1 Corintios 15:9 - Triqui de San Juan Copala

⁹ ꞌO̱ se ga̱a ataa ca̱nocoj man Cristó, ne̱ quiꞌyaj ndoꞌoj sayuun man xꞌneꞌ nij síí noco̱ꞌ man Yaꞌanj, ne̱ cheꞌé dan ya̱j mej síí noco̱ꞌ xco̱ doj rihaan ꞌó da̱nj nij síí cuneꞌ Jesucristó ca̱ta̱ suun caꞌa̱nj nata̱ꞌ snana̱ soꞌ a. Cheꞌé dan né si̱j no̱ xcúún cata̱j yuvii̱ cheꞌej se vaa síí cuneꞌ Jesucristó mej, raj a̱ maꞌ.

1 Corintios 15:9 ပူးပေါင်းရင်းမြစ်များ

Hechos 8:3

Tza̱j ne̱ síí cuꞌna̱j Saulo me se síí ta̱j riꞌyunj man xꞌneꞌ nij síí noco̱ꞌ man Jesús me soꞌ, ne̱ quiꞌyaj ndoꞌo soꞌ sayuun man nij soꞌ a. Dan me se cuchiꞌ soꞌ veꞌ ya̱nj ꞌo̱ ꞌo̱ nij síí noco̱ꞌ man Jesús, ne̱ taꞌaa soꞌ man nij soꞌ, ne̱ dan me se nu̱ꞌ snóꞌo nu̱ꞌ chana̱ nu̱ꞌ taꞌaa soꞌ, ne̱ caxríj soꞌ tagaꞌ man nij soꞌ a.

1 Corintios 10:32

Da̱nj na̱nj uún, ne̱ se̱ quiꞌyaj soj se vaa gu̱un vi̱j rá nij yuvii̱ israelitá do̱ꞌ, nij yuvii̱ yaníj do̱ꞌ, xꞌneꞌ cunuda̱nj nij síí noco̱ꞌ man Yaꞌanj do̱ꞌ maꞌ.

2 Corintios 11:5

Taj cheꞌé tiha̱ꞌ yuꞌunj nij síí caꞌnaꞌ man soj maꞌ. ꞌO̱ se si̱j sa̱ꞌ ndoꞌo me nij soꞌ, rá soj, ne̱ síí cuneꞌ Jesucristó caꞌa̱nj nata̱ꞌ snana̱ soꞌ me nij soꞌ, rá soj, tza̱j ne̱ né si̱j sa̱ꞌ doj me nij soꞌ rihaan ꞌu̱nj, rá ꞌu̱nj a̱ maꞌ.

2 Corintios 12:11

Dan me se nda̱ꞌ rá se tuꞌva ꞌo̱ síí snúú tuꞌvaj, tza̱j ne̱ maꞌa̱n soj quiꞌyaj dan tuꞌvaj da̱nj caꞌmii snu̱j ꞌu̱nj do̱j ado̱nj. ꞌO̱ se maꞌa̱n soj me síí no̱ xcúún cata̱j se vaa sa̱ꞌ ꞌyáj na̱nj ado̱nj. Nda̱ꞌ se taj yuꞌvee nó ꞌu̱nj, tza̱j ne̱ né si̱j sa̱ꞌ doj me ꞌó nij soꞌ rihanj maꞌ. Dan me se si̱j sa̱ꞌ uxrá me nij soꞌ, ne̱ maꞌa̱n nij síí cuneꞌ ya̱ maꞌa̱n Jesucristó caꞌa̱nj nata̱ꞌ snana̱ soꞌ me nij soꞌ, rá soj, tza̱j ne̱ né si̱j sa̱ꞌ doj me nij soꞌ rihanj maꞌ.

Gálatas 1:13

A̱j neꞌen soj da̱j vaa raj asi̱j rque̱ doj ado̱nj. Dan me se ga̱a canocóꞌ ꞌu̱nj tucuáán noco̱ꞌ nij yuvii̱ israelitá, ne̱ dan me se quiꞌyaj ndoꞌo ꞌu̱nj sayuun man xꞌneꞌ nij síí noco̱ꞌ man Yaꞌanj, ne̱ guun rá ꞌu̱nj ti̱ríꞌ ꞌu̱nj man nij soꞌ a.

Gálatas 1:23

Ma̱an se cuno nij soꞌ cuentó cataj xnaꞌanj tuviꞌ nij soꞌ cheꞌé ꞌu̱nj se vaa: “Síí quiꞌyaj ndoꞌo sayuun man níꞌ ga̱a rque̱ me se cuano̱ nihánj nataꞌ maꞌa̱n soꞌ nana̱ sa̱ꞌ nana̱ noco̱ꞌ níꞌ nana̱ me rá soꞌ tiri̱ꞌ soꞌ ga̱a rque̱ na̱nj ado̱nj.”

Filipenses 3:6

Ga̱a rque̱ doj, ne̱ síí nichra̱j nimán me rá cuno̱ yuvii̱ stucua̱nj Moisés mej, ne̱ quiꞌyaj uxraj sayuun man xꞌneꞌ nij síí noco̱ꞌ man Cristó, cheꞌé se me raj gu̱un niha̱ꞌ rá Yaꞌanj ni̱ꞌyaj Yaꞌanj manj, ne̱ veꞌé uxrá canocóꞌ ꞌu̱nj nu̱ꞌ stucua̱nj Moisés, ne̱ a̱ ꞌó nana̱ yoꞌ ne quina̱j, quiꞌyáj maꞌ.