1 Corintios 15:3 - Triqui de San Juan Copala

³ ꞌO̱ se asino ya̱a̱n nataj nana̱ sa̱ꞌ naríꞌ ꞌu̱nj rihaan soj, ne̱ nana̱ cataj xnaꞌanj nii rihanj me nana̱ nihánj, se vaa caviꞌ Cristó cheꞌé cacunꞌ tumé níꞌ, nda̱a vaa taj Danj Yaꞌanj a.

1 Corintios 15:3 ပူးပေါင်းရင်းမြစ်များ

San Mateo 26:24

ꞌO̱ se taj Danj Yaꞌanj se vaa caꞌa̱nj ꞌu̱nj cavi̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ ne̱ ya̱ da̱nj qui̱ránꞌ ꞌu̱nj ado̱nj. Tza̱j ne̱ nique̱ ndoꞌo síí ta̱cuachén manj rihaan nij síí ta̱j riꞌyunj manj na̱nj á. Quira̱nꞌ uxrá soꞌ sayuun na̱nj á. Snóꞌo yoꞌ me se sese ne caꞌnga̱a̱ soꞌ, ne̱ cavii sa̱ꞌ soꞌ doj asuun tza̱j ado̱nj ―taj Jesús a.

San Mateo 26:28

ꞌO̱ se ton manj me na nihánj, ne̱ cheꞌé ton manj roꞌ, cataꞌ tuꞌva Yaꞌanj da̱j quiꞌya̱j Yaꞌanj ga̱ soj a. Dan me se cheꞌé se caya̱nj ton manj roꞌ, cheꞌé dan me tinavi̱j Yaꞌanj cacunꞌ tumé ri̱i̱ yuvii̱ ado̱nj.

San Lucas 24:25

Ga̱a ne̱ maꞌa̱n Jesús cataj rihaan ro̱j soꞌ a: ―Dan me se síí ne acaj cuentá me ro̱j so̱j, ne̱ síí ne niha̱ꞌ rá cuchuma̱n rá nu̱ꞌ snana̱ nij síí nataꞌ snana̱ Yaꞌanj ga̱a naá me ro̱j so̱j na̱nj á.

San Juan 1:29

Dan me se ꞌó güii, ne̱ queneꞌen síí cuꞌna̱j Juan se vaa caꞌnaꞌ Jesús rihaan soꞌ, ne̱ cataj soꞌ a: ―Ni̱ꞌyaj soj á. Daán Yaꞌanj Matzinj Leꞌe̱j cavi̱ꞌ cheꞌé yuvii̱ me síí nihánj, ne̱ dan me se síí nihánj me síí caꞌne̱e̱ cacunꞌ tumé yuvii̱ ma̱n rihaan chumii̱ ado̱nj.

Hechos 17:2

Dan me se catúj Pabló rá veꞌ yoꞌ rej nuu chre̱ꞌ nij yuvii̱ israelitá yoꞌ, nda̱a vaa uꞌyón ina̱nj soꞌ quiꞌya̱j soꞌ a. Ne̱ vaꞌnu̱j ya̱ güii cueta̱nꞌ naránj rá nij soꞌ nataꞌ Pabló rihaan nij soꞌ cheꞌé nana̱ no̱ rihaan Danj Yaꞌanj a.

Hechos 3:18

Tza̱j ne̱ Yaꞌanj roꞌ, me síí cataj xnaꞌanj asi̱j naá ndoꞌo ga̱a rqué soꞌ nana̱ nataꞌ ta̱ranꞌ nij síí nataꞌ snana̱ soꞌ, ne̱ dan me se cataj xnaꞌanj Yaꞌanj se vaa Síí Caꞌne̱j Yaꞌanj Ti̱nanii man Yuvii̱ rihaan Sayuun me se quira̱nꞌ ndoꞌo soꞌ sayuun a. Ne̱ nihánj me se quisíj ya̱ nu̱ꞌ nda̱a vaa cataj Yaꞌanj se vaa quiꞌya̱j maꞌa̱n Yaꞌanj na̱nj á.

Hechos 8:32

Dan me se nana̱ nayaa síí “eunuco” yoꞌ rihaan Danj Yaꞌanj roꞌ, me nana̱ nihánj a: Ase vaa dínj tuꞌva matzinj ga̱a uchiꞌ xoꞌ rihaan síí ticavi̱ꞌ man xoꞌ do̱ꞌ, ase vaa dínj tuꞌva matzinj leꞌe̱j ga̱a uchiꞌ xoꞌ rihaan síí caca̱ cachij xráá xoꞌ do̱ꞌ, da̱nj quiꞌyaj soꞌ, ne̱ a̱ doj nana̱ ne caꞌmi̱i̱ soꞌ maꞌ.

