1 Corintios 5:1 - Triqui de San Juan Copala

¹ Dan me se nataꞌ nii rihanj se vaa ꞌni̱j ꞌo̱ síí tumé ndoꞌo cacunꞌ scaꞌnúj nij soj, ne̱ cacunꞌ chiꞌi̱i̱ ndoꞌo me yoꞌ, ne̱ a̱ nij síí ne nocoꞌ man Yaꞌanj ne ꞌyaj da̱nj maꞌ. Dan me se vaa ꞌo̱ síí otoj ga̱ nii caꞌa̱a̱n soꞌ, taj nii asânj.

1 Corintios 5:1 ပူးပေါင်းရင်းမြစ်များ

Hechos 15:20

Ma̱an se quiꞌya̱j níꞌ yanj caꞌne̱j níꞌ rihaan nij soꞌ, ne̱ cata̱j xnaꞌanj níꞌ rihaan nij soꞌ se vaa se̱ guun cha̱ nij soꞌ rasu̱u̱n rqué yuvii̱ rihaan yaꞌanj quiꞌyaj maꞌa̱n yuvii̱ maꞌ. Ne̱ snóꞌo do̱ꞌ, chana̱ do̱ꞌ, se̱ cotoj nij soꞌ ga̱ ꞌó yuvii̱ sese né ni̱ca̱ nij soꞌ me yoꞌ maꞌ. Ne̱ se̱ chá nij soꞌ nee̱ xcuu tuguáj nii gaán chihá maꞌ. Ne̱ se̱ chá nij soꞌ ton maꞌ.

Hechos 15:29

Dan me se se̱ guun cha̱ soj rasu̱u̱n rqué yuvii̱ rihaan yaꞌanj quiꞌyaj maꞌa̱n yuvii̱ maꞌ. Se̱ guun cha̱ soj ton maꞌ. Se̱ guun cha̱ soj nee̱ xcuu tuguáj nii gaán chihá maꞌ. Ne̱ snóꞌo do̱ꞌ, chana̱ do̱ꞌ, se̱ cotoj soj ga̱ ꞌó yuvii̱ sese né ni̱ca̱ soj me yoꞌ maꞌ. Ne̱ sese quiꞌya̱j soj nu̱ꞌ nda̱a vaa taj nana̱ nihánj, ne̱ veꞌé ꞌyaj soj, rá núj na̱nj ado̱nj. Ne̱ me rá núj se vaa veꞌé ca̱yáán soj ado̱nj.” Da̱nj taj yanj cartá quiꞌyaj nij síí ma̱n chumanꞌ Jerusalén yoꞌ a.

1 Corintios 1:11

Dan me se cataj xnaꞌanj taꞌa̱j nij síí ma̱n tucuá níí cuꞌna̱j Cloé rihanj se vaa aꞌmii anó tuviꞌ soj ga̱ tinúú soj ne̱ uun vi̱j ndoꞌo soj, na̱nj tinu̱j, nocoj.

1 Corintios 5:11

Ma̱an se cheꞌé soj cachrón ꞌu̱nj nana̱ nihánj se vaa se̱ guun cunu̱u chre̱ꞌ soj ga̱ ꞌo̱ síí taj rihaan soj se vaa tinúú níꞌ me soꞌ, tza̱j ne̱ ne ya̱ nocoꞌ soꞌ man Cristó, ne̱ ꞌni̱j soꞌ scaꞌnúj soj maꞌ. Dan me se sese tinúú soj me soꞌ, taj ꞌo̱ soꞌ, tza̱j ne̱ sese otoj soꞌ ga̱ ꞌó yuvii̱ né ni̱ca̱ soꞌ me do̱ꞌ, sese uun ndoꞌo rá soꞌ quiꞌya̱j canaán soꞌ saꞌanj do̱ꞌ, sese aráj gue̱e̱ soꞌ rihaan yaꞌanj ne vaa iꞌna̱ꞌ do̱ꞌ, sese aꞌmii nachriꞌ soꞌ niꞌya̱j soꞌ tuviꞌ soꞌ do̱ꞌ, sese síí xno̱ me soꞌ do̱ꞌ, sese síí itu̱u̱ me soꞌ do̱ꞌ, ne̱ se̱ cunuu chre̱ꞌ soj ga̱ soꞌ ne̱ a̱ se̱ chá soj ga̱ soꞌ a̱ maꞌ.

