1 Corintios 7:6 - Triqui de San Juan Copala

⁶ Ne aꞌnéꞌ ꞌu̱nj suun rihaan soj se vaa xca̱j tuviꞌ soj, maan tinu̱j, maan nocoj. Ma̱an se taj ꞌu̱nj se vaa sese me rá soj xca̱j tuviꞌ soj, ne̱ caꞌve̱e quiꞌya̱j soj da̱nj á.

1 Corintios 7:6 ပူးပေါင်းရင်းမြစ်များ

1 Corintios 7:10

Nihánj me cata̱j xnaꞌanj ꞌu̱nj rihaan soj si̱j vaa nica̱ da̱j quiꞌya̱j soj ga̱ nica̱ soj a. Dan me se né na̱na̱ cavii raa̱ ma̱ꞌanj me nana̱ nihánj maꞌ. ꞌO̱ se nana̱ cataj xnaꞌanj Síí ꞌNi̱j Raꞌa man níꞌ rihaan níꞌ me nana̱ nihánj ado̱nj. Dan me se se̱ tanáj chana̱ nica̱ noꞌ maꞌ.

1 Corintios 7:12

Vaa doj nana̱ cata̱j xnaꞌanj uún ꞌu̱nj rihaan soj si̱j vaa nica̱, tza̱j ne̱ né na̱na̱ cataj xnaꞌanj Síí ꞌNi̱j Raꞌa man níꞌ me nana̱ nihánj maꞌ. Dan me se sese vaa nica̱ ꞌo̱ tinúú níꞌ, ne̱ né cha̱na̱ noco̱ꞌ man Cristó me noꞌ, tza̱j ne̱ taj cheꞌé ta̱náj tinúú níꞌ man noꞌ, sese aꞌvej rá noꞌ ca̱yáán noꞌ ga̱ soꞌ a.

1 Corintios 7:25

Cata̱j xnaꞌanj ꞌu̱nj rihaan nij soj cheꞌé nij chana̱ ya̱a̱n a. Né su̱u̱n caꞌneꞌ Síí ꞌNi̱j Raꞌa man níꞌ rihaan níꞌ me nana̱ nihánj, tza̱j ne̱ cunuu ꞌe̱e̱ rá Síí ꞌNi̱j Raꞌa man níꞌ manj, ne̱ cheꞌé dan cata̱j xnaꞌanj ꞌu̱nj rihaan soj da̱j me raj, ne̱ caꞌve̱e gu̱un nucua̱j rá soj man nana̱ nihánj nana̱ cata̱j xnaꞌanj ꞌu̱nj rihaan soj a.

1 Corintios 7:40

Tza̱j ne̱ sese quina̱j u̱u̱n noꞌ, ne̱ veꞌé doj ga̱a̱ ca̱yáán maꞌa̱n noꞌ raj na̱nj á. Da̱nj ina̱nj vaa rá ꞌu̱nj, cheꞌé se ase vaa yáán Nimán Yaꞌanj ga̱ soj roꞌ, da̱nj vaa yáán Nimán Yaꞌanj ga̱ ꞌu̱nj uún na̱nj ado̱nj.

2 Corintios 11:17

Né na̱na̱ rqué Síí ꞌNi̱j Raꞌa man níꞌ rihaan ꞌu̱nj me nana̱ nihánj nana̱ caꞌmi̱i̱ ꞌu̱nj rihaan soj cuano̱ maꞌ. Tana̱nj cheꞌé se snúú rma̱ꞌanj, dan caꞌmi̱i̱ ꞌu̱nj nana̱ nihánj rihaan soj na̱nj á.

2 Corintios 8:8

Se̱ caꞌnéꞌ ꞌu̱nj suun rihaan soj da̱j quiꞌya̱j soj maꞌ. Ma̱an se me rá ꞌu̱nj xca̱j ꞌu̱nj cuentá sese ya̱ ya̱ ꞌe̱e̱ rá soj tinúú soj nda̱a vaa ꞌe̱e̱ rá nij síí ma̱n Macedonia tinúú nij soꞌ a.