’Dan me se ꞌu̱nj nihánj me maꞌa̱n chruun uvá, ne̱ soj me raꞌa catu̱u̱n avii xráá raꞌa ma̱nj na̱nj á. Ne̱ sese ꞌo̱ cuno̱ soj rihanj, ne̱ sese ꞌo̱ cu̱nuû ꞌu̱nj nimán soj, ne̱ quiꞌya̱j uxrá soj se vaa me rá Yaꞌanj quiꞌya̱j soj chugua̱nj. ꞌO̱ se sese se̱ racuíj ꞌu̱nj man soj, ne̱ se̱ guun nucua̱j soj quiꞌya̱j soj a̱ doj suun sa̱ꞌ maꞌ.
1 Corintios 3:7 - Triqui de San Juan Copala7 ne̱ cheꞌé dan taj cheꞌé canoco̱ꞌ soj manj do̱ꞌ, man síí cuꞌna̱j Apolos do̱ꞌ maꞌ. Ma̱an se no̱ xcúún soj canoco̱ꞌ soj man o̱rúnꞌ Yaꞌanj ado̱nj. အခန်းကိုကြည့်ပါ။ |
1 Corintios 3:7
12 ပူးပေါင်းရင်းမြစ်များ
Caꞌve̱e se veꞌé ndoꞌo natáꞌ ꞌu̱nj nana̱ rqué Yaꞌanj manj do̱ꞌ, caꞌve̱e se neꞌenj nu̱ꞌ nana̱ sa̱ꞌ yuve̱ tihaa̱n Yaꞌanj rihaan yuvii̱ do̱ꞌ, caꞌve̱e se sa̱ꞌ uxrá avii raj do̱ꞌ, caꞌve̱e se amán uxrá raj niꞌya̱j ꞌu̱nj man Yaꞌanj do̱ꞌ, caꞌve̱e se gu̱un nu̱cuáj natuna̱ ꞌu̱nj rej nicu̱nꞌ ꞌo̱ quij xca̱a̱n cheꞌé se amán uxrá raj niꞌya̱j ꞌu̱nj man Yaꞌanj do̱ꞌ, tza̱j ne̱ sese ne ꞌe̱e̱ raj tuvij, ne̱ taj se gúnꞌ mán ꞌu̱nj ga̱a a̱ maꞌ.
Dan me se nda̱ꞌ rá se tuꞌva ꞌo̱ síí snúú tuꞌvaj, tza̱j ne̱ maꞌa̱n soj quiꞌyaj dan tuꞌvaj da̱nj caꞌmii snu̱j ꞌu̱nj do̱j ado̱nj. ꞌO̱ se maꞌa̱n soj me síí no̱ xcúún cata̱j se vaa sa̱ꞌ ꞌyáj na̱nj ado̱nj. Nda̱ꞌ se taj yuꞌvee nó ꞌu̱nj, tza̱j ne̱ né si̱j sa̱ꞌ doj me ꞌó nij soꞌ rihanj maꞌ. Dan me se si̱j sa̱ꞌ uxrá me nij soꞌ, ne̱ maꞌa̱n nij síí cuneꞌ ya̱ maꞌa̱n Jesucristó caꞌa̱nj nata̱ꞌ snana̱ soꞌ me nij soꞌ, rá soj, tza̱j ne̱ né si̱j sa̱ꞌ doj me nij soꞌ rihanj maꞌ.
Tza̱j ne̱ ꞌo̱ se cataj soꞌ rihanj a: “Ma̱ꞌanj ra̱cuíj mán so̱ꞌ, ne̱ cavi̱i̱ sa̱ꞌ so̱ꞌ á. Cheꞌé dan se̱ caꞌnéj ꞌu̱nj sayuun yoꞌ rihaan so̱ꞌ maꞌ. ꞌO̱ se cheꞌé se vaa ninaj nee̱ mán so̱ꞌ roꞌ, cheꞌé dan gu̱un nu̱cuáá ꞌu̱nj ra̱cuíj ꞌu̱nj mán so̱ꞌ qui̱ꞌyáá so̱ꞌ se‑su̱u̱n ꞌu̱nj ado̱nj.” Da̱nj taj Síí ꞌNi̱j Raꞌa man níꞌ rihanj a. Cheꞌé dan gu̱un niha̱ꞌ rá ꞌu̱nj cata̱j xnaꞌanj ꞌu̱nj se vaa ninaj ꞌu̱nj, ne̱ gu̱un nucua̱j Cristó ra̱cuíj soꞌ manj a.
ကြော်ငြာတွေ