1 Corintios 6:13

Dan me se taj ya̱ uún nii a: “Vaa rque níꞌ a. Cheꞌé dan cha̱ níꞌ a. Ina̱nj cheꞌé rque níꞌ roꞌ, vaa se chá yoꞌ a. Ne̱ cheꞌé se chá yoꞌ vaa rque níꞌ uún a”, taj uún nii a. Dan me se ya̱ uxrá ado̱nj. Da̱nj vaa ro̱j yoꞌ na̱nj á. Tza̱j ne̱ Yaꞌanj quiꞌya̱j navi̱j ro̱j yoꞌ na̱nj chugua̱nj. Dan me se xa̱ꞌ nee̱ man níꞌ, tza̱j ne̱ né se quiꞌya̱j cacunꞌ ga̱ chana̱ me yoꞌ maꞌ. Se ca̱yáán ga̱ Síí ꞌNi̱j Raꞌa man níꞌ me yoꞌ, ne̱ rej ya̱nj soꞌ me uún yoꞌ chugua̱nj.

1 Corintios 6:18

Tu̱mé uxrá soj man soj se̱ gaa na̱nj coto̱j soj ga̱ ꞌó yuvii̱ né ni̱ca̱ soj me á. Na̱j guun cacunꞌ quiꞌya̱j maꞌa̱n yuvii̱ roꞌ, né cacu̱nꞌ quiꞌya̱j yuvii̱ man maꞌa̱n nee̱ man yuvii̱ me cacunꞌ yoꞌ maꞌ. Tza̱j ne̱ sese quiꞌya̱j ꞌo̱ yuvii̱ cacunꞌ ga̱ ꞌó yuvii̱ sese né ni̱ca̱ yuvii̱ me, ne̱ yoꞌ me cacunꞌ quiꞌya̱j yuvii̱ man maꞌa̱n nee̱ man yuvii̱ ado̱nj.

1 Corintios 6:9

Ne neꞌen soj se vaa nij síí chiꞌi̱i̱ roꞌ, se̱ cayáán nij soꞌ rej uun chij Yaꞌanj a̱ naꞌ. Se̱ guun tiha̱ꞌ yuꞌunj soj man maꞌa̱n soj maꞌ. ꞌO̱ se síí otoj ga̱ ꞌó yuvii̱ né ni̱ca̱ me do̱ꞌ, síí aráj gue̱e̱ rihaan yaꞌanj ne vaa iꞌna̱ꞌ do̱ꞌ, síí otoj ga̱ nica̱ tuviꞌ do̱ꞌ, chii cha̱na̱ do̱ꞌ, síí otoj ga̱ chii cha̱na̱ do̱ꞌ,

2 Corintios 12:21

Dan me se chuꞌviꞌ uún ꞌu̱nj se vaa asa̱ꞌ cuchíꞌ ꞌu̱nj rihaan soj, ne̱ gu̱un naꞌa̱j ndoꞌo ꞌu̱nj quiꞌya̱j Yaꞌanj cheꞌé soj, ne̱ nano̱ ndoꞌo rá ꞌu̱nj cheꞌé queꞌe̱e̱ nij tinúú níꞌ nij síí tumé cacunꞌ, cheꞌé se naꞌvej rá nij soꞌ nuchra̱nꞌ nimán nij soꞌ ne̱ ta̱náj nij soꞌ chrej chiꞌi̱i̱ a. ꞌO̱ se ꞌo̱ tu̱mé nij soꞌ cacunꞌ se vaa nij ndoꞌo ꞌyaj nij soꞌ do̱ꞌ, se vaa ꞌyaj nij soꞌ cacunꞌ ga̱ ꞌó yuvii̱ né ni̱ca̱ nij soꞌ me do̱ꞌ na̱nj ado̱nj.

2 Corintios 2:5

Tza̱j ne̱ sese vaa ꞌo̱ síí ꞌyaj nanó raj do̱j, ne̱ né ina̱nj ma̱ꞌanj nanó rá ꞌyaj soꞌ, cata̱j níꞌ vaa maꞌ. ꞌO̱ se nda̱a maꞌa̱n soj do̱ꞌ, nanó rá, cata̱j níꞌ vaa, cheꞌé se naꞌvej rá ꞌu̱nj cuta̱ꞌ ꞌu̱nj doj vaa na̱nj ado̱nj.

2 Corintios 7:12

Né cheꞌe̱ síí tumé cacunꞌ me quiꞌyáá ꞌu̱nj yanj cartá yoꞌ maꞌ. Né cheꞌe̱ síí quiꞌyaj soꞌ cacunꞌ rihaan me quiꞌyáá ꞌu̱nj yanj cartá yoꞌ maꞌ. ꞌO̱ se neꞌen Yaꞌanj se vaa quiꞌyáá ꞌu̱nj yanj cartá yoꞌ cheꞌé se guun rá ꞌu̱nj xca̱j maꞌa̱n soj cuentá se vaa niha̱ꞌ rá maꞌa̱n soj cuno̱ soj nana̱ caꞌmii núj rihaan soj ado̱nj.

