1 Corintios 12:20 - Triqui de San Juan Copala

²⁰ Dan me se nda̱ꞌ se ino̱ vaa ꞌo̱ ꞌo̱ nee̱ man níꞌ, tza̱j ne̱ o̱rúnꞌ nee̱ me níꞌ na̱nj ado̱nj.

1 Corintios 12:20 ပူးပေါင်းရင်းမြစ်များ

Romanos 12:5

Dan me se a̱j canocoꞌ cunuda̱nj níꞌ man Cristó, ne̱ cheꞌé dan ase vaa nu̱ꞌ nee̱ man ꞌo̱ yuvii̱ roꞌ, da̱nj vaa nu̱ꞌ níꞌ, ne̱ ino̱ vaa suun vaa rihaan ꞌo̱ ꞌo̱ níꞌ, tza̱j ne̱ racuíj tuviꞌ níꞌ,

1 Corintios 12:12

Neꞌen nij soj se vaa vaa o̱rúnꞌ nee̱ man níꞌ, tza̱j ne̱ ma̱n queꞌe̱e̱ rej ꞌyaj suun man níꞌ ado̱nj. ꞌO̱ se ma̱n raꞌa níꞌ do̱ꞌ, tacóó níꞌ do̱ꞌ, xréé níꞌ do̱ꞌ, rlij rihaan níꞌ do̱ꞌ a. Dan me se queꞌe̱e̱ nee̱ ꞌyaj suun man níꞌ, tza̱j ne̱ o̱rúnꞌ níꞌ, ne̱ ase vaa nee̱ man o̱rúnꞌ yuvii̱ roꞌ, da̱nj vaa ta̱ranꞌ níꞌ si̱j noco̱ꞌ man Cristó ado̱nj.

1 Corintios 12:14

Neꞌen soj se vaa ne ꞌo̱ cuya̱a̱n vaa cunuda̱nj nee̱ man ꞌo̱ yuvii̱ maꞌ. Ma̱an se ino̱ vaa ꞌo̱ ꞌo̱ rej ꞌyaj suun man yuvii̱ ado̱nj.

1 Corintios 12:19

Sese cuya̱a̱n ga̱a̱ cunuda̱nj nee̱ man níꞌ, ne̱ né yuvi̱i̱ me níꞌ maꞌ.

1 Corintios 12:21

Ne nó xcúún rlij rihaan níꞌ cata̱j yoꞌ rihaan raꞌa níꞌ a: “Taj se uún so̱ꞌ rihanj maꞌ.” Ne̱ ne nó xcúún raa̱ níꞌ cata̱j yoꞌ rihaan tacóó níꞌ a: “Taj se uún so̱ꞌ rihanj maꞌ.” Se̱ guun tuꞌva̱ yoꞌ da̱nj maꞌ.