Romanos 3:25

ne̱ dan me se caꞌnéé Yaꞌanj man Jesús nayo̱n Jesús rihaan yuvii̱ tumé cacunꞌ, ne̱ cuchuma̱n rá nij síí tumé cacunꞌ se vaa caviꞌ Jesús cheꞌé nij soꞌ, ne̱ nani̱i̱ nij soꞌ rihaan sayuun na̱nj ado̱nj. Dan me se neꞌen níꞌ se vaa tinavij Yaꞌanj cacunꞌ tumé yuvii̱, ne̱ xcaj níꞌ cuentá se vaa vaa nica̱ rá Yaꞌanj ga̱a tinavij Yaꞌanj cacunꞌ tumé nij yuvii̱ cayáán ga̱a naá a. Yuvii̱ cayáán ga̱a naá roꞌ, ne quira̱nꞌ nij soꞌ sayuun cheꞌé cacunꞌ tumé nij soꞌ maꞌ.

Romanos 4:25

Dan me se caꞌvej rá Yaꞌanj cavi̱ꞌ Jesús cheꞌé cacunꞌ quiꞌyaj níꞌ, ne̱ cunuu iꞌna̱ꞌ uún soꞌ, quiꞌyaj Yaꞌanj, cheꞌé yan cunu̱u sa̱ꞌ nimán níꞌ rihaan maꞌa̱n Yaꞌanj ado̱nj.

1 Corintios 11:2

A̱ ꞌó güii ne quiniꞌyo̱n soj manj, ne̱ veꞌé ꞌyaj soj nu̱ꞌ tucuáán tucuꞌyonj rihaan soj, ne̱ cheꞌé dan taj ꞌu̱nj se vaa sa̱ꞌ uxrá quiꞌyaj soj á.

1 Corintios 11:23

Dan me se cataj xnaꞌanj Síí ꞌNi̱j Raꞌa man níꞌ rihanj da̱j quiꞌya̱j níꞌ ga̱a cha̱ xtiꞌno̱ níꞌ cheꞌé soꞌ, ne̱ a̱j cataj xnaꞌanj ꞌu̱nj nana̱ yoꞌ rihaan soj á. Dan me se ga̱a quisíj güii tacuachén síí cuꞌna̱j Judas man Jesús Si̱j ꞌNi̱j Raꞌa man níꞌ rihaan nij síí ta̱j riꞌyunj man Jesús, ga̱a ne̱ ma̱an tiꞌnuu dan roꞌ, nica̱j Síí ꞌNi̱j Raꞌa man níꞌ rachrúún,

2 Corintios 5:21

A̱ ꞌó cacunꞌ ne tumé Cristó maꞌ. Tza̱j ne̱ naraa Yaꞌanj nu̱ꞌ cacunꞌ tumé níꞌ xráá maꞌa̱n Cristó, ne̱ quiranꞌ Cristó sayuun cheꞌé cacunꞌ yoꞌ, ne̱ cheꞌé dan caꞌve̱e cunu̱u sa̱ꞌ ya̱ níꞌ rihaan Yaꞌanj cheꞌé se si̱j noco̱ꞌ man Cristó me níꞌ ado̱nj.

Gálatas 1:12

Ne̱ né yuvi̱i̱ nataꞌ nana̱ yoꞌ rihanj maꞌ. Ne̱ taj síí tucuꞌyón nana̱ yoꞌ manj maꞌ. Tana̱nj maꞌa̱n ya̱ Jesucristó tihaa̱n nana̱ sa̱ꞌ yoꞌ manj ado̱nj.

Gálatas 1:4

Dan me se chiꞌi̱i̱ vaa nimán yuvii̱ ma̱n rihaan chumii̱ nihánj cuano̱, ne̱ me rá Rej níꞌ Yaꞌanj nani̱i̱ níꞌ rihaan sayuun quira̱nꞌ nij yuvii̱ yoꞌ, ne̱ cheꞌé dan caꞌvej Jesucristó Si̱j ꞌNi̱j Raꞌa man níꞌ cavi̱ꞌ ya̱ maꞌa̱n soꞌ cheꞌé cacunꞌ tumé níꞌ ado̱nj.

Gálatas 3:13

Ga̱a naá cataj Yaꞌanj se vaa cano̱ uxrá sayuun xráá nij síí ne uno nu̱ꞌ stucua̱nj Moisés, tza̱j ne̱ tinanii Cristó man níꞌ rihaan sayuun yoꞌ cheꞌé se cata̱ soꞌ cacunꞌ tumé níꞌ do̱ꞌ, sayuun no̱ xráá níꞌ do̱ꞌ, ga̱a caviꞌ soꞌ rihaan rcutze̱ a. No̱ nana̱ nihánj rihaan Danj Yaꞌanj a: “Daj a̱ yuvii̱ noco̱ꞌ va̱j rihaan ꞌo̱ chruun me síí quiriꞌ nimán rihaan Yaꞌanj a.”

