1 Corintios 12:5 - Triqui de San Juan Copala

⁵ Ne̱ ino̱ vaa ꞌo̱ ꞌo̱ suun ꞌyaj ꞌo̱ ꞌo̱ níꞌ rihaan tinúú níꞌ a. Tza̱j ne̱ veé o̱rúnꞌ Síí ꞌNi̱j Raꞌa man níꞌ me ꞌyaj nu̱ꞌ suun yoꞌ na̱nj á.

1 Corintios 12:5 ပူးပေါင်းရင်းမြစ်များ

San Mateo 23:10

Ne̱ se̱ guun cata̱j yuvii̱ se vaa noco̱ꞌ nij yuvii̱ man soj, quiꞌya̱j soj a̱ maꞌ. ꞌO̱ se o̱rúnꞌ Síí Caꞌnéé Yaꞌanj Ti̱nanii man Yuvii̱ rihaan Sayuun me síí canoco̱ꞌ soj man na̱nj ado̱nj.

Hechos 10:36

A̱j neꞌen nij soj nana̱ sa̱ꞌ caꞌnéé Yaꞌanj rihaan núj si̱j israelitá se vaa veꞌé naca̱j Yaꞌanj man núj cheꞌé se vaa quiꞌyaj Jesucristó cheꞌé núj, ne̱ Jesucristó roꞌ, me Síí ꞌNi̱j Raꞌa man cunuda̱nj yuvii̱ ado̱nj.

1 Corintios 12:4

Dan me se ino̱ vaa ꞌo̱ ꞌo̱ suun sa̱ꞌ rqué Nimán Yaꞌanj man ꞌo̱ ꞌo̱ níꞌ nica̱j níꞌ chugua̱nj. Tza̱j ne̱ o̱rúnꞌ Nimán Yaꞌanj me síí rqué man ꞌo̱ ꞌo̱ suun sa̱ꞌ yoꞌ na̱nj ado̱nj.

1 Corintios 12:6

Ne̱ ino̱ vaa suun ꞌyaj Yaꞌanj ga̱ ꞌo̱ ꞌo̱ níꞌ, tza̱j ne̱ veé o̱rúnꞌ Yaꞌanj ꞌyaj da̱j a̱ suun sa̱ꞌ yoꞌ na̱nj á.

1 Corintios 8:6

Ne̱ xa̱ꞌ níꞌ, tza̱j ne̱ neꞌen níꞌ se vaa o̱rúnꞌ ya̱ Yaꞌanj á. Rej níꞌ Yaꞌanj me soꞌ, ne̱ o̱rúnꞌ soꞌ me síí quiꞌyaj cunuda̱nj rasu̱u̱n ma̱n rihaan chumii̱ nihánj, ne̱ ina̱nj cheꞌé maꞌa̱n soꞌ vaa iꞌna̱ꞌ níꞌ a. Ne̱ vaa o̱rúnꞌ Síí ꞌNi̱j Raꞌa man níꞌ, ne̱ Jesucristó cuꞌna̱j soꞌ, ne̱ cheꞌé soꞌ curuviꞌ nu̱ꞌ rasu̱u̱n ma̱n rihaan chumii̱ nihánj, ne̱ cheꞌé soꞌ ya̱ vaa iꞌna̱ꞌ níꞌ ado̱nj.

Filipenses 2:11

ne̱ cata̱j ya̱ cunuda̱nj nij soꞌ se vaa maꞌa̱n Jesucristó me Síí ꞌNi̱j Raꞌa man níꞌ, ga̱a ne̱ queneꞌe̱n ya̱ nij soꞌ se vaa sa̱ꞌ uxrá quiꞌyaj Rej níꞌ Yaꞌanj ado̱nj.