1 Corintios 15:47 - Triqui de San Juan Copala

⁴⁷ Xa̱ꞌ snóꞌo quiꞌyaj Yaꞌanj asino ya̱a̱n, tza̱j ne̱ yoꞌóó u̱u̱n guun soꞌ, tza̱j ne̱ xa̱ꞌ ꞌó snóꞌo, tza̱j ne̱ Cristó me soꞌ, ne̱ soꞌ me síí cavii rej xta̱ꞌ caꞌnaꞌ rihaan níꞌ ado̱nj.

1 Corintios 15:47 ပူးပေါင်းရင်းမြစ်များ

San Mateo 1:23

Ni̱ꞌyaj soj á. Nari̱ꞌ ꞌo̱ chana̱ ya̱a̱n neꞌej, ne̱ cuchru̱j noꞌ neꞌej sno̱ꞌo, ne̱ Emanuel cuꞌna̱j neꞌej ado̱nj, da̱nj caꞌmii Yaꞌanj Si̱j ꞌNi̱j Raꞌa man níꞌ ga̱a naá rihaan síí nataꞌ snana̱ Yaꞌanj, ne̱ nana̱ Emanuel me raj cata̱a se vaa ca̱yáán maꞌa̱n Yaꞌanj ga̱ níꞌ ado̱nj.

San Lucas 2:11

ꞌO̱ se cuanꞌ me se caꞌngaa ꞌo̱ Síí Ti̱nanii man Yuvii̱ rihaan Sayuun chumanꞌ chiháán rey cuꞌna̱j David, ne̱ neꞌej yoꞌ roꞌ, me Síí Caꞌnéé Yaꞌanj, ne̱ Si̱j Qui̱ꞌnij Raꞌa man níꞌ me soꞌ ado̱nj.

San Juan 3:31

Síí nanij rihaan chumii̱ nihánj roꞌ, soꞌ me síí noco̱o doj rihaan cunuda̱nj nij yuvii̱ ado̱nj. Tza̱j ne̱ nij síí ma̱n rihaan chumii̱ nihánj roꞌ, ina̱nj cheꞌé rasu̱u̱n ma̱n rihaan chumii̱ nihánj xcaj nij soꞌ cuentá do̱ꞌ, aꞌmii nij soꞌ do̱ꞌ ado̱nj. Tza̱j ne̱ síí nanij rej xta̱ꞌ roꞌ, me síí noco̱o doj rihaan cunuda̱nj nij yuvii̱ ado̱nj.

San Juan 6:33

ꞌO̱ se rachrúún rqué Réj Yaꞌanj rihaan soj mé ꞌu̱nj si̱j cavii rej xta̱ꞌ, ne̱ ꞌu̱nj me síí rqué se vaa caꞌve̱e ga̱a̱ iꞌna̱ꞌ ya̱ soj si̱j ma̱n rihaan chumii̱ nihánj nu̱ꞌ cavii nu̱ꞌ caꞌanj ado̱nj ―taj Jesús rihaan nij yuvii̱ a.

Hechos 10:36

A̱j neꞌen nij soj nana̱ sa̱ꞌ caꞌnéé Yaꞌanj rihaan núj si̱j israelitá se vaa veꞌé naca̱j Yaꞌanj man núj cheꞌé se vaa quiꞌyaj Jesucristó cheꞌé núj, ne̱ Jesucristó roꞌ, me Síí ꞌNi̱j Raꞌa man cunuda̱nj yuvii̱ ado̱nj.

1 Corintios 15:45

Ne̱ Danj Yaꞌanj taj se vaa snóꞌo quiꞌyaj Yaꞌanj asino ya̱a̱n me síí cuꞌna̱j Adán, ne̱ ga̱a tiha̱j quiꞌyaj Yaꞌanj man soꞌ me se guun soꞌ síí vaa iꞌna̱ꞌ, quiꞌyaj Yaꞌanj, taj Danj Yaꞌanj a. Dan me se ase vaa síí cuꞌna̱j Adán roꞌ, da̱nj vaa síí cuꞌna̱j Cristó, tza̱j ne̱ ino̱ doj vaa Cristó, ne̱ dan me se ga̱a cunuu iꞌna̱ꞌ uún Cristó, ne̱ cunuu ino̱ nu̱ꞌ nee̱ man soꞌ, ne̱ dan me se aꞌvee vaa iꞌna̱ꞌ nda̱a maꞌa̱n níꞌ, ꞌyaj soꞌ a. Ne̱ cheꞌé dan cunu̱u iꞌna̱ꞌ uún ta̱ranꞌ níꞌ chugua̱nj.

1 Corintios 15:46

Tza̱j ne̱ asino ya̱a̱n vaa nee̱ man níꞌ ga̱a mán níꞌ rihaan chumii̱ nihánj, tza̱j ne̱ vaa güii, ga̱a ne̱ maꞌa̱n níꞌ ni̱caj nee̱ sa̱ꞌ doj yoꞌ a.

2 Corintios 5:1

Dan me se neꞌen núj se vaa ase vaa ꞌo̱ veꞌ mantá utaꞌ u̱u̱n nii rque do̱j güii roꞌ, vaa nee̱ man núj, ne̱ ya̱nj nee̱ man núj ga̱a vaa iꞌna̱ꞌ núj rihaan chumii̱ nihánj a. Tza̱j ne̱ neꞌen núj se vaa caꞌve̱e navi̱j nee̱ man núj vaa güii, ne̱ asa̱ꞌ navij yoꞌ, ga̱a ne̱ rque̱ Yaꞌanj ꞌó nee̱ naca̱ cu̱nuû núj, ne̱ daj chiha̱a̱ míj se̱ navij nee̱ naca̱ yoꞌ a̱ maꞌ. Tana̱nj a̱ ca̱yáán núj rej xta̱ꞌ nu̱ꞌ cavii nu̱ꞌ caꞌanj ado̱nj.

1 Timoteo 3:16

Neꞌen cunuda̱nj níꞌ se vaa noco̱o uxrá vaa nana̱ sa̱ꞌ yuve̱ tihaa̱n naca̱ Yaꞌanj man níꞌ nana̱ canocoꞌ níꞌ, ne̱ nihánj me nana̱ yoꞌ a: Curiha̱nj Yaꞌanj rihaan chumii̱, ne̱ guun soꞌ yuvii̱ a. Veꞌé ndoꞌo quiꞌyaj soꞌ, cataj Nimán Yaꞌanj a. Queneꞌen nij se‑mo̱zó Yaꞌanj man soꞌ a. Nataꞌ nii cheꞌé soꞌ rihaan nij yuvii̱ yaníj a. Cuchumán rá taꞌa̱j nij síí ma̱n rihaan chumii̱ nihánj niꞌya̱j nij soꞌ man soꞌ a. Quinanꞌ soꞌ xta̱ꞌ, ne̱ niꞌndaj ya̱ veꞌé nacaj nij síí ma̱n xta̱ꞌ man soꞌ a. Yoꞌ me nana̱ noco̱ꞌ níꞌ a.