1 Corintios 14:31 - Triqui de San Juan Copala

³¹ Veé dan me se ga̱a̱ yaꞌnúj rihaan ta̱ranꞌ soj, ne̱ nda̱a ꞌo̱ ꞌo̱ soj nata̱ꞌ nana̱ rqué Yaꞌanj rihaan soj, ne̱ nari̱ꞌ cunuda̱nj soj nana̱ achiin man soj, ga̱a ne̱ nari̱ꞌ nucuaj nimán ta̱ranꞌ soj a.

1 Corintios 14:31 ပူးပေါင်းရင်းမြစ်များ

Romanos 1:12

Dan me se nucua̱j ndoꞌo rá cunuda̱nj níꞌ man tuviꞌ níꞌ, ne̱ cheꞌé dan me asa̱ꞌ nariꞌ tuviꞌ níꞌ, ne̱ narque̱ níꞌ chrej nucua̱j man tuviꞌ níꞌ á.

1 Corintios 14:19

Tza̱j ne̱ ga̱a nuu chre̱ꞌ ꞌu̱nj ga̱ xꞌneꞌ nij tinúú níꞌ nij síí noco̱ꞌ man Cristó, ne̱ no̱ xcúnj caꞌmi̱j nana̱ avii cúú ya̱vej rihaan nij soꞌ, ne̱ dan me se caꞌve̱e se chi̱ꞌ míj nana̱ xnaꞌánj naca̱ caꞌmi̱j, tza̱j ne̱ se̱ cavii sa̱ꞌ doj tinúj, quiꞌya̱j nana̱ yoꞌ a̱ maꞌ. Tza̱j ne̱ sese caꞌmi̱j nda̱ꞌ se ꞌu̱nꞌ gue̱e̱ nana̱ cavi̱i̱ cúú ya̱vej rihaan nij tinúú níꞌ, tza̱j ne̱ cavi̱i̱ sa̱ꞌ nij soꞌ doj, quiꞌya̱j nana̱ yoꞌ, cheꞌé se nana̱ uno nij soꞌ me yoꞌ ado̱nj.

1 Corintios 14:3

Tza̱j ne̱ síí nataꞌ nana̱ rqué Yaꞌanj rihaan, tza̱j ne̱ rihaan yuvii̱ aꞌmii soꞌ, ne̱ sa̱ꞌ doj xca̱j nij yuvii̱ cuentá da̱j quiꞌya̱j nij yuvii̱ canoco̱ꞌ nij yuvii̱ man Yaꞌanj, ne̱ nari̱ꞌ nucuaj nimán nij yuvii̱, quiꞌya̱j soꞌ, ne̱ se̱ nanó rá nij yuvii̱ maꞌ. ꞌO̱ se gu̱un niha̱ꞌ doj rá nij soꞌ ado̱nj.

1 Corintios 14:30

Sese nataꞌ ꞌo̱ soꞌ, ne̱ sese gu̱un rá ꞌó soꞌ nata̱ꞌ soꞌ ꞌó nana̱ tiha̱j rqué Yaꞌanj rihaan maꞌa̱n soꞌ, ne̱ caꞌne̱ꞌ rá síí nicu̱nꞌ aꞌmii yoꞌ caꞌmi̱i̱ ꞌó tinúú soꞌ á.

1 Corintios 14:32

ꞌO̱ se uun nucua̱j nij síí nataꞌ nana̱ rqué Yaꞌanj rihaan nij soꞌ quiri̱i̱ taꞌngaꞌ nij soꞌ rihaan nimán maꞌa̱n nij soꞌ, ne̱ uun nucua̱j nij soꞌ caꞌne̱ꞌ rá nij soꞌ ga̱ nana̱ aꞌmii nij soꞌ ado̱nj.

