1 Corintios 9:21 - Triqui de San Juan Copala

²¹ Ase vaa nij síí ne nocoꞌ stucua̱nj Moisés roꞌ, da̱nj vaa ꞌu̱nj ga̱a taj xnaꞌanj ꞌu̱nj rihaan nij soꞌ cheꞌé Cristó, cheꞌé se me raj cuno̱ nij soꞌ snana̱ Cristó ado̱nj. Dan me se ne ꞌyáá ꞌu̱nj na̱j guun se vaa me raj qui̱ꞌyáj maꞌ. Né se ne unó ꞌu̱nj stucua̱nj Yaꞌanj, tza̱j ne̱ unó ꞌu̱nj tucuáán cuchruj Cristó ado̱nj. ꞌO̱ se unó ꞌu̱nj rihaan Yaꞌanj, ne̱ unó ꞌu̱nj cunuda̱nj tucuáán cuchruj Cristó rihaan níꞌ ado̱nj.

1 Corintios 9:21 ပူးပေါင်းရင်းမြစ်များ

Hechos 15:28

’Dan me se ne gu̱un rá Nimán Yaꞌanj do̱ꞌ, maꞌa̱n núj do̱ꞌ, cuchru̱j ndoꞌo núj tucuáán canoco̱ꞌ soj maꞌ. Tza̱j ne̱ vaa cheꞌé cuno̱ soj caꞌa̱nj gue̱e̱ nana̱ nihánj, rá núj na̱nj ado̱nj.

Hechos 16:4

Dan me se ga̱a cachén nij soꞌ nu̱ꞌ nij chumanꞌ, ne̱ cataj xnaꞌanj nij soꞌ rihaan nij yuvii̱ noco̱ꞌ man Jesucristó se vaa cuno̱ nij yuvii̱ snana̱ nij síí ata̱ suun caꞌa̱nj nata̱ꞌ snana̱ Jesucristó do̱ꞌ, ꞌó nij síí ya̱nj chumanꞌ Jerusalén tumé sa̱ꞌ rihaan Yaꞌanj man nij yuvii̱ noco̱ꞌ man Jesucristó do̱ꞌ, nana̱ naquiꞌyaj cu̱u nij soꞌ cheꞌé nij síí yaníj cuno̱ nij soꞌ a.

Hechos 21:25

’Ne̱ xa̱ꞌ nij síí yaníj amán rá niꞌya̱j man Jesucristó, tza̱j ne̱ a̱j caꞌnéé núj yanj cartá rihaan nij soꞌ, ne̱ nataꞌ núj rihaan nij soꞌ se vaa taj cheꞌé canoco̱ꞌ maꞌa̱n nij soꞌ stucua̱nj Moisés maꞌ. Ma̱an se xca̱j nij soꞌ cuentá, ne̱ se̱ chá nij soꞌ rasu̱u̱n rqué yuvii̱ rihaan yaꞌanj quiꞌyaj maꞌa̱n yuvii̱ maꞌ. Ne̱ se̱ chá nij soꞌ ton maꞌ. Ne̱ se̱ chá nij soꞌ nee̱ xcuu tuguáj nii gaán chihá maꞌ. Ne̱ snóꞌo do̱ꞌ, chana̱ do̱ꞌ, se̱ cotoj nij soꞌ ga̱ ꞌó yuvii̱ sese né ni̱ca̱ nij soꞌ me yoꞌ maꞌ. Da̱nj taj yanj caꞌnéé núj rihaan nij soꞌ ado̱nj ―taj nij síí chij yoꞌ rihaan Pabló a.

Romanos 2:12

Yuvii̱ noco̱ꞌ stucua̱nj Moisés me nij yuvii̱ israelitá, ne̱ cheꞌé dan, sese ne ꞌyaj nij yuvii̱ israelitá nu̱ꞌ stucua̱nj Moisés, ne̱ quiꞌya̱j Yaꞌanj sayuun man nij soꞌ a. Nda̱ꞌ se né si̱j nocoꞌ stucua̱nj Moisés me nij síí yaníj, tza̱j ne̱ neꞌen maꞌa̱n nij soꞌ da̱j me rá Yaꞌanj quiꞌya̱j nij soꞌ, ne̱ cheꞌé dan quira̱nꞌ nij soꞌ sayuun sese se̱ caꞌvej rá nij soꞌ quiꞌya̱j nij soꞌ nda̱a vaa me rá Yaꞌanj ado̱nj.

