1 Corintios 7:10 - Triqui de San Juan Copala

¹⁰ Nihánj me cata̱j xnaꞌanj ꞌu̱nj rihaan soj si̱j vaa nica̱ da̱j quiꞌya̱j soj ga̱ nica̱ soj a. Dan me se né na̱na̱ cavii raa̱ ma̱ꞌanj me nana̱ nihánj maꞌ. ꞌO̱ se nana̱ cataj xnaꞌanj Síí ꞌNi̱j Raꞌa man níꞌ rihaan níꞌ me nana̱ nihánj ado̱nj. Dan me se se̱ tanáj chana̱ nica̱ noꞌ maꞌ.

1 Corintios 7:10 ပူးပေါင်းရင်းမြစ်များ

San Mateo 5:32

Tza̱j ne̱ cuano̱ nihánj me se cata̱j xnaꞌanj ꞌu̱nj rihaan soj se vaa sese ne coto̱j chana̱ nica̱ ꞌo̱ soꞌ ga̱ ꞌó snóꞌo, ne̱ sese riꞌíj soꞌ man chana̱ yoꞌ, ne̱ ꞌyaj soꞌ ꞌo̱ chana̱ tumé cacunꞌ otoj ga̱ ꞌó snóꞌo man noꞌ vaa ga̱a na̱nj ado̱nj. Ne̱ me maꞌa̱n snóꞌo xcaj man ꞌo̱ chana̱ riꞌíj nica̱ man roꞌ, tumé soꞌ cacunꞌ otoj ga̱ chana̱ né ni̱ca̱ soꞌ me ado̱nj.

San Marcos 10:2

Ga̱a ne̱ caꞌnaꞌ do̱j síí fariseo rihaan soꞌ, ne̱ xnáꞌanj nij soꞌ man Jesús sese taj stucua̱nj Moisés se vaa caꞌve̱e quiriꞌi̱j snóꞌo man nica̱ soꞌ a. ꞌO̱ se guun rá nij soꞌ cuta̱ꞌ nij soꞌ cacunꞌ xráá Jesús cheꞌé nana̱ caꞌmi̱i̱ Jesús a.

San Lucas 16:18

’Dan me se sese riꞌíj ꞌo̱ soꞌ man nica̱ soꞌ, ne̱ sese xcaj soꞌ man ꞌó chana̱, ne̱ tumé soꞌ cacunꞌ, ne̱ sese xcaj ꞌo̱ soꞌ man chana̱ quiriꞌíj nica̱ man, ne̱ tumé soꞌ cacunꞌ uún ado̱nj ―taj Jesús rihaan nij síí fariseo yoꞌ a.

1 Corintios 7:11

Sese tanáj chana̱ nica̱ noꞌ, ne̱ quina̱j u̱u̱n noꞌ, ne̱ se̱ xcaj noꞌ ꞌó snóꞌo maꞌ. Ma̱an se caꞌve̱e ca̱nica̱j uún noꞌ nanꞌ noꞌ rihaan nica̱ noꞌ, ne̱ gu̱un tuvi̱ꞌ uún noꞌ ga̱ nica̱ noꞌ na̱nj á. Ne̱ snóꞌo uún me se se̱ tanáj soꞌ man nica̱ soꞌ maꞌ.

1 Corintios 7:12

Vaa doj nana̱ cata̱j xnaꞌanj uún ꞌu̱nj rihaan soj si̱j vaa nica̱, tza̱j ne̱ né na̱na̱ cataj xnaꞌanj Síí ꞌNi̱j Raꞌa man níꞌ me nana̱ nihánj maꞌ. Dan me se sese vaa nica̱ ꞌo̱ tinúú níꞌ, ne̱ né cha̱na̱ noco̱ꞌ man Cristó me noꞌ, tza̱j ne̱ taj cheꞌé ta̱náj tinúú níꞌ man noꞌ, sese aꞌvej rá noꞌ ca̱yáán noꞌ ga̱ soꞌ a.

1 Corintios 7:15

Sese nica̱ níꞌ ne nocoꞌ man Cristó, ne̱ me rá nica̱ níꞌ caꞌa̱nj yaníj yoꞌ rihaan níꞌ, ne̱ caꞌne̱ꞌ chri̱j rá níꞌ caꞌa̱nj nica̱ níꞌ na̱nj ado̱nj. Ga̱a̱ yaꞌnúj rihaan níꞌ ga̱a na̱nj ado̱nj. Sese ne nocoꞌ nica̱ níꞌ man Cristó, ne̱ taj cheꞌé rquee̱ níꞌ man nica̱ níꞌ ca̱yáán nica̱ níꞌ ga̱ níꞌ a̱ maꞌ. ꞌO̱ se canacúún Yaꞌanj man níꞌ cheꞌé rej dínj cuma̱n níꞌ ado̱nj.

1 Corintios 7:25

Cata̱j xnaꞌanj ꞌu̱nj rihaan nij soj cheꞌé nij chana̱ ya̱a̱n a. Né su̱u̱n caꞌneꞌ Síí ꞌNi̱j Raꞌa man níꞌ rihaan níꞌ me nana̱ nihánj, tza̱j ne̱ cunuu ꞌe̱e̱ rá Síí ꞌNi̱j Raꞌa man níꞌ manj, ne̱ cheꞌé dan cata̱j xnaꞌanj ꞌu̱nj rihaan soj da̱j me raj, ne̱ caꞌve̱e gu̱un nucua̱j rá soj man nana̱ nihánj nana̱ cata̱j xnaꞌanj ꞌu̱nj rihaan soj a.

1 Corintios 7:40

Tza̱j ne̱ sese quina̱j u̱u̱n noꞌ, ne̱ veꞌé doj ga̱a̱ ca̱yáán maꞌa̱n noꞌ raj na̱nj á. Da̱nj ina̱nj vaa rá ꞌu̱nj, cheꞌé se ase vaa yáán Nimán Yaꞌanj ga̱ soj roꞌ, da̱nj vaa yáán Nimán Yaꞌanj ga̱ ꞌu̱nj uún na̱nj ado̱nj.

1 Corintios 7:6

Ne aꞌnéꞌ ꞌu̱nj suun rihaan soj se vaa xca̱j tuviꞌ soj, maan tinu̱j, maan nocoj. Ma̱an se taj ꞌu̱nj se vaa sese me rá soj xca̱j tuviꞌ soj, ne̱ caꞌve̱e quiꞌya̱j soj da̱nj á.