1 Corintios 14:35

Sese vaa ꞌo̱ nana̱ me rá chana̱ nari̱ꞌ noꞌ, ne̱ xna̱ꞌanj noꞌ man snóꞌo nica̱ noꞌ veꞌ tucuá noꞌ, ne̱ cata̱j xnaꞌanj soꞌ rihaan noꞌ a. Tza̱j ne̱ nij vaa sese canicu̱nꞌ chana̱ caꞌmi̱i̱ noꞌ rihaan cunuda̱nj nij síí noco̱ꞌ man Cristó ga̱a nuu chre̱ꞌ nij soꞌ ado̱nj.

2 Corintios 1:4

Caꞌve̱e se me maꞌa̱n sayuun ranꞌ núj, tza̱j ne̱ Yaꞌanj roꞌ, me síí narqué ndoꞌo chrej nucua̱j man núj, ne̱ cheꞌé dan gu̱un nucua̱j núj nago̱ꞌ núj chrej nucua̱j man tinúú núj güii quira̱nꞌ tinúú núj sayuun uún chugua̱nj. Cheꞌé dan asa̱ꞌ ranꞌ tinúú núj sayuun, ne̱ caꞌve̱e nago̱ꞌ núj chrej nucua̱j man tinúú núj chrej narqué maꞌa̱n Yaꞌanj man núj chugua̱nj.

Efesios 6:22

Ne̱ me rá ꞌu̱nj queneꞌe̱n soj nu̱ꞌ se vaa quiranꞌ núj, ne̱ me rá ꞌu̱nj nari̱ꞌ nucuaj nimán soj, ne̱ cheꞌé dan caꞌne̱j ꞌu̱nj man soꞌ cuchi̱ꞌ soꞌ rihaan soj á.

Colosenses 2:2

ꞌO̱ se me ndoꞌo rá ꞌu̱nj nari̱ꞌ nucuaj nimán soj ne̱ ꞌo̱ cu̱nuû se sa̱ꞌ nimán soj cuma̱n soj ga̱ tuviꞌ soj, ne̱ ꞌo̱ nari̱ꞌ ndoꞌo soj nda̱a gu̱un ya̱ ya̱ rá soj nana̱ sa̱ꞌ yuve̱ tihaa̱n Yaꞌanj se vaa maꞌa̱n Cristó me nana̱ naca̱ yoꞌ na̱nj á.

1 Tesalonicenses 4:18

Nihánj me nana̱ cata̱j xnaꞌanj soj rihaan tinúú soj, ne̱ nari̱ꞌ nucuaj nimán ꞌo̱ ꞌo̱ soj, quiꞌya̱j nana̱ nihánj ado̱nj.

1 Tesalonicenses 5:11

Cheꞌé dan ase vaa ꞌyaj soj cuano̱ roꞌ, da̱nj na̱nj nago̱ꞌ soj nana̱ sa̱ꞌ man tinúú soj, cheꞌé rej nari̱ꞌ nucuaj nimán tinúú soj, ne̱ ra̱cuíj soj man tinúú soj yan sa̱ꞌ doj canoco̱ꞌ nij tinu̱j nij soj man Yaꞌanj á.

1 Tesalonicenses 5:14

Ne̱ cuano̱ nihánj me rquee̱ núj man soj se vaa nago̱ꞌ soj chrej nucua̱j man nij síí rmi̱i̱ se vaa quiꞌya̱j suun nij soꞌ, tinu̱j, nocoj. Sese vaa síí chuꞌviꞌ nimán, ne̱ caꞌmi̱i̱ soj nana̱ sa̱ꞌ rihaan soꞌ, ne̱ nari̱ꞌ nucuaj nimán soꞌ, quiꞌya̱j soj á. Ra̱cuíj soj man nij yuvii̱ ninaj nimán, ne̱ ga̱a̱ ina̱j nimán soj ni̱ꞌyaj soj man cunuda̱nj yuvii̱ á.

1 Tesalonicenses 5:20

Se̱ nachriꞌ soj man nana̱ cata̱j xnaꞌanj naca̱ Nimán Yaꞌanj rihaan soj maꞌ.