1 Corintios 12:10 - Triqui de San Juan Copala

¹⁰ ꞌÓ tinúú níꞌ me síí uun nucua̱j ꞌyaj suun sa̱ꞌ noco̱o, ne̱ ꞌó tinúú níꞌ uun nucua̱j nataꞌ nana̱ rqué Yaꞌanj rihaan, ne̱ ꞌó tinúú níꞌ me síí uun nucua̱j xcaj cuentá da̱j vaa nana̱ aꞌmii ꞌo̱ ꞌo̱ níꞌ, ne̱ soꞌ roꞌ, me síí neꞌen sese snana̱ Nimán Yaꞌanj aꞌmii níꞌ niꞌ, ase snana̱ Síí Chre̱e aꞌmii níꞌ a. Ne̱ vaa ꞌó tinúú níꞌ aꞌmii xnaꞌánj naca̱ xnaꞌánj ne neꞌen a̱ maꞌa̱n nij soꞌ maꞌ. Ne̱ ꞌó tinúú níꞌ roꞌ, me síí nataꞌ me se me raj cata̱a nana̱ caꞌmii tinúú níꞌ síí aꞌmii xnaꞌánj naca̱ yoꞌ a.

1 Corintios 12:10 ပူးပေါင်းရင်းမြစ်များ

San Marcos 16:17

Ne̱ nihánj me suun sa̱ꞌ noco̱o quiꞌya̱j nij síí amán ya̱ rá niꞌya̱j manj a. Dan me se cheꞌé se‑chu̱vií ꞌu̱nj quiri̱i̱ nij soꞌ nana̱ chre̱e nimán yuvii̱, ne̱ caꞌmi̱i̱ nij soꞌ xnaꞌánj naca̱ xnaꞌánj ne neꞌen maꞌa̱n nij soꞌ a.

San Marcos 16:20

Ga̱a ne̱ nij síí tucuꞌyón snana̱ soꞌ me se caꞌanj caꞌmi̱i̱ natáj nij soꞌ snana̱ soꞌ nu̱ꞌ nij chumanꞌ, ne̱ racuíj Síí ꞌNi̱j Raꞌa man níꞌ man nij soꞌ, ne̱ dan me se cheꞌé suun sa̱ꞌ noco̱o quiꞌyaj nij soꞌ me se xraan doj canocoꞌ nij yuvii̱ snana̱ Jesús a.

San Lucas 24:49

ne̱ nihánj me se rque̱ ꞌu̱nj Nimán Yaꞌanj rihaan soj nda̱a vaa cataꞌ tuꞌva maꞌa̱n Yaꞌanj ga̱a naá a. Dan me se ꞌo̱ ca̱yáán soj chumanꞌ Jerusalén nihánj nda̱a se nari̱ꞌ nucuaj nimán soj quiꞌya̱j Yaꞌanj á ―taj Jesús rihaan nij soꞌ a.

San Juan 14:12

Ne̱ cuano̱ nihánj me se cata̱j yá ꞌu̱nj rihaan soj se vaa síí amán rá niꞌya̱j manj me se ase vaa suun sa̱ꞌ noco̱o ꞌyaj ma̱ꞌanj roꞌ, da̱nj ga̱a̱ quiꞌya̱j maꞌa̱n soꞌ uún na̱nj ado̱nj. Tza̱j ne̱ suun sa̱ꞌ noco̱o doj quiꞌya̱j soꞌ, cheꞌé se nucui̱ꞌ ꞌu̱nj rihaan Réj Yaꞌanj na̱nj á.

San Juan 16:13

Tza̱j ne̱ asa̱ꞌ caꞌnaꞌ Nimán Yaꞌanj yoꞌ, ne̱ tu̱cuꞌyón soꞌ nu̱