Gálatas 5:19

Dan me se a̱j neꞌen soj da̱j ꞌyaj yuvii̱ ꞌyaj nda̱a vaa me rá nee̱ man maꞌa̱n nij soꞌ quiꞌya̱j yoꞌ ado̱nj. Otoj nij soꞌ ga̱ ꞌó yuvii̱ né ni̱ca̱ nij soꞌ me do̱ꞌ, otoj nij soꞌ ga̱ yuvii̱ ne nó xcúún coto̱j ga̱ nij soꞌ do̱ꞌ, ꞌyaj nij soꞌ se nij ndoꞌo do̱ꞌ, ꞌyaj nij soꞌ se naꞌa̱j ndoꞌo do̱ꞌ,

Efesios 5:3

Se̱ quiꞌyaj soj cacunꞌ ga̱ ꞌó yuvii̱ né ni̱ca̱ soj me maꞌ. A̱ ꞌó se chiꞌi̱i̱ se̱ quiꞌyaj soj maꞌ. Ne̱ se̱ guun niha̱ꞌ rá soj quiri̱ꞌ ndoꞌo soj rasu̱u̱n maꞌ. Síí noco̱ꞌ man Yaꞌanj me soj, ne̱ daj chiha̱a̱ míj se̱ quiꞌyaj soj a̱ doj cacunꞌ vaa da̱nj maꞌ.

Colosenses 3:5

Cheꞌé se síí noco̱ꞌ man Cristó si̱j ya̱nj rej xta̱ꞌ me soj roꞌ, cheꞌé dan yu̱u̱n cheꞌe̱ caꞌne̱ꞌ rá soj ga̱ suun ꞌyaj me maꞌa̱n se chiꞌi̱i̱ ꞌyaj nij síí noco̱ꞌ se‑chre̱j chumii̱ nihánj á. ꞌO̱ se se chiꞌi̱i̱ yoꞌ roꞌ, me se otoj níꞌ ga̱ ꞌó yuvii̱ sese né ni̱ca̱ níꞌ me yuvii̱ do̱ꞌ, se canique̱ do̱ꞌ, se nij niha̱ꞌ rmaꞌa̱n rá nee̱ man níꞌ quiꞌya̱j níꞌ do̱ꞌ, se chiꞌi̱i̱ me ndoꞌo rá níꞌ quiꞌya̱j níꞌ do̱ꞌ, se ꞌe̱e̱ rá saꞌanj do̱ꞌ a. ꞌO̱ se síí ꞌe̱e̱ rá saꞌanj roꞌ, da̱j se vaa síí aráj gue̱e̱ rihaan yaꞌanj quiꞌyaj yuvii̱ vaa soꞌ na̱nj á.

1 Tesalonicenses 4:7

Né cheꞌe̱ se me rá Yaꞌanj quiꞌya̱j níꞌ cacunꞌ yoꞌ me canacúún Yaꞌanj man níꞌ maꞌ. Tana̱nj canacúún Yaꞌanj man níꞌ cheꞌé rej cunu̱u sa̱ꞌ nimán níꞌ rihaan soꞌ ado̱nj.

Apocalipsis 2:21

Ne̱ caꞌneꞌ raj cache̱n do̱j güii cheꞌé rej nuchra̱nꞌ nimán noꞌ ne̱ ta̱náj noꞌ cacunꞌ otoj ga̱ ꞌó snóꞌo né ni̱ca̱ noꞌ me, tza̱j ne̱ naꞌvej rá noꞌ maꞌ.

Apocalipsis 21:8

Tza̱j ne̱ xa̱ꞌ nij síí cunánj rihaan sayuun do̱ꞌ, nij síí ne nocoꞌ xraan manj do̱ꞌ, nij síí ꞌyaj se chiꞌi̱i̱ do̱ꞌ, nij síí ticaviꞌ tuviꞌ do̱ꞌ, nij síí otoj ga̱ ꞌó yuvii̱ sese né ni̱ca̱ nij soꞌ me do̱ꞌ, nij síí ꞌyaj chre̱e do̱ꞌ, nij síí aráj gue̱e̱ rihaan yaꞌanj quiꞌyaj maꞌa̱n yuvii̱ do̱ꞌ, ta̱ranꞌ nij síí ne̱ do̱ꞌ, me se vaa laguaná caca̱a̱ nij soꞌ rihaan yaꞌan, ne̱ laguaná acaa ndoꞌo yoꞌóó azufré me yoꞌ ado̱nj. Yoꞌ me rej cavi̱ꞌ uún nij soꞌ nu̱ꞌ cavii nu̱ꞌ caꞌanj na̱nj chugua̱nj ―taj síí ta̱j rihaan chruun xlá sa̱ꞌ yoꞌ a.