1 Corintios 4:8 - Triqui de San Juan Copala

⁸ Ne̱ xa̱ꞌ soj, tza̱j ne̱ a̱ ꞌó rasu̱u̱n ne achiin man soj, rá soj, ne̱ ruꞌvee me soj, rá soj, ne̱ rii taꞌngaꞌ ndoꞌo soj, rá soj a. Ne̱ xa̱ꞌ núj, tza̱j ne̱ a̱ doj ne rii taꞌngaꞌ núj, rá soj a. Sese ya̱ rii taꞌngaꞌ soj, ne̱ gu̱un niha̱ꞌ uxrá raj, ne̱ nda̱a a̱ núj quiri̱i̱ taꞌngaꞌ ga̱ soj vaa tza̱j asanj.

1 Corintios 4:8 ပူးပေါင်းရင်းမြစ်များ

San Mateo 5:1

Queneꞌen Jesús se vaa ma̱n ri̱i̱ ndoꞌo yuvii̱ nu̱ꞌ anica̱j xꞌnúú soꞌ, ne̱ cheꞌé dan cavii soꞌ caꞌanj soꞌ raa̱ ꞌo̱ tacaan, ne̱ nda̱a dan caꞌanj ca̱yáán soꞌ, ga̱a ne̱ cuchiꞌ nij síí tucuꞌyón snana̱ soꞌ rihaan soꞌ a.

San Lucas 6:25

’Nique̱ soj si̱j vaa xraan rque cuano̱ na̱nj á. Vaa güii quinaꞌa̱an rque soj ado̱nj. ’Nique̱ soj si̱j aꞌngaꞌ cuano̱ na̱nj á. Vaa güii nano̱ ndoꞌo rá soj do̱ꞌ, taꞌve̱e soj do̱ꞌ ado̱nj.

Hechos 26:29

Ga̱a ne̱ cataj Pabló rihaan soꞌ a: ―Achíín ni̱ꞌyáá ꞌu̱nj rihaan Yaꞌanj se vaa, caꞌve̱e se do̱j nana̱ caꞌmi̱j, caꞌve̱e se noco̱o ndoꞌo caꞌmi̱j, tza̱j ne̱ né o̱ruún so̱ꞌ cuchuma̱n rá snana̱j maꞌ. Tana̱nj me rá ꞌu̱nj cuchuma̱n rá cunuda̱nj soj si̱j uno nana̱ aꞌmij cuano̱, ne̱ ase vaa ꞌu̱nj roꞌ, da̱nj ga̱a̱ soj uún na̱nj ado̱nj. Tza̱j ne̱ se̱ cunumi̱i soj ga̱ agaꞌ ne̱ꞌ nihánj, rá ꞌu̱nj maꞌ ―taj Pabló rihaan nij soꞌ a.

Romanos 12:3

Dan me se quiꞌyaj Yaꞌanj se lu̱j ga̱ ꞌu̱nj, caꞌneꞌ Yaꞌanj suun rihanj tu̱cuꞌyonj man nij soj, ne̱ cheꞌé dan cata̱j xnaꞌanj ꞌu̱nj rihaan ꞌo̱ ꞌo̱ soj da̱j quiꞌya̱j soj se‑su̱u̱n Yaꞌanj á. Dan me se ino̱ ga̱a̱ suun quiꞌya̱j ꞌo̱ ꞌo̱ soj rihaan Yaꞌanj, ne̱ ra̱cuíj Yaꞌanj man soj se vaa gu̱un ya̱ rá ꞌo̱ ꞌo̱ soj me suun gu̱un nucua̱j soj quiꞌya̱j soj rihaan Yaꞌanj a. Tza̱j ne̱ se̱ guun rá soj ca̱ta̱ soj suun noco̱o doj maꞌ. Ma̱an se xca̱j soj cuentá, ne̱ cata̱j soj se vaa sa̱ꞌ vaa suun vaa rihaan soj na̱nj á.

1 Corintios 1:5

ꞌO̱ se cheꞌé Cristó Jesús roꞌ, cavii sa̱ꞌ uxrá soj, quiꞌyaj Yaꞌanj á. Dan me se uxrá xcaj soj cuentá, ne̱ uxrá nariꞌ soj nana̱ sa̱ꞌ caꞌmi̱i̱ soj, quiꞌyaj Yaꞌanj,

1 Corintios 4:18

Guun cheꞌe̱ taꞌa̱j nij soj caꞌmii xta̱ꞌ nij soj, ne̱ xa̱ꞌ nij síí aꞌmii xta̱ꞌ, tza̱j ne̱ se̱ cuchiꞌ ma̱ꞌanj rihaan soj, rá nij soꞌ a.

