1 Corintios 5:12 - Triqui de San Juan Copala

^12-13 Dan me se ne nó xcúún ꞌu̱nj caꞌne̱ꞌ ꞌu̱nj cacunꞌ cheꞌé nij síí ne nocoꞌ man Yaꞌanj maꞌ. Maꞌa̱n Yaꞌanj nó xcúún caꞌne̱ꞌ cacunꞌ cheꞌé nij soꞌ ado̱nj. Tza̱j ne̱ no̱ xcúún soj caꞌne̱ꞌ soj cacunꞌ cheꞌé nij síí nuu chre̱ꞌ ga̱ soj, ne̱ Danj Yaꞌanj taj a: “Quiri̱i̱ yaníj soj man síí chiꞌi̱i̱ ꞌni̱j scaꞌnúj maꞌa̱n soj á.” Da̱nj taj Danj Yaꞌanj ado̱nj.

1 Corintios 5:12 ပူးပေါင်းရင်းမြစ်များ

San Marcos 4:11

Ga̱a ne̱ cataj Jesús rihaan nij soꞌ a: ―Xa̱ꞌ soj, tza̱j ne̱ tihaán ꞌu̱nj nana̱ sa̱ꞌ yuve̱ rihaan soj cheꞌé da̱j vaa uun chij Yaꞌanj ado̱nj. Tza̱j ne̱ rihaan ꞌó nij yuvii̱ me se ina̱nj cuentó cheꞌé nij rasu̱u̱n nanoj,

San Lucas 12:14

Ga̱a ne̱ cataj Jesús a: ―Me cheꞌé uun rá so̱ꞌ se vaa guún ꞌu̱nj síí aꞌneꞌ cacunꞌ cheꞌé soj ga̱. Me cheꞌé caꞌmi̱i̱ ꞌu̱nj cheꞌé rasu̱u̱n vaa rihaan ro̱j tinu̱j soj, rá so̱ꞌ, ga̱ tinu̱ꞌ ―taj Jesús rihaan soꞌ a.

San Juan 18:36

Ga̱a ne̱ cataj Jesús a: ―ꞌO̱ se né riha̱a̱n chumii̱ nihánj me rej uun chij ꞌu̱nj maꞌ. Sese rihaan chumii̱ nihánj me rej uun chij ꞌu̱nj, ne̱ gaa tanuu nu̱u̱ rihanj, ne̱ cavii nij tanuu, cunuꞌ nij tanuu, cheꞌé rej se̱ taꞌaa nij síí uun chij rihaan nij yuvii̱ israelitá manj asuun tza̱j ado̱nj. Tza̱j ne̱ né riha̱a̱n chumii̱ nihánj me rej uun chij ꞌu̱nj maꞌ ―taj Jesús a.

Colosenses 4:5

Asa̱ꞌ chéé soj ga̱ nij síí ataa cuchuma̱n rá ni̱ꞌyaj man Cristó, ne̱ sa̱ꞌ nuchru̱j ra̱a̱ soj da̱j caꞌmi̱i̱ soj ga̱ nij soꞌ, ne̱ se̱ quiriꞌ u̱u̱n tiempó quiꞌya̱j soj ga̱ nij soꞌ maꞌ.

1 Tesalonicenses 4:12

Sese da̱nj quiꞌya̱j soj, ne̱ nij síí ne nocoꞌ man Cristó roꞌ, cata̱j nij soꞌ se vaa veꞌé ꞌyaj soj, ne̱ se̱ cachiin a̱ doj rasu̱u̱n man soj maꞌ.

1 Timoteo 3:7

Veé ꞌo̱ síí veꞌé aꞌmii yuvii̱ ne nocoꞌ man Cristó cheꞌé gu̱un soꞌ, se̱ gaa na̱nj quiꞌya̱j soꞌ cacunꞌ ne̱ quiri̱ꞌ snana̱ soꞌ do̱ꞌ, se̱ gaa na̱nj catu̱u̱ soꞌ raꞌngaꞌ uchruj Síí Chre̱e do̱ꞌ ado̱nj.