1 Corintios 4:4 - Triqui de San Juan Copala

⁴ A̱ ꞌó cacunꞌ ne tumé ꞌu̱nj cuano̱, rá ꞌu̱nj, tza̱j ne̱ dan me se ne neꞌén ꞌu̱nj da̱j vaa man ma̱ꞌanj maꞌ. ꞌO̱ se o̱rúnꞌ Síí ꞌNi̱j Raꞌa man níꞌ me síí no̱ xcúún naquiꞌya̱j cu̱u cheꞌej na̱nj ado̱nj.

1 Corintios 4:4 ပူးပေါင်းရင်းမြစ်များ

San Juan 21:17

Ga̱a ne̱ cataj uún Jesús rihaan Pedró a: ―Cu̱nó so̱ꞌ caꞌmi̱j, Simón taꞌníí Jonás. ꞌE̱e̱ rá so̱ꞌ manj naꞌ ―taj uún Jesús a. Ne̱ veé da̱nj quisíj vaꞌnu̱j xnáꞌanj soꞌ da̱nj man Pedró a. Dan me se quinanó rá Pedró cheꞌé se quisíj vaꞌnu̱j xnáꞌanj Jesús da̱nj man soꞌ a. Ga̱a ne̱ cataj uún soꞌ rihaan Jesús a: ―Neꞌén so̱ꞌ cunuda̱nj, Señor. Ma̱ꞌán so̱ꞌ neꞌen se vaa ꞌe̱e̱ raj mán so̱ꞌ á ―taj Pedró rihaan Jesús a. ―Veꞌé rque̱ so̱ꞌ cha̱ daán ꞌu̱nj matzinj á.

Hechos 23:1

Dan me se niꞌya̱j uxrá Pabló man ta̱ranꞌ nij síí uun chij yoꞌ, ne̱ cataj soꞌ a: ―Cuno̱ nij soj caꞌmi̱j, tinu̱j. Nu̱ꞌ cavii nu̱ꞌ caꞌnaꞌ roꞌ, ina̱nj sa̱ꞌ uxrá ꞌyáá ꞌu̱nj rihaan Yaꞌanj, raj a. Taj cacunꞌ tumej maꞌ ―taj Pabló rihaan nij soꞌ a.

Romanos 2:13

Caꞌve̱e se neꞌen uxrá níꞌ da̱j vaa stucua̱nj Moisés, tza̱j ne̱ sese se̱ quiꞌyaj níꞌ nda̱a vaa taj tucuáán yoꞌ, ne̱ se̱ cunuu sa̱ꞌ nimán níꞌ rihaan Yaꞌanj maꞌ. Tza̱j ne̱ sese quiꞌya̱j níꞌ nda̱a vaa taj tucuáán yoꞌ, ne̱ ya̱ cunu̱u sa̱ꞌ nimán níꞌ rihaan Yaꞌanj ado̱nj.

Romanos 4:2

ꞌO̱ se ne nó xcúún Abraham cata̱j Abraham se vaa ma̱an cheꞌé se sa̱ꞌ quiꞌyaj soꞌ, cheꞌé dan cunuu sa̱ꞌ nimán soꞌ quiꞌyaj Yaꞌanj maꞌ. Neꞌen Yaꞌanj se vaa ne ya̱ vaa nana̱ yoꞌ maꞌ.

1 Corintios 4:3

Tza̱j ne̱ caꞌve̱e se naquiꞌya̱j cu̱u soj manj do̱ꞌ, caꞌve̱e se na̱j guun cuese̱ naquiꞌya̱j cu̱u cheꞌej do̱ꞌ, tza̱j ne̱ taj se ꞌyaj maꞌ. ꞌO̱ se a̱ ma̱ꞌán ꞌu̱nj ne naquiꞌya̱j cuú ꞌu̱nj da̱j ꞌyáj maꞌ.

1 Corintios 4:5

Cheꞌé dan se̱ guun naquiꞌya̱j cu̱u soj cheꞌé yuvii̱ maꞌ. Ma̱an se na̱ꞌvi̱j soj caꞌna̱ꞌ uún Síí ꞌNi̱j Raꞌa man níꞌ rihaan chumii̱ nihánj na̱nj á. Cuano̱ nihánj me se ne neꞌen sa̱ꞌ níꞌ da̱j vaa ꞌyaj ꞌo̱ ꞌo̱ yuvii̱, tza̱j ne̱ asa̱ꞌ caꞌnaꞌ Síí ꞌNi̱j Raꞌa man níꞌ, ne̱ ti̱haa̱n soꞌ rihaan níꞌ da̱j vaa rá nimán ꞌo̱ ꞌo̱ yuvii̱ ma̱n rihaan chumii̱ nihánj, ne̱ sese sa̱ꞌ vaa rá nimán ꞌo̱ soꞌ, ne̱ maꞌa̱n Yaꞌanj cata̱j se vaa sa̱ꞌ quiꞌyaj soꞌ ado̱nj.

2 Corintios 1:12

Niha̱ꞌ ndoꞌo rá núj, cheꞌé se neꞌen núj se vaa nuviꞌ cacunꞌ tumé núj a. ꞌO̱ se veꞌé quiꞌyaj núj ga̱ soj ga̱a chéé núj rihaan chumii̱ nihánj, ne̱ ne tiha̱ꞌ yuꞌunj núj man soj maꞌ. Ma̱an se cuno núj rihaan Yaꞌanj, ne̱ caꞌmii chij núj rihaan soj, ne̱ ne quiꞌya̱j núj ina̱nj se vaa cavii raa̱ maꞌa̱n núj maꞌ. ꞌO̱ se maꞌa̱n Yaꞌanj racuíj man núj, ne̱ quiꞌyaj núj ina̱nj se vaa me rá Yaꞌanj quiꞌya̱j núj na̱nj ado̱nj.

2 Corintios 5:10

Neꞌen núj se vaa vaa güii no̱ xcúún ta̱ranꞌ níꞌ canicu̱nꞌ ta̱ranꞌ níꞌ rihaan Cristó, ne̱ naquiꞌya̱j cu̱u soꞌ cheꞌé níꞌ a. Ga̱a ne̱ na̱ruꞌvee Cristó rihaan níꞌ cheꞌé se vaa quiꞌyaj níꞌ ga̱a vaa iꞌna̱ꞌ níꞌ rihaan chumii̱ nihánj, ne̱ sese sa̱ꞌ quiꞌyaj níꞌ, ne̱ se sa̱ꞌ na̱ruꞌvee Cristó rihaan níꞌ, ne̱ sese nij quiꞌyaj níꞌ, ne̱ se nij ni̱caj níꞌ na̱nj ado̱nj.