1 Corintios 14:27 - Triqui de San Juan Copala

²⁷ Sese vaa vi̱j vaꞌnu̱j soj me rá caꞌmi̱i̱ xnaꞌánj naca̱, ne̱ caꞌve̱e caꞌmi̱i̱ nij soꞌ, tza̱j ne̱ sese queꞌe̱e̱ soj doj me rá caꞌmi̱i̱, ga̱a ne̱ se̱ caꞌvee maꞌ. ꞌO̱ se dínj tuꞌva taꞌa̱j soj, ga̱a ne̱ canicu̱nꞌ ꞌó tuviꞌ soj nata̱ꞌ soꞌ me se me raj cata̱a nana̱ caꞌmii nij síí caꞌmii xnaꞌánj naca̱ yoꞌ á.

1 Corintios 14:27 ပူးပေါင်းရင်းမြစ်များ

1 Corintios 12:10

ꞌÓ tinúú níꞌ me síí uun nucua̱j ꞌyaj suun sa̱ꞌ noco̱o, ne̱ ꞌó tinúú níꞌ uun nucua̱j nataꞌ nana̱ rqué Yaꞌanj rihaan, ne̱ ꞌó tinúú níꞌ me síí uun nucua̱j xcaj cuentá da̱j vaa nana̱ aꞌmii ꞌo̱ ꞌo̱ níꞌ, ne̱ soꞌ roꞌ, me síí neꞌen sese snana̱ Nimán Yaꞌanj aꞌmii níꞌ niꞌ, ase snana̱ Síí Chre̱e aꞌmii níꞌ a. Ne̱ vaa ꞌó tinúú níꞌ aꞌmii xnaꞌánj naca̱ xnaꞌánj ne neꞌen a̱ maꞌa̱n nij soꞌ maꞌ. Ne̱ ꞌó tinúú níꞌ roꞌ, me síí nataꞌ me se me raj cata̱a nana̱ caꞌmii tinúú níꞌ síí aꞌmii xnaꞌánj naca̱ yoꞌ a.

1 Corintios 14:13

Cheꞌé dan me sese vaa ꞌo̱ tinúú soj síí aꞌmii xnaꞌánj naca̱, ne̱ no̱ xcúún soꞌ cachi̱nj niꞌya̱j soꞌ rihaan Yaꞌanj se vaa gu̱un nucua̱j soꞌ cata̱j xnaꞌanj soꞌ me se me raj cata̱a nana̱ caꞌmi̱i̱ soꞌ rihaan nij yuvii̱ cuno̱ nana̱ yoꞌ ado̱nj.

1 Corintios 14:2

Dan me se xa̱ꞌ síí aꞌmii xnaꞌánj naca̱, tza̱j ne̱ ne aꞌmii soꞌ rihaan yuvii̱ maꞌ. Rihaan Yaꞌanj aꞌmii soꞌ, ne̱ taj síí uno nana̱ aꞌmii soꞌ maꞌ. ꞌO̱ se racuíj Nimán Yaꞌanj man soꞌ aꞌmii soꞌ nana̱ sa̱ꞌ yuve̱ tihaa̱n naca̱ Yaꞌanj rihaan maꞌa̱n soꞌ ado̱nj.

1 Corintios 14:26

Cheꞌé dan nihánj me cata̱j xnaꞌanj ꞌu̱nj rihaan soj da̱j quiꞌya̱j soj, tinu̱j, nocoj. Ga̱a nuu chre̱ꞌ soj, ne̱ ino̱ ga̱a̱ se quiꞌya̱j ꞌo̱ ꞌo̱ soj na̱nj á. ꞌO̱ tinúú soj cachra̱a̱ ꞌo̱ chraꞌ, ne̱ tu̱cuꞌyón ꞌó tinúú soj snana̱ Yaꞌanj rihaan soj, ne̱ nata̱ꞌ ꞌó tinúú soj nana̱ rqué Yaꞌanj rihaan soꞌ, ne̱ caꞌmi̱i̱ ꞌó tinúú soj xnaꞌánj naca̱, ne̱ cata̱j xnaꞌanj ꞌó tinúú soj me se me raj cata̱a nana̱ caꞌmii tinúú soj síí caꞌmii xnaꞌánj naca̱, ne̱ ina̱nj da̱nj quiꞌya̱j soj, ra̱cuíj ta̱ranꞌ soj man tinúú soj, ga̱a ne̱ veꞌé doj nari̱ꞌ soj canoco̱ꞌ soj man Jesucristó a.

1 Corintios 14:28

Tza̱j ne̱ sese taj va̱j a̱ ꞌó soj uun nucua̱j nata̱ꞌ me se me raj cata̱a nana̱ aꞌmii nij síí aꞌmii xnaꞌánj naca̱, ne̱ táá a̱ se se̱ caꞌmii nij soꞌ xnaꞌánj naca̱ rihaan xꞌneꞌ yuvii̱ a̱ maꞌ. Ma̱an se dínj ga̱a̱ tuꞌva nij soꞌ ga̱a nuu chre̱ꞌ soj á. Ina̱nj rihaan maꞌa̱n nij soꞌ do̱ꞌ, rihaan Yaꞌanj do̱ꞌ, caꞌmi̱i̱ nij soꞌ xnaꞌánj naca̱ yoꞌ á.

1 Corintios 14:5

Me raj caꞌmi̱i̱ ta̱ranꞌ soj xnaꞌánj naca̱, tza̱j ne̱ sa̱ꞌ doj nata̱ꞌ soj nana̱ rqué Yaꞌanj rihaan soj á. Dan me se sa̱ꞌ doj ꞌyaj síí nataꞌ snana̱ Yaꞌanj rihaan síí aꞌmii xnaꞌánj naca̱, tza̱j ne̱ sese gu̱un nucua̱j síí aꞌmii xnaꞌánj naca̱ cata̱j xnaꞌanj soꞌ rihaan nij yuvii̱ me se me raj cata̱a nana̱ aꞌmii soꞌ ga̱a uun cheꞌe̱ soꞌ aꞌmii soꞌ xnaꞌánj naca̱, ne̱ sa̱ꞌ doj quiꞌya̱j soꞌ, ne̱ cavi̱i̱ sa̱ꞌ doj xꞌneꞌ nij síí noco̱ꞌ man Cristó, quiꞌya̱j soꞌ, sese da̱nj quiꞌya̱j soꞌ ado̱nj.