1 Corintios 9:13 - Triqui de San Juan Copala

¹³ Neꞌen soj se vaa nij síí ꞌyaj suun rihaan Yaꞌanj rque nuvií noco̱o roꞌ, chá nij soꞌ taꞌa̱j rasu̱u̱n ꞌanj nica̱j yuvii̱ rque nuvií yoꞌ a. Ne̱ nij síí racuíj man yuvii̱ rqué rasu̱u̱n rihaan Yaꞌanj roꞌ, chá maꞌa̱n nij soꞌ taꞌa̱j rasu̱u̱n yoꞌ, ne̱ dan me se no̱ xcúún nij soꞌ cha̱ nij soꞌ rasu̱u̱n yoꞌ ado̱nj.

1 Corintios 9:13 ပူးပေါင်းရင်းမြစ်များ

Romanos 6:16

Ne acaj soj cuentá se vaa sese chrej chiꞌi̱i̱ canoco̱ꞌ soj, ne̱ gu̱un soj se‑mo̱zó cacunꞌ a. Da̱nj ina̱nj gu̱un chij cacunꞌ rihaan soj, ne̱ ina̱nj cacunꞌ quiꞌya̱j soj, quiꞌya̱j cacunꞌ, ga̱a ne̱ quiri̱ꞌ nimán soj, quiꞌya̱j cacunꞌ tumé soj a. Tza̱j ne̱ sese cuno̱ soj rihaan Yaꞌanj, ne̱ cu̱nuû soj rihaan Yaꞌanj, ne̱ cunu̱u sa̱ꞌ nimán soj rihaan Yaꞌanj na̱nj á.

1 Corintios 10:18

Ne̱ xca̱j soj cuentá se vaa ase vaa ꞌyaj níꞌ cuano̱ roꞌ, da̱nj quiꞌyaj nij yuvii̱ israelitá nij síí ma̱n ga̱a naá, chá cunuda̱nj nij soꞌ nee̱ rqué nij soꞌ rihaan Yaꞌanj, ne̱ cheꞌé dan ase vaa o̱rúnꞌ yuvii̱ roꞌ, da̱nj vaa cunuda̱nj nij soꞌ rihaan Yaꞌanj a.

1 Corintios 9:24

Neꞌen soj se vaa nij síí unánj tico tuviꞌ roꞌ, nucua̱j unánj cunuda̱nj nij soꞌ, tza̱j ne̱ o̱rúnꞌ tuviꞌ nij soꞌ ꞌyaj canaán ado̱nj. Dan me se ase vaa ꞌyaj síí ꞌyaj canaán roꞌ, da̱nj quiꞌya̱j soj cheꞌé Cristó, ga̱a ne̱ quiꞌya̱j canaán soj, ne̱ cavi̱i̱ sa̱ꞌ soj á.