1 Corintios 13:6 - Triqui de San Juan Copala

⁶ Né si̱j niha̱ꞌ rá neꞌen man yuvii̱ ꞌyaj cacunꞌ me soꞌ maꞌ. Tza̱j ne̱ niha̱ꞌ rá soꞌ neꞌen soꞌ se vaa uno yuvii̱ nana̱ ya̱ a.

1 Corintios 13:6 ပူးပေါင်းရင်းမြစ်များ

San Mateo 18:13

Ne̱ cata̱j xnaꞌanj ꞌu̱nj rihaan soj se vaa sese nari̱ꞌ soꞌ daán soꞌ matzinj, ne̱ gu̱un niha̱ꞌ uxrá rá nimán soꞌ na̱nj ado̱nj. Do̱j tzínꞌ ga̱a̱ niha̱ꞌ rá soꞌ cheꞌé caꞌa̱nj chiha̱a̱ xnu̱ꞌ caꞌa̱nj nij matzinj ne caꞌa̱nj niꞌya̱ a. Tza̱j ne̱ cheꞌé matzinj nariꞌ uún soꞌ roꞌ, doj a̱ ga̱a̱ niha̱ꞌ rá soꞌ na̱nj ado̱nj.

San Lucas 22:5

Ga̱a ne̱ guun niha̱ꞌ rá nij soꞌ ga̱a cuno nij soꞌ snana̱ Judas, ne̱ guun ya̱ caꞌmii nij soꞌ ga̱ Judas se vaa rque̱ nij soꞌ saꞌanj man Judas a.

Romanos 1:32

Neꞌen nij soꞌ se vaa quira̱nꞌ nij soꞌ sayuun, quiꞌya̱j Yaꞌanj, tza̱j ne̱ ne acaj nij soꞌ cuentá niꞌya̱j nij soꞌ nana̱ aꞌmii Yaꞌanj a̱ maꞌ. Ma̱an se ina̱nj cacunꞌ ꞌyaj nij soꞌ, ne̱ nda̱a niha̱ꞌ rá nij soꞌ niꞌya̱j nij soꞌ man ꞌó yuvii̱ ꞌyaj nij cacunꞌ yoꞌ ado̱nj.

Romanos 12:9

Se̱ cataj soj se vaa ꞌe̱e̱ rá soj man tinúú soj, sese ne ya̱ ꞌe̱e̱ rá soj tinúú soj maꞌ. Se̱ tuꞌva rmaꞌa̱n soj da̱nj maꞌ. Tana̱nj ya̱ ga̱a̱ ꞌe̱e̱ rá soj tinúú soj á. Nachri̱ꞌ soj ni̱ꞌyaj soj se chiꞌi̱i̱, ne̱ ina̱nj se sa̱ꞌ canoco̱ꞌ xraan soj á.

Filipenses 1:18

Tza̱j ne̱ caꞌve̱e se vaa nica̱ nimán taꞌa̱j nij soꞌ do̱ꞌ, caꞌve̱e se ne vaa nica̱ nimán taꞌa̱j nij soꞌ do̱ꞌ, tza̱j ne̱ taj se ꞌyaj maꞌ. Ma̱an se nataꞌ cunuda̱nj nij soꞌ snana̱ Cristó rihaan yuvii̱, ne̱ cheꞌé dan guun niha̱ꞌ ya̱ rá nimanj ado̱nj. Tza̱j ne̱ vaa güii, ne̱ gu̱un niha̱ꞌ ya̱ doj rá nimán ꞌu̱nj na̱nj á.

Filipenses 1:4

Ne̱ ga̱a achíín ni̱ꞌyáj rihaan Yaꞌanj, ne̱ uun niha̱ꞌ ndoꞌo rá nimanj ga̱a rqueé ꞌu̱nj rihaan Yaꞌanj cheꞌé ta̱ranꞌ soj

Filipenses 3:18

Ino̱ vaa rá queꞌe̱e̱ ndoꞌo yuvii̱, ne̱ a̱j cataj xnaꞌanj uxraj rihaan soj cheꞌé nij soꞌ, ne̱ nihánj me cata̱j xnaꞌanj uún ꞌu̱nj rihaan soj da̱j vaa nij soꞌ, tza̱j ne̱ ꞌo̱ se taꞌveé ꞌu̱nj cheꞌé nij soꞌ na̱nj ado̱nj. Dan me se caviꞌ Cristó cheꞌé níꞌ rihaan rcutze̱, tza̱j ne̱ me rá nij soꞌ tiri̱ꞌ nij soꞌ se vaa quiꞌyaj Cristó cheꞌé níꞌ ado̱nj.

2 Tesalonicenses 2:12

Ga̱a ne̱ cata̱j Yaꞌanj se vaa ya̱ síí tumé cacunꞌ me cunuda̱nj nij yuvii̱ ne cuchuma̱n rá nana̱ ya̱, ne̱ ina̱nj chrej chiꞌi̱i̱ niha̱ꞌ rá nij soꞌ canoco̱ꞌ nij soꞌ ado̱nj.

2 Juan 1:4

Guun niha̱ꞌ uxrá raj, cheꞌé se xcaj ꞌu̱nj cuentá se vaa taꞌa̱j nij soj me síí ꞌo̱ nocoꞌ tucuáán ya̱, nda̱a vaa suun caꞌneꞌ Rej níꞌ Yaꞌanj rihaan níꞌ cuno̱ níꞌ chugua̱nj.