞌni̱j ꞌu̱nj tagaꞌ do̱ꞌ, ga̱a caꞌmii ꞌu̱nj rihaan nij síí naꞌvej rá cuno̱ nana̱ sa̱ꞌ cheꞌé Cristó cheꞌé rej xca̱j nij soꞌ cuentá do̱ꞌ, ga̱a tucuꞌyón ꞌu̱nj nana̱ sa̱ꞌ yoꞌ man yuvii̱ do̱ꞌ, ne̱ racuíj ndoꞌo cunuda̱nj nij soj manj, ne̱ cheꞌé dan me se soj si̱j ꞌyaj se‑su̱u̱n Yaꞌanj ga̱j roꞌ, me ndoꞌo ya̱ raj que̱neꞌenj man soj ado̱nj.

2 Timoteo 4:16

Ga̱a caꞌanj ꞌu̱nj caꞌmi̱i̱ nacaj ꞌu̱nj cheꞌej rihaan nij síí nica̱j suun quiꞌyaj nii, ne̱ nuviꞌ a̱ ꞌó tinúú níꞌ racuíj manj a̱ maꞌ. Ma̱an se tanáj cunuda̱nj nij soꞌ man o̱rúnꞌ ꞌu̱nj rihaan nij síí nica̱j suun, tza̱j ne̱ naꞌvej raj cara̱a Yaꞌanj cacunꞌ xráá nij soꞌ a̱ maꞌ.