Efesios 1:7

Ne̱ cheꞌé ton cayanj man Cristó ga̱a caviꞌ soꞌ cheꞌé níꞌ roꞌ, cheꞌé dan navij cacunꞌ xráá níꞌ, cheꞌé se sa̱ꞌ uxrá vaa rá Yaꞌanj niꞌya̱j Yaꞌanj man níꞌ a.

Efesios 5:2

ꞌO̱ ga̱a̱ ꞌe̱e̱ rá soj man tinúú soj á. Ina̱nj da̱nj quiꞌyaj Cristó, cunuu ꞌe̱e̱ rá soꞌ man níꞌ, ne̱ caꞌvej soꞌ cavi̱ꞌ soꞌ cheꞌé níꞌ, ne̱ ase vaa rasu̱u̱n rqué yuvii̱ rihaan Yaꞌanj roꞌ, taꞌngaꞌ da̱nj vaa Cristó cheꞌé níꞌ na̱nj chugua̱nj.

Hebreos 5:1

ꞌO̱ se xa̱ꞌ nij xrej ata̱ suun noco̱o doj xrej narii nii scaꞌnúj nij yuvii̱, tza̱j ne̱ ata̱ nij soꞌ suun se vaa ra̱cuíj nij soꞌ man yuvii̱ me rá cunu̱u sa̱ꞌ rihaan Yaꞌanj ado̱nj. Dan me se racuíj nij soꞌ man nij yuvii̱ rque̱ yuvii̱ xcuu caca̱a̱ rihaan Yaꞌanj cheꞌé cacunꞌ tumé nij yuvii̱ a.

Hebreos 5:3

cheꞌé dan ase vaa utaꞌ nij soꞌ xcuu caca̱a̱ rihaan Yaꞌanj cheꞌé cacunꞌ tumé yuvii̱ roꞌ, ina̱nj da̱nj no̱ xcúún nij soꞌ cuta̱ꞌ nij soꞌ xcuu caca̱a̱ rihaan Yaꞌanj cheꞌé cacunꞌ tumé maꞌa̱n nij soꞌ uún ado̱nj.

1 Pedro 1:11

Dan me se naquiꞌyaj cu̱u uxrá ya̱ nij soꞌ aman caꞌna̱ꞌ síí caꞌne̱j Yaꞌanj rihaan chumii̱ a. ꞌO̱ se nica̱j yuꞌunj Nimán Cristó man nij soꞌ, ne̱ maꞌa̱n Nimán Cristó cataj xnaꞌanj rihaan nij soꞌ da̱j quira̱nꞌ maꞌa̱n Cristó asa̱ꞌ caꞌnaꞌ soꞌ do̱ꞌ, cheꞌé suun niꞌndaj ya̱ sa̱ꞌ caꞌna̱ꞌ asa̱ꞌ quisíj quiranꞌ soꞌ sayuun do̱ꞌ a.

1 Pedro 2:24

Cacunꞌ tumé níꞌ roꞌ, nataꞌ xráá Cristó ga̱a caviꞌ soꞌ rihaan rcutze̱, cheꞌé rej caꞌne̱ꞌ rá níꞌ ga̱ suun ꞌyaj cacunꞌ ne̱ ina̱nj tucuáán sa̱ꞌ canoco̱ꞌ níꞌ a. Ne̱ cheꞌé se goꞌ nii cuartá xráá soꞌ roꞌ, cheꞌé dan nahuun sa̱ꞌ nimán soj a.

1 Pedro 3:18

Tza̱j ne̱ Cristó me se nda̱ꞌ se taj cacunꞌ tumé soꞌ, tza̱j ne̱ ga̱a cachéé soꞌ rihaan chumii̱ nihánj, ne̱ quiranꞌ ndoꞌo soꞌ sayuun cheꞌé cacunꞌ tumé níꞌ si̱j tumé cacunꞌ, cheꞌé rej caꞌve̱e cuchi̱ꞌ níꞌ rihaan Yaꞌanj chugua̱nj. Dan me se caviꞌ nee̱ man Cristó, tza̱j ne̱ cunuu iꞌna̱ꞌ nimán soꞌ ado̱nj.

1 Juan 2:2

Ne̱ soꞌ me síí caviꞌ cheꞌé rej caꞌve̱e navi̱j cacunꞌ tumé níꞌ ado̱nj. Tza̱j ne̱ né cheꞌe̱ ma̱an do̱j se‑cacu̱nꞌ níꞌ me caviꞌ soꞌ maꞌ. Caviꞌ soꞌ cheꞌé cacunꞌ tumé cunuda̱nj nij yuvii̱ ma̱n rihaan chumii̱ ado̱nj.