1 Corintios 9:14 - Triqui de San Juan Copala

¹⁴ Ne̱ xa̱ꞌ núj si̱j nataꞌ nana̱ sa̱ꞌ cheꞌé Cristó rihaan yuvii̱, tza̱j ne̱ caꞌneꞌ Síí ꞌNi̱j Raꞌa man níꞌ suun se vaa cha̱ núj se vaa rque̱ yuvii̱ rihaan núj cheꞌé se‑su̱u̱n núj suun nataꞌ nana̱ sa̱ꞌ rihaan yuvii̱ a.

1 Corintios 9:14 ပူးပေါင်းရင်းမြစ်များ

San Mateo 10:10

Se̱ nica̱j soj xnánj soj maꞌ. Se̱ nica̱j soj ꞌó cotoó do̱ꞌ, canj do̱ꞌ maꞌ. Ne̱ chruun garroté se̱ coro̱ꞌ soj cache̱e̱ soj maꞌ. Ma̱an se ga̱a̱ u̱u̱n soj caꞌa̱nj soj á. ꞌO̱ se no̱ xcúún yuvii̱ rque̱ yuvii̱ cha̱ soj cheꞌé suun sa̱ꞌ ꞌyaj soj na̱nj ado̱nj.

San Lucas 10:7

Cara̱nꞌ soj veꞌ ya̱nj síí niꞌya̱nj nimán yoꞌ, ne̱ me maꞌa̱n se rque̱ síí ya̱nj yoꞌ, ne̱ cha̱ soj do̱ꞌ, coꞌo̱ soj do̱ꞌ a. ꞌO̱ se no̱ xcúún yuvii̱ rque̱ yuvii̱ cha̱ soj cheꞌé suun sa̱ꞌ ꞌyaj soj a. Se̱ caꞌanj soj cara̱nꞌ soj ꞌó ꞌó veꞌ maꞌ.

San Lucas 10:8

Asa̱ꞌ cuchiꞌ soj ꞌo̱ chumanꞌ, ne̱ sese veꞌé caꞌmi̱i̱ nij síí ma̱n rej yoꞌ ga̱ soj, ga̱a ne̱ cha̱ soj me maꞌa̱n se chá rque̱ nij soꞌ man nij soj a.

Hechos 18:3

ne̱ cheꞌé se cuya̱a̱n vaa suun ꞌyaj suun Pabló ga̱ suun ꞌyaj suun ro̱j soꞌ roꞌ, cheꞌé dan caranꞌ Pabló ga̱ ro̱j soꞌ, ne̱ quiꞌyaj suun soꞌ ga̱ ro̱j soꞌ a.

1 Corintios 4:15

Caꞌve̱e se cuchi̱ꞌ chi̱ꞌ míj síí tu̱cuꞌyón cheꞌé Cristó rihaan soj, tza̱j ne̱ asinoj me síí cataj xnaꞌanj nana̱ sa̱ꞌ cheꞌé soꞌ rihaan soj á. Canocoꞌ soj man Cristó Jesús ga̱ ꞌu̱nj, ne̱ cheꞌé dan ase vaa rej soj vaa ꞌu̱nj ado̱nj.

1 Corintios 9:11

Ne̱ ase vaa síí ꞌyaj suun yoꞌóó roꞌ, da̱nj vaa núj cheꞌé soj, ne̱ dan me se caxríj núj snana̱ Yaꞌanj nimán soj, ne̱ cavi̱i̱ sa̱ꞌ nij soj nu̱ꞌ cavii nu̱ꞌ caꞌanj, ne̱ cheꞌé dan, sese rque̱ soj do̱j se chá ma̱n rihaan chumii̱ nihánj rihaan núj, ne̱ né se yaꞌa̱nj tihaꞌ me yoꞌ rihaan núj maꞌ.

1 Corintios 9:12

Sese no̱ xcúún ꞌó yuvii̱ cha̱ nij soꞌ se vaa rqué soj rihaan nij soꞌ, ne̱ táá a̱ núj, ne̱ doj a̱ no̱ xcúún núj cha̱ núj se vaa rqué soj rihaan núj, raj a. Tza̱j ne̱ ne achíín núj se chá rihaan soj maꞌ. ꞌO̱ se chuꞌviꞌ núj se vaa gu̱un rá yuvii̱ se vaa aꞌmii natáj núj nana̱ sa̱ꞌ cheꞌé Cristó cheꞌé saꞌanj do̱ꞌ, cheꞌé se chá do̱ꞌ, ne̱ se̱ cuchumán rá nij yuvii̱ cuno̱ nij yuvii̱ nana̱ sa̱ꞌ yoꞌ, rá núj maꞌ. ꞌO̱ se aꞌvej rá núj quira̱nꞌ núj me maꞌa̱n sayuun cheꞌé nana̱ sa̱ꞌ yoꞌ na̱nj ado̱nj.

1 Corintios 9:16

Dan me se aꞌmii natáj ꞌu̱nj nana̱ sa̱ꞌ cheꞌé Cristó, tza̱j ne̱ se̱ caꞌmii xta̱ꞌ ꞌu̱nj cheꞌé suun yoꞌ maꞌ. Ma̱an se suun caꞌneꞌ Yaꞌanj rihaan ꞌu̱nj me suun yoꞌ, ne̱ sese se̱ caꞌmii natáj ꞌu̱nj nana̱ sa̱ꞌ yoꞌ, ga̱a ne̱ qui̱ránꞌ ꞌu̱nj cacunꞌ noco̱o ndoꞌo ga̱a na̱nj ado̱nj.

1 Corintios 9:4

Cheꞌé dan no̱ xcúún núj cha̱ núj á. No̱ xcúún núj coꞌo̱ núj á.

2 Corintios 2:12

Dan me se caꞌanj ꞌu̱nj chumanꞌ cuꞌna̱j Troas caꞌmi̱i̱ natáj ꞌu̱nj nana̱ sa̱ꞌ cheꞌé Cristó, ne̱ dan me se vaa yaꞌnúj rihaan ꞌu̱nj caꞌmi̱i̱ natáj ꞌu̱nj nana̱ sa̱ꞌ, quiꞌyaj Síí ꞌNi̱j Raꞌa man níꞌ,

Gálatas 6:6

Dan me se síí tucuꞌyón snana̱ Yaꞌanj roꞌ, me se no̱ xcúún soꞌ rque̱ soꞌ taꞌa̱j nu̱ꞌ se sa̱ꞌ riꞌ soꞌ man síí tihaa̱n snana̱ Yaꞌanj nana̱ sa̱ꞌ rihaan soꞌ a.

1 Tesalonicenses 1:5

ꞌO̱ se ga̱a nataꞌ núj nana̱ sa̱ꞌ cheꞌé Cristó rihaan soj, ne̱ né na̱na̱ u̱u̱n nataꞌ núj rihaan soj maꞌ. Tana̱nj racuíj Nimán Yaꞌanj man núj ꞌyaj núj suun sa̱ꞌ noco̱o, ne̱ guun ya̱ rá soj se vaa nana̱ ya̱ me nana̱ nataꞌ núj a. Ga̱a cayáán núj ga̱ soj, ne̱ queneꞌen soj da̱j quiꞌyaj núj cheꞌé se ꞌe̱e̱ rá núj niꞌya̱j núj man soj a.