1 Corintios 14:11 - Triqui de San Juan Copala

¹¹ tza̱j ne̱ sese caꞌmi̱i̱ ꞌo̱ soꞌ xnaꞌánj aꞌmii maꞌa̱n soꞌ rihanj, ne̱ sese se̱ cunoj nana̱ caꞌmi̱i̱ soꞌ, ga̱a ne̱ ase vaa síí yaníj vaa soꞌ rihanj, ne̱ ma̱ꞌán ꞌu̱nj gu̱un si̱j ꞌnaꞌ ꞌó chumanꞌ rihaan soꞌ a.

1 Corintios 14:11 ပူးပေါင်းရင်းမြစ်များ

Hechos 28:2

Ne̱ nij síí chiha̱nj yoꞌóó yoꞌ roꞌ, veꞌé uxrá quiꞌyaj nij soꞌ ga̱ núj a. ꞌO̱ se nica̱j tuviꞌ ndoꞌo nij soꞌ ga̱ núj, ne̱ cheꞌé se camanꞌ maa̱n ne̱ acoj tihaꞌ, ne̱ cheꞌé dan naranꞌ nij soꞌ yaꞌan cunu̱u gu̱u̱n núj a.

Hechos 28:4

Ne̱ ga̱a queneꞌen nij síí ma̱n rej yoꞌ se vaa noco̱ꞌ xcuáá raꞌa Pabló, ne̱ cataj nij soꞌ rihaan tuviꞌ nij soꞌ a: ―Ya̱ ya̱ si̱j ticaviꞌ yuvii̱ me síí nihánj na̱nj á. ꞌO̱ se nda̱ꞌ se nanii soꞌ rihaan na yaꞌa̱nj, tza̱j ne̱ cheꞌé se tumé soꞌ cacunꞌ, ne̱ cheꞌé dan ne no̱ xcúún soꞌ ga̱a̱ iꞌna̱ꞌ soꞌ maꞌ ―taj nij soꞌ rihaan tuviꞌ nij soꞌ a.

Romanos 1:14

Dan me se cheꞌé se no̱ xcúún ꞌu̱nj nata̱ꞌ ꞌu̱nj rihaan cunuda̱nj nij yuvii̱ yaníj roꞌ, cheꞌé dan nata̱ꞌ ꞌu̱nj rihaan nij síí yaníj aꞌmii xnaꞌánj griego do̱ꞌ, rihaan nij síí yaníj ne aꞌmii xnaꞌánj griego do̱ꞌ, rihaan nij síí avii raa̱ do̱ꞌ, rihaan nij síí ne nica̱j cuentá do̱ꞌ, rihaan cunuda̱nj nij soꞌ natáꞌ ꞌu̱nj a.

1 Corintios 14:10

Dan me se ma̱n uxrá xnaꞌánj aꞌmii yuvii̱ rihaan chumii̱ nihánj, raj, ne̱ vaa yuvii̱ uno cunuda̱nj nij xnaꞌánj yoꞌ,

1 Corintios 14:21

Dan me se vaa nana̱ no̱ rihaan Danj Yaꞌanj taj a: “Caꞌne̱j ꞌu̱nj yuvii̱ ma̱n ga̱nꞌ cuchi̱ꞌ rihaan nij yuvii̱ israelitá, ne̱ ꞌó xnaꞌánj nata̱ꞌ nij soꞌ rihaan nij yuvii̱ israelitá, tza̱j ne̱ se̱ quiꞌyaj nij yuvii̱ israelitá se vaa cata̱j ꞌu̱nj rihaan nij soꞌ maꞌ.” Da̱nj cataj Yaꞌanj rihaan nij yuvii̱ israelitá ga̱a naá a.

Colosenses 3:11

Ya̱j me se taj se ꞌyaj sese na̱j guun yuvii̱ me soj maꞌ. Caꞌve̱e se si̱j israelitá do̱ꞌ, caꞌve̱e se si̱j yaníj do̱ꞌ, caꞌve̱e se si̱j ta̱j taꞌngaꞌ man do̱ꞌ, caꞌve̱e se né si̱j ta̱j taꞌngaꞌ man do̱ꞌ, caꞌve̱e se si̱j ma̱n ꞌó chumanꞌ do̱ꞌ, caꞌve̱e se mozó siꞌyaj ꞌó yuvii̱ do̱ꞌ, caꞌve̱e se si̱j chéé maꞌa̱n do̱ꞌ, taj se ꞌyaj maꞌ. O̱rúnꞌ Cristó me se achiin man ꞌo̱ ꞌo̱ xꞌneꞌ yuvii̱, ne̱ ꞌo̱ cuya̱a̱n yáán soꞌ nimán ꞌo̱ ꞌo̱ nij soꞌ ado̱nj.