1 Corintios 7:32 - Triqui de San Juan Copala

³² Ne̱ naꞌvej raj nano̱ ndoꞌo rá nij soj maꞌ. Dan me se síí nuviꞌ nica̱ vaa roꞌ, ina̱nj acaj soꞌ cuentá da̱j quiꞌya̱j soꞌ, ne̱ gu̱un niha̱ꞌ rá Síí ꞌNi̱j Raꞌa man níꞌ ni̱ꞌyaj Síí ꞌNi̱j Raꞌa man níꞌ man soꞌ a.

1 Corintios 7:32 ပူးပေါင်းရင်းမြစ်များ

San Mateo 13:22

Ne̱ ꞌnúú trigó cayuu scaꞌnúj coj tanj roꞌ, ase vaa síí uno snana̱ Yaꞌanj vaa yoꞌ, tza̱j ne̱ nanó ndoꞌo rá soꞌ cheꞌé rasu̱u̱n ma̱n rihaan chumii̱ nihánj, ne̱ me ndoꞌo rá soꞌ quiꞌya̱j canaán soꞌ saꞌanj, ne̱ cheꞌé dan tihaꞌ yuꞌunj soꞌ man maꞌa̱n soꞌ cheꞌé saꞌanj a. Cheꞌé dan me taj se ꞌyáꞌ canoco̱ꞌ sa̱ꞌ soꞌ nana̱ nariꞌ soꞌ, ne̱ ne nuu sa̱ꞌ nimán soꞌ rihaan Yaꞌanj maꞌ.

San Marcos 4:19

tza̱j ne̱ nanó ndoꞌo rá nij soꞌ cheꞌé se ma̱n rihaan chumii̱ nihánj, ne̱ me ndoꞌo rá nij soꞌ quiꞌya̱j canaán nij soꞌ saꞌanj, dan tihaꞌ yuꞌunj nij soꞌ man maꞌa̱n nij soꞌ cheꞌé saꞌanj, ne̱ me maꞌa̱n ꞌó nij rasu̱u̱n nanoꞌ ndoꞌo nij soꞌ, ne̱ cheꞌé dan tanáj xco̱ nij soꞌ snana̱ Yaꞌanj, ne̱ ne ꞌyaj nij soꞌ se sa̱ꞌ a̱ maꞌ.

San Juan 10:13

Da̱nj ꞌyaj mozó yoꞌ, cheꞌé se mozó u̱u̱n me soꞌ, ne̱ ne rihuun rá soꞌ sese quira̱nꞌ nij matzinj sayuun maꞌ.

1 Corintios 7:33

Tza̱j ne̱ síí vaa nica̱ roꞌ, acaj ndoꞌo soꞌ cuentá cheꞌé chumii̱ nihánj da̱j quiꞌya̱j soꞌ, ga̱a ne̱ gu̱un niha̱ꞌ rá nica̱ soꞌ ni̱ꞌyaj noꞌ man soꞌ,

Filipenses 4:6

Se̱ nanó rá soj cheꞌé a̱ ꞌó rasu̱u̱n maꞌ. Tana̱nj cachi̱nj niꞌya̱j soj rihaan Yaꞌanj, ne̱ me maꞌa̱n rasu̱u̱n achiin man soj, ne̱ cachi̱nj soj rihaan Yaꞌanj, ne̱ cata̱j soj guun niꞌya̱j níꞌ rihaan Yaꞌanj á.

1 Timoteo 5:5

Sese ya̱ chana̱ nique̱ me ꞌo̱ noꞌ, ne̱ naꞌvi̱j noꞌ ra̱cuíj Yaꞌanj man noꞌ, ne̱ ꞌo̱ nacúún noꞌ rihaan Yaꞌanj do̱ꞌ, ꞌo̱ achíín niꞌya̱j noꞌ rihaan Yaꞌanj do̱ꞌ, nuvi̱i niga̱nꞌ a.