1 Corintios 15:17 - Triqui de San Juan Copala

¹⁷ Ne̱ sese ya̱ ne cunu̱u iꞌna̱ꞌ uún Cristó, ne̱ nana̱ amán rá soj yoꞌ roꞌ, nana̱ tihaꞌ yuꞌunj me yoꞌ vaa ga̱a na̱nj asânj. Ne̱ quira̱nꞌ maꞌa̱n soj sayuun cheꞌé nu̱ꞌ cacunꞌ tumé soj,

1 Corintios 15:17 ပူးပေါင်းရင်းမြစ်များ

Hechos 5:31

Ga̱a ne̱ maꞌa̱n Yaꞌanj quiꞌyaj cavii Jesús xta̱ꞌ, ne̱ nicu̱nꞌ Jesús rej xꞌnu̱j Yaꞌanj rej nuva̱ꞌ Yaꞌanj a. Ne̱ guun Jesús Síí Uun Chij Ndoꞌo, ne̱ Síí Tinanii man Yuvii̱ rihaan Sayuun guun soꞌ, cheꞌé rej caꞌve̱e ca̱nica̱j nimán níꞌ si̱j israelitá ga̱a ne̱ navi̱j cacunꞌ tumé níꞌ ado̱nj.

Romanos 4:25

Dan me se caꞌvej rá Yaꞌanj cavi̱ꞌ Jesús cheꞌé cacunꞌ quiꞌyaj níꞌ, ne̱ cunuu iꞌna̱ꞌ uún soꞌ, quiꞌyaj Yaꞌanj, cheꞌé yan cunu̱u sa̱ꞌ nimán níꞌ rihaan maꞌa̱n Yaꞌanj ado̱nj.

Romanos 5:10

Nda̱ꞌ se síí ta̱j riꞌyunj man Yaꞌanj me níꞌ ga̱a rque̱, tza̱j ne̱ caꞌnéé Yaꞌanj Taꞌníí Yaꞌanj cavi̱ꞌ soꞌ cheꞌé yuvii̱, ne̱ guun tuvi̱ꞌ níꞌ ga̱ Yaꞌanj, quiꞌyaj soꞌ a. Ne̱ cunuu iꞌna̱ꞌ uún Cristó, ne̱ cheꞌé dan neꞌen níꞌ se vaa ya̱ nani̱i̱ níꞌ rihaan sayuun ne̱ cavi̱i̱ sa̱ꞌ níꞌ vaa güii ado̱nj.

1 Corintios 15:14

Sese ya̱ ne cunu̱u iꞌna̱ꞌ uún Cristó, ga̱a ne̱ tuꞌva rmaꞌa̱n núj ga̱a aꞌmii natáj núj na̱nj á. Amán rmaꞌa̱n rá soj niꞌya̱j soj nana̱ aꞌmii núj ga̱a na̱nj á.

1 Corintios 15:16

ꞌO̱ se sese se̱ caꞌvee cunu̱u iꞌna̱ꞌ uún nij síí caviꞌ, ga̱a ne̱ ne cunu̱u iꞌna̱ꞌ uún Cristó vaa ga̱a a̱ maꞌ.

1 Corintios 15:2

Dan me se cheꞌe̱ nana̱ nihánj nana̱ natáꞌ ꞌu̱nj rihaan soj me nani̱i̱ soj rihaan sayuun, sese ꞌo̱ xraan canoco̱ꞌ soj nana̱ nihánj ado̱nj. Tza̱j ne̱ sese amán rmaꞌa̱n rá soj ꞌó nana̱ cheꞌé Cristó nana̱ ne̱, ga̱a ne̱ se̱ cavii sa̱ꞌ soj maꞌ.

1 Pedro 1:21

Ne̱ cheꞌé se vaa quiꞌyaj Cristó cheꞌé soj roꞌ, cheꞌé dan amán rá soj niꞌya̱j soj man Yaꞌanj cheꞌé se soꞌ me síí naquiꞌyaj iꞌna̱ꞌ man Cristó, ne̱ soꞌ me síí quiꞌyaj se vaa taj yuvii̱ se vaa niꞌndaj ya̱ sa̱ꞌ cavii Cristó a. Ne̱ cheꞌé se da̱nj quiꞌyaj Yaꞌanj roꞌ, cheꞌé dan amán rá soj niꞌya̱j soj man Yaꞌanj, ne̱ naꞌvi̱j soj quisi̱j güii cavi̱i̱ sa̱ꞌ ndoꞌo soj quiꞌya̱j soꞌ a.

1 Pedro 1:3

Cata̱j níꞌ se vaa ina̱nj sa̱ꞌ uxrá vaa Yaꞌanj Rej Jesucristó Si̱j ꞌNi̱j Raꞌa man níꞌ á. Cheꞌé se ꞌe̱e̱ uxrá rá Yaꞌanj niꞌya̱j soꞌ man níꞌ, ne̱ naquiꞌyaj iꞌna̱ꞌ soꞌ man Jesucristó, yan caꞌnga̱a̱ naca̱ nimán níꞌ ne̱ uun ya̱ rá níꞌ se vaa ca̱yáán níꞌ rihaan soꞌ nu̱ꞌ cavii nu̱ꞌ caꞌanj ado̱nj.