1 Corintios 14:23 - Triqui de San Juan Copala

²³ Dan me se sese ina̱nj xnaꞌánj naca̱ caꞌmi̱i̱ ta̱ranꞌ soj ga̱a nuu chre̱ꞌ xꞌneꞌ soj, ne̱ catu̱u̱ nij síí ataa nari̱ꞌ sa̱ꞌ tucuáán noco̱ꞌ níꞌ catu̱u̱ síí ne nocoꞌ man Cristó catu̱u̱ rá veꞌ ga̱ nij soj, ne̱ da̱j cata̱j nij soꞌ, rá soj ga̱. Se̱ cuno nij soꞌ xnaꞌánj caꞌmii soj a̱ maꞌ. Cheꞌé dan cata̱j nij soꞌ se vaa snúú rmaꞌa̱n nij soj na̱nj ado̱nj.

1 Corintios 14:23 ပူးပေါင်းရင်းမြစ်များ

San Lucas 12:46

Dan me se ne neꞌen soꞌ aman nama̱n se‑ruꞌve̱e̱ soꞌ a. Ne naꞌvi̱j soꞌ caꞌna̱ꞌ ruꞌvee a. Tza̱j ne̱ síj güii síj orá síj, ne̱ caꞌna̱ꞌ maꞌa̱n se‑ruꞌve̱e̱ mozó yoꞌ, ga̱a ne̱ quira̱nꞌ uxrá mozó yoꞌ sayuun, quiꞌya̱j se‑ruꞌve̱e̱ soꞌ, ne̱ caꞌne̱j ruꞌvee man soꞌ rej ma̱n nij síí ne amán rá niꞌya̱j man Yaꞌanj a.

San Juan 10:20

Dan me se taꞌa̱j nij soꞌ cataj a: ―Nu̱u̱ nana̱ chre̱e nimán soꞌ, ne̱ snúú soꞌ na̱nj á. Taj cheꞌé cuno̱ soj snana̱ soꞌ maꞌ ―taj taꞌa̱j nij soꞌ rihaan tuviꞌ nij soꞌ, niꞌya̱j nij soꞌ man Jesús a.

Hechos 2:13

Ne̱ ꞌó taꞌa̱j nij soꞌ caꞌngaꞌ naco̱o̱, ne̱ cataj nij soꞌ a: ―Cachén ndoꞌo coꞌo nij síí nihánj na vinó naca̱ na̱nj chugua̱nj ―taj nij síí caꞌngaꞌ naco̱o̱ yoꞌ a.

Hechos 26:24

Dan me se ga̱a caꞌmii soꞌ da̱nj rihaan rey cuꞌna̱j Agripa, ne̱ caguáj síí cuꞌna̱j Festo, cataj soꞌ a: ―Snúú so̱ꞌ, Pablo. Cheꞌé se tucuꞌyón ndoꞌo so̱ꞌ yanj roꞌ, cheꞌé dan guun snu̱j raá so̱ꞌ na̱nj á ―taj soꞌ rihaan Pabló a.

1 Corintios 11:18

Asino ya̱a̱n cata̱j xnaꞌanj ꞌu̱nj rihaan soj cheꞌé se vaa ne cuya̱a̱n vaa rá ta̱ranꞌ soj a̱ maan chugua̱nj. Dan me se caꞌnaꞌ nana̱ rihanj se vaa ga̱a nuu chre̱ꞌ xꞌneꞌ nij soj, ne̱ uun yaníj taꞌa̱j soj rihaan tuviꞌ soj, ne̱ ino̱ vaa rá taꞌa̱j ꞌo̱ ꞌo̱ soj, ne̱ xa̱ꞌ nana̱ yoꞌ, tza̱j ne̱ nana̱ ya̱ me nana̱ yoꞌ, raj na̱nj á.