1 Corintios 6:17 - Triqui de San Juan Copala

¹⁷ Tza̱j ne̱ sese guun tuvi̱ꞌ níꞌ ga̱ Síí ꞌNi̱j Raꞌa man níꞌ, ne̱ ꞌo̱ vaa nimán níꞌ ga̱ soꞌ ado̱nj.

1 Corintios 6:17 ပူးပေါင်းရင်းမြစ်များ

San Juan 3:6

ꞌO̱ se síí aꞌngaa ꞌyaj nii soꞌ roꞌ, vaa iꞌna̱ꞌ nee̱ man soꞌ a. Tana̱nj síí aꞌngaa naca̱ ꞌyaj Nimán Yaꞌanj roꞌ, vaa iꞌna̱ꞌ nimán soꞌ rihaan Yaꞌanj ado̱nj.

Romanos 8:9

Tza̱j ne̱ ino̱ uxrá vaa nij soj sese ya̱ ya̱nj Nimán Yaꞌanj nimán soj á. Cheꞌé dan ne ꞌyaj soj nda̱a vaa me rá nee̱ man soj quiꞌya̱j soj maꞌ. Tana̱nj ina̱nj rihaan Nimán Yaꞌanj uno soj, ne̱ dan me se sese nuviꞌ Nimán Cristó yáán nimán ꞌo̱ soꞌ, ne̱ né si̱j ꞌni̱j raꞌa Cristó man me soꞌ maꞌ.

1 Corintios 12:13

Dan me se ga̱a cataꞌ ne níꞌ, ne̱ cunuu rcuaꞌa̱a̱n ta̱ranꞌ níꞌ, quiꞌyaj Nimán Yaꞌanj, ne̱ cheꞌé dan ase vaa nee̱ man o̱rúnꞌ yuvii̱ roꞌ, vaa ta̱ranꞌ níꞌ cuano̱ na̱nj chugua̱nj. Ino̱ vaa taꞌa̱j ꞌo̱ ꞌo̱ níꞌ, ne̱ veé dan me se taꞌa̱j níꞌ me yuvii̱ israelitá do̱ꞌ, taꞌa̱j níꞌ me yuvii̱ yaníj do̱ꞌ, taꞌa̱j níꞌ me mozó do̱ꞌ, taꞌa̱j níꞌ ne uun mozó do̱ꞌ, tza̱j ne̱ ase vaa nee̱ man o̱rúnꞌ yuvii̱ roꞌ, vaa ta̱ranꞌ níꞌ cuano̱, ne̱ ya̱nj ndoꞌo Nimán Yaꞌanj ga̱ cunuda̱nj níꞌ cuano̱ ado̱nj.

1 Corintios 6:15

Ne̱ ne neꞌen soj se vaa nee̱ man nij soj me se ase vaa nee̱ man Cristó roꞌ, vaa nee̱ man soj naꞌ. Dan me se caꞌve̱e ni̱caj níꞌ nee̱ man Cristó, ne̱ cunu̱u rcuaꞌa̱a̱n yoꞌ ga̱ chana̱ niha̱ꞌ rá ga̱ chii, quiꞌya̱j níꞌ naꞌ. Se̱ caꞌvee quiꞌya̱j níꞌ da̱nj a̱ maꞌ.

Gálatas 2:20

Canó rcuaꞌa̱a̱n ꞌu̱nj rihaan rcutze̱ ga̱ Cristó vaa ga̱a na̱nj ado̱nj. Ya̱j me se né ꞌu̱nj me síí ya̱nj cuano̱ maꞌ. ꞌO̱ se Cristó me síí ya̱nj nimanj, ne̱ cheꞌé dan vaa iꞌna̱ꞌ ꞌu̱nj cuano̱ ado̱nj. Cheꞌé se amán rá ꞌu̱nj niꞌya̱j ꞌu̱nj man Taꞌníí Yaꞌanj roꞌ, cheꞌé dan ina̱nj nocóꞌ ꞌu̱nj man soꞌ ga̱a chéé ꞌu̱nj rihaan chumii̱ nihánj ado̱nj. Ne̱ dan me se ma̱an cheꞌé se cunuu ꞌe̱e̱ uxrá rá soꞌ mán ꞌu̱nj roꞌ, cheꞌé dan caꞌneꞌ gue̱e̱ rá soꞌ caviꞌ soꞌ rihaan rcutze̱ cheꞌé ꞌu̱nj na̱nj ado̱nj.

Efesios 5:30

Dan me se ase vaa nee̱ man maꞌa̱n Cristó roꞌ, da̱nj vaa da̱j a̱ níꞌ si̱j noco̱ꞌ xꞌneꞌ nij síí noco̱ꞌ man soꞌ ado̱nj.

Filipenses 2:5

Ase vaa rá maꞌa̱n Cristó Jesús roꞌ, da̱nj ga̱a̱ rá maꞌa̱n soj uún á.