1 Corintios 14:17 - Triqui de San Juan Copala

¹⁷ Caꞌve̱e se veꞌé uxrá ga̱a̱ nana̱ cachi̱nj ni̱ꞌyáá so̱ꞌ rihaan Yaꞌanj, tza̱j ne̱ se̱ caꞌvee ra̱cuíj nana̱ yoꞌ man ꞌó soꞌ maꞌ.

1 Corintios 14:17 ပူးပေါင်းရင်းမြစ်များ

Romanos 14:19

Cheꞌé dan da̱nj ina̱nj quiꞌya̱j níꞌ, ga̱a ne̱ ga̱a̱ dínj cuma̱n níꞌ, ne̱ ra̱cuíj níꞌ tinúú níꞌ, ga̱a ne̱ sa̱ꞌ doj cuma̱n níꞌ, ne̱ sa̱ꞌ doj canoco̱ꞌ níꞌ man Cristó ado̱nj.

1 Corintios 14:18

Taj ꞌu̱nj guun niꞌya̱j níꞌ rihaan Yaꞌanj cheꞌé se aꞌmii ꞌu̱nj doj xnaꞌánj naca̱ rihaan ta̱ranꞌ nij soj a.

1 Corintios 14:4

Dan me se síí aꞌmii xnaꞌánj naca̱ roꞌ, o̱rúnꞌ maꞌa̱n soꞌ nocoꞌ sa̱ꞌ doj man Yaꞌanj, ꞌyaj soꞌ, tza̱j ne̱ síí nataꞌ nana̱ rqué Yaꞌanj rihaan me se sa̱ꞌ doj nocoꞌ xꞌneꞌ cunuda̱nj nij síí noco̱ꞌ man Cristó man Yaꞌanj, ꞌyaj soꞌ ado̱nj.

1 Corintios 14:5

Me raj caꞌmi̱i̱ ta̱ranꞌ soj xnaꞌánj naca̱, tza̱j ne̱ sa̱ꞌ doj nata̱ꞌ soj nana̱ rqué Yaꞌanj rihaan soj á. Dan me se sa̱ꞌ doj ꞌyaj síí nataꞌ snana̱ Yaꞌanj rihaan síí aꞌmii xnaꞌánj naca̱, tza̱j ne̱ sese gu̱un nucua̱j síí aꞌmii xnaꞌánj naca̱ cata̱j xnaꞌanj soꞌ rihaan nij yuvii̱ me se me raj cata̱a nana̱ aꞌmii soꞌ ga̱a uun cheꞌe̱ soꞌ aꞌmii soꞌ xnaꞌánj naca̱, ne̱ sa̱ꞌ doj quiꞌya̱j soꞌ, ne̱ cavi̱i̱ sa̱ꞌ doj xꞌneꞌ nij síí noco̱ꞌ man Cristó, quiꞌya̱j soꞌ, sese da̱nj quiꞌya̱j soꞌ ado̱nj.

1 Corintios 14:6

Cuno̱ soj caꞌmi̱j, tinu̱j, nocoj, ne̱ dan me se sese cuchi̱ꞌ ꞌu̱nj rihaan soj, ne̱ cuno̱ soj sese ina̱nj xnaꞌánj naca̱ caꞌmi̱j rihaan soj, rá soj naꞌ. Taj maꞌ. Me nana̱ nari̱ꞌ soj, sese da̱nj qui̱ꞌyáj ga̱. Tza̱j ne̱ sese ti̱haán ꞌu̱nj ꞌo̱ nana̱ naca̱ nana̱ caꞌmii Yaꞌanj rihanj rihaan soj, ne̱ cuno̱ soj doj, ne̱ sese cavi̱i̱ ndoꞌo raá ꞌu̱nj do̱ꞌ, sese nata̱ꞌ ꞌu̱nj nana̱ rqué Yaꞌanj manj do̱ꞌ, sese tu̱cuꞌyonj rihaan soj do̱ꞌ, ne̱ cuno̱ sa̱ꞌ soj doj á.