1 Corintios 7:13 - Triqui de San Juan Copala

¹³ Ne̱ sese vaa chana̱ raꞌvij níꞌ chana̱ noco̱ꞌ man Cristó, ne̱ nica̱ noꞌ ne nocoꞌ man Cristó, tza̱j ne̱ ca̱yáán noꞌ ga̱ soꞌ, ne̱ taj cheꞌé ta̱náj noꞌ man soꞌ, sese aꞌvej rá soꞌ ca̱yáán noꞌ ga̱ soꞌ maꞌ.

1 Corintios 7:13 ပူးပေါင်းရင်းမြစ်များ

San Marcos 10:12

Ne̱ sese cuna̱nj chana̱ rihaan nica̱ noꞌ, ne̱ xca̱j noꞌ man ꞌó snóꞌo, ne̱ tumé ndoꞌo noꞌ cacunꞌ uún ado̱nj ―taj Jesús a.

1 Corintios 7:12

Vaa doj nana̱ cata̱j xnaꞌanj uún ꞌu̱nj rihaan soj si̱j vaa nica̱, tza̱j ne̱ né na̱na̱ cataj xnaꞌanj Síí ꞌNi̱j Raꞌa man níꞌ me nana̱ nihánj maꞌ. Dan me se sese vaa nica̱ ꞌo̱ tinúú níꞌ, ne̱ né cha̱na̱ noco̱ꞌ man Cristó me noꞌ, tza̱j ne̱ taj cheꞌé ta̱náj tinúú níꞌ man noꞌ, sese aꞌvej rá noꞌ ca̱yáán noꞌ ga̱ soꞌ a.

1 Corintios 7:14

Yaꞌanj me se niꞌya̱j soꞌ man nica̱ chana̱ noco̱ꞌ man Cristó, snóꞌo ne nocoꞌ man Cristó, da̱j se vaa nica̱ ya̱ noꞌ me soꞌ a. Ne̱ niꞌya̱j Yaꞌanj man nica̱ snóꞌo noco̱ꞌ man Cristó, chana̱ ne nocoꞌ man Cristó, da̱j se vaa nica̱ ya̱ soꞌ me noꞌ a. Se taj, ne̱ xnii scu̱ꞌ me taꞌníí ro̱j soꞌ, tza̱j ne̱ né da̱nj vaa maꞌ. Xnii sa̱ꞌ me taꞌníí ro̱j soꞌ ado̱nj.