1 Corintios 5:6

Ne chiha̱nꞌ uxrá vaa ga̱a aꞌmii xta̱ꞌ soj maꞌ. Neꞌen soj se vaa do̱j tzínꞌ levadura ꞌyaj naraa nana̱ rque noco̱o ndoꞌo cunj ado̱nj. Ne̱ ase vaa levadura rihaan cunj yoꞌ roꞌ, da̱nj vaa o̱rúnꞌ síí ꞌyaj cacunꞌ rihaan soj, ne̱ dan me se quiri̱ꞌ queꞌe̱e̱ soj, quiꞌya̱j o̱rúnꞌ síí tumé cacunꞌ ꞌni̱j scaꞌnúj soj ado̱nj.

2 Corintios 11:1

Me rá ꞌu̱nj caꞌve̱j rá soj caꞌmi̱i̱ snu̱j ꞌu̱nj do̱j rihaan soj a. ꞌO̱ se da̱nj ꞌyaj soj do̱j, tza̱j ne̱ ꞌo̱ se cara̱a̱ xꞌnaa soj doj rugua̱nj. Dan me se ꞌo̱ da̱nj quiꞌya̱j soj na̱nj á.

2 Corintios 13:9

Ne̱ caꞌve̱e se né si̱j nucua̱j me núj, tza̱j ne̱ uun niha̱ꞌ rá núj cheꞌé se si̱j nucua̱j me soj, ne̱ achíín niꞌya̱j núj rihaan Yaꞌanj se vaa rque̱ Yaꞌanj nu̱ꞌ se vaa achiin man nimán soj, ga̱a ne̱ quiꞌya̱j soj se‑su̱u̱n soꞌ a.

Gálatas 6:3

Ne̱ sese vaa síí guun rá se vaa síí sa̱ꞌ doj me maꞌa̱n soꞌ, ne̱ síí ne neꞌen uxrá me soꞌ, ne̱ síí tihaꞌ yuꞌunj man maꞌa̱n me soꞌ na̱nj ado̱nj.

Filipenses 1:27

Veꞌé quiꞌya̱j soj ca̱yáán soj ga̱ tinúú soj, da̱j se vaa no̱ xcúún níꞌ si̱j noco̱ꞌ nana̱ sa̱ꞌ cheꞌé Cristó quiꞌya̱j níꞌ á. Da̱nj quiꞌya̱j soꞌ cheꞌé yan, caꞌve̱e se cuchi̱ꞌ ꞌu̱nj chiháán soj do̱ꞌ, caꞌve̱e se se̱ cuchíꞌ ꞌu̱nj ne̱ ina̱nj cu̱noj nana̱ cheꞌé soj do̱ꞌ, cu̱nó ꞌu̱nj se vaa xraan uxrá vaa nimán soj ꞌo̱ rcuaꞌa̱a̱n aꞌmii nacaj soj cheꞌé nana̱ sa̱ꞌ noco̱ꞌ níꞌ á.

Filipenses 2:12

Cheꞌé dan cuno̱ soj si̱j ꞌe̱e̱ rá ꞌu̱nj niꞌya̱j ꞌu̱nj man caꞌmi̱j á. Ga̱a cayáán ꞌu̱nj ga̱ soj, ne̱ ꞌo̱ cuno soj nu̱ꞌ nana̱ caꞌmij a. Cuano̱ nihánj me se nda̱ꞌ se nuvíꞌ ꞌu̱nj yáán ga̱ soj, tza̱j ne̱ me rá ꞌu̱nj doj a̱ cuno̱ soj á. Ase ꞌyaj xnii ga̱a aráyaꞌa̱nj xnii ne̱ aráj cochro̱j xnii niꞌya̱j xnii rej xnii roꞌ, da̱nj ga̱a̱ quiꞌya̱j soj ni̱ꞌyaj soj Yaꞌanj, ne̱ doj a̱ rquee̱ soj cheꞌé rej navi̱j nu̱ꞌ chrej chiꞌi̱i̱ uun chij nimán soj á.

Apocalipsis 3:17

Dan me se taj soj se vaa ruꞌve̱e̱ ina̱nj soj, ne̱ taj va̱j a̱ doj rasu̱u̱n ne achiin rihaan soj, rá soj a. Tza̱j ne̱ ne acaj soj cuentá se vaa ase vaa síí nique̱ do̱ꞌ, síí achiin ndoꞌo rasu̱u̱n man do̱ꞌ, síí riꞌ rá do̱ꞌ, síí tuchri̱i do̱ꞌ, síí ca̱nj nuviꞌ saga̱nꞌ do̱ꞌ, vaa soj na̱nj ado̱nj.

Apocalipsis 5:10

Ga̱a ne̱ guun chij Yaꞌanj rihaan nij soꞌ, quiꞌyáá so̱ꞌ, ne̱ guun nij soꞌ xrej nu̱u̱ rihaan Yaꞌanj, quiꞌyáá so̱ꞌ, ne̱ vaa güii gu̱un chij nij soꞌ rihaan chumii̱ ado̱nj, taj chraꞌ achráá nij soꞌ a.