1 Corintios 7:29 - Triqui de San Juan Copala

²⁹ Dan me se me raj cuno̱ soj ꞌo̱ nana̱, tinu̱j, nocoj: Nichrunꞌ quisi̱j tiempó nihánj, ne̱ cheꞌé dan me se̱ nica̱j xraan níꞌ man rasu̱u̱n ma̱n rihaan chumii̱ nihánj maꞌ. Dan me se síí vaa nica̱ roꞌ, ase vaa síí ya̱a̱n roꞌ, da̱nj ga̱a̱ soꞌ ca̱yáán soꞌ á.

1 Corintios 7:29 ပူးပေါင်းရင်းမြစ်များ

San Lucas 14:20

Ne̱ ꞌó soꞌ roꞌ, cataj a: “Tiha̱j xcaj ꞌu̱nj chana̱, ne̱ cheꞌé dan se̱ caꞌvee cuchi̱ꞌ ꞌu̱nj maꞌ”, taj soꞌ rihaan mozó yoꞌ a.

1 Corintios 7:28

Tza̱j ne̱ sese xca̱j so̱ꞌ ꞌo̱ chana̱, ne̱ né cacu̱nꞌ me yoꞌ maꞌ. Ne̱ sese xca̱j chana̱ ya̱a̱n man ꞌo̱ snóꞌo, ne̱ né cacu̱nꞌ me yoꞌ uún maꞌ. Tza̱j ne̱ nij síí vaa nica̱ roꞌ, quira̱nꞌ nij soꞌ sayuun rihaan chumii̱ nihánj, ne̱ me raj nani̱i̱ soj rihaan sayuun yoꞌ ado̱nj.

1 Corintios 7:30

Ne̱ síí nanó ndoꞌo rá roꞌ, se̱ taꞌvee soꞌ maꞌ. Ne̱ síí niha̱ꞌ ndoꞌo rá roꞌ, se̱ caꞌngaꞌ soꞌ maꞌ. Ne̱ síí naránj natuꞌvéj roꞌ, ase vaa síí nuviꞌ rasu̱u̱n rihaan da̱nj ga̱a̱ soꞌ, ne̱ ina̱nj quiꞌya̱j cunuda̱nj nij soꞌ se‑su̱u̱n Cristó á.

1 Corintios 7:31

Ne̱ síí ꞌyaj suun ga̱ chumii̱ nihánj roꞌ, ase vaa síí ne achiin chumii̱ nihánj rihaan roꞌ, da̱nj ga̱a̱ soꞌ á. ꞌO̱ se va̱j navi̱j chumii̱ nihánj, ne̱ ino̱ uxrá ga̱a̱ chumii̱ nihánj vaa güii na̱nj á.

1 Pedro 1:24

Cheꞌé dan nó nana̱ nihánj rihaan Danj Yaꞌanj a: Ase vaa coj chri̱nꞌ ma̱n tacaan roꞌ, da̱nj vaa ta̱ranꞌ níꞌ, ne̱ ase vaa yâj ta̱j raa̱ coj roꞌ, da̱nj vaa suun sa̱ꞌ ꞌyaj níꞌ a. Da̱j se vaa coj ne̱ navij yâj ayuu roꞌ, da̱nj vaa níꞌ navij níꞌ a.

1 Pedro 4:7

Nichrunꞌ nu̱ꞌ caꞌa̱nj niꞌya̱ chumii̱ na̱nj á. Cheꞌé dan ga̱a̱ chij ina̱nj rá soj, ne̱ ꞌo̱ xca̱j soj cuentá, ga̱a ne̱ caꞌve̱e cachi̱nj niꞌya̱j soj rihaan Yaꞌanj chugua̱nj.

1 Juan 2:17

Ne̱ va̱j navi̱j chumii̱ nihánj ado̱nj. Ne̱ va̱j navi̱j nu̱ꞌ se vaa me rá nij yuvii̱ ma̱n rihaan chumii̱ nihánj quiꞌya̱j nij soꞌ na̱nj ado̱nj. Tza̱j ne̱ síí ꞌyaj nda̱a vaa me rá Yaꞌanj me se ca̱yáán soꞌ nu̱ꞌ cavii nu̱ꞌ caꞌanj ga̱ Yaꞌanj chugua̱nj.