1 Corintios 14:24 - Triqui de San Juan Copala

²⁴ Tza̱j ne̱ sese nata̱ꞌ ta̱ranꞌ soj nana̱ rqué Yaꞌanj rihaan soj, ne̱ catu̱u̱ nij síí ataa nari̱ꞌ tucuáán noco̱ꞌ níꞌ catu̱u̱ nij síí ne nocoꞌ man Cristó catu̱u̱ rá veꞌ, ga̱a ne̱ xca̱j nij soꞌ cuentá cheꞌé cacunꞌ tumé nij soꞌ, quiꞌya̱j ta̱ranꞌ soj, ne̱ nano̱ rá nij soꞌ cheꞌé cacunꞌ tumé nij soꞌ, quiꞌya̱j ta̱ranꞌ soj chugua̱nj.

1 Corintios 14:24 ပူးပေါင်းရင်းမြစ်များ

San Juan 16:8

Ne̱ asa̱ꞌ quisíj caꞌnaꞌ soꞌ, ne̱ cuta̱ꞌ soꞌ cacunꞌ xráá nij síí noco̱ꞌ se‑chre̱j chumii̱ nihánj se vaa tumé nij soꞌ cacunꞌ do̱ꞌ, se vaa ataa cunu̱u sa̱ꞌ nij soꞌ rihaan Yaꞌanj do̱ꞌ, se vaa caꞌne̱ꞌ ya̱ Yaꞌanj cacunꞌ cheꞌé nij soꞌ do̱ꞌ a.

San Juan 4:29

―Caꞌa̱nj níꞌ, ne̱ queneꞌe̱n soj ꞌo̱ snóꞌo síí cataj xnaꞌanj rihanj cheꞌé nu̱ꞌ se vaa quiꞌyáj ga̱a rque̱ á. Né Si̱j Caꞌnéé Yaꞌanj Ti̱nanii man Yuvii̱ rihaan Sayuun me soꞌ, rá soj naꞌ ―taj chana̱ rihaan nij snóꞌo ma̱n chumanꞌ yoꞌ a.

Hechos 2:37

Dan me se ga̱a cuno nij yuvii̱ nana̱ yoꞌ, ne̱ quinanó ndoꞌo rá nimán nij soꞌ, ne̱ xnáꞌanj nij soꞌ man Pedró ga̱ ꞌó nij síí ata̱ suun caꞌa̱nj nata̱ꞌ snana̱ Jesús, cataj nij soꞌ a: ―Ne̱ da̱j quiꞌya̱j núj, ga̱ tinu̱ꞌ ―taj nij soꞌ, xnáꞌanj nij soꞌ man nij tuvi̱ꞌ Pedró a.

1 Corintios 14:1

Cheꞌé dan ꞌo̱ ga̱a̱ suun ꞌe̱e̱ rá man tuviꞌ nimán soj, ne̱ nano̱ꞌ soj da̱j quiꞌya̱j soj, ne̱ ni̱caj soj suun sa̱ꞌ, quiꞌya̱j Nimán Yaꞌanj á. Tza̱j ne̱ doj a̱ gu̱un rá soj nata̱ꞌ soj nana̱ rqué Yaꞌanj rihaan soj na̱nj ado̱nj.

1 Corintios 14:16

Da̱nj quiꞌya̱j soj cheꞌé se asa̱ꞌ nuu chre̱ꞌ soj cachi̱nj niꞌya̱j soj rihaan Yaꞌanj, ne̱ ꞌnaꞌ nij síí ataa nari̱ꞌ sa̱ꞌ snana̱ Yaꞌanj a. Ne̱ sese ina̱nj nimán so̱ꞌ cata̱j so̱ꞌ guun niꞌya̱j níꞌ rihaan Yaꞌanj do̱ꞌ, sese ina̱nj nimán so̱ꞌ cata̱j se vaa sa̱ꞌ vaa Yaꞌanj do̱ꞌ, ne̱ asa̱ꞌ caꞌve̱e cuno̱ síí ꞌnaꞌ naca̱ nana̱ caꞌmi̱i̱ so̱ꞌ ga̱. Asa̱ꞌ caꞌve̱e cata̱j soꞌ “Ya̱ da̱nj vaa ado̱nj” cheꞌé nana̱ caꞌmii so̱ꞌ ga̱.

1 Corintios 2:15

Xa̱ꞌ síí racuíj Nimán Yaꞌanj man, tza̱j ne̱ neꞌen soꞌ naquiꞌya̱j cu̱u soꞌ cunuda̱nj rasu̱u̱n, tza̱j ne̱ se̱ caꞌvee naquiꞌya̱j cu̱u ꞌó yuvii̱ man soꞌ maꞌ.