Romanos 2:14

Nda̱ꞌ se ne neꞌen nij yuvii̱ yaníj stucua̱nj Moisés, tza̱j ne̱ avii ina̱nj raa̱ maꞌa̱n nij soꞌ quiꞌya̱j maꞌa̱n nij soꞌ nda̱a vaa me rá Yaꞌanj quiꞌya̱j yuvii̱ ado̱nj. Ne̱ ga̱a ꞌyaj maꞌa̱n nij soꞌ se vaa me rá Yaꞌanj quiꞌya̱j nij soꞌ, ne̱ xcaj níꞌ cuentá se vaa nica̱j nij soꞌ tucuáán me rá Yaꞌanj canoco̱ꞌ yuvii̱,

Romanos 7:22

Neꞌenj se vaa sa̱ꞌ uxrá vaa stucua̱nj Moisés,

Romanos 7:25

ꞌO̱ se guun niꞌya̱j ndoꞌo níꞌ rihaan Yaꞌanj se vaa tinanii Jesucristó Si̱j ꞌNi̱j Raꞌa man níꞌ manj rihaan sayuun yoꞌ ado̱nj. Dan me se xa̱ꞌ ma̱ꞌanj, tza̱j ne̱ noco̱ꞌ uxrá ma̱ꞌanj stucua̱nj Yaꞌanj, tza̱j ne̱ xa̱ꞌ nee̱ manj, tza̱j ne̱ ina̱nj se chiꞌi̱i̱ ꞌyaj nee̱ manj a.

Romanos 8:4

Cuano̱ ya̱j me se taj cheꞌé quiꞌya̱j níꞌ ina̱nj se vaa me rá nee̱ man níꞌ quiꞌya̱j níꞌ maꞌ. Ina̱nj rihaan o̱rúnꞌ Nimán Yaꞌanj cuno̱ níꞌ, ne̱ quiꞌya̱j maꞌa̱n níꞌ nda̱a vaa me rá Yaꞌanj quiꞌya̱j níꞌ a. Dan me se Nimán Yaꞌanj ꞌyaj uno maꞌa̱n níꞌ stucua̱nj Moisés ado̱nj.

Gálatas 3:2

ꞌO̱ se me rá ꞌu̱nj xna̱ꞌanj ꞌu̱nj ꞌo̱ nana̱ man soj chugua̱nj: Cheꞌé se canocoꞌ nij soj stucua̱nj Moisés me catúj Nimán Yaꞌanj nimán soj naꞌ. Ase cheꞌé se amán rá soj cuno soj nana̱ sa̱ꞌ cheꞌé Cristó me catúj Nimán Yaꞌanj nimán soj xa̱ꞌ.

Gálatas 6:2

Dan me se caꞌve̱e se me maꞌa̱n sayuun ranꞌ tinúú soj, tza̱j ne̱ ra̱cuíj soj man soꞌ á. Sese da̱nj quiꞌya̱j soj, ne̱ síí ꞌyaj nda̱a vaa taj stucua̱nj Cristó me soj ga̱a na̱nj chugua̱nj.

Hebreos 8:10

Dan me se ino̱ doj ga̱a̱ nana̱ naca̱ nana̱ tu̱cuꞌyonj rihaan nij taꞌníí taꞌnij siꞌno̱ síí cuꞌna̱j Israel asa̱ꞌ quisíj güii yoꞌ ado̱nj, taj Síí ꞌNi̱j Raꞌa man níꞌ a. ꞌO̱ se caꞌne̱j ꞌu̱nj snana̱j nimán nij soꞌ, ne̱ queneꞌe̱n maꞌa̱n nij soꞌ da̱j me rá ꞌu̱nj quiꞌya̱j nij soꞌ ado̱nj. Ne̱ guún ꞌu̱nj Taꞌanj nij soꞌ, ne̱ gu̱un nij soꞌ se‑chuma̱nꞌ ꞌu̱nj ado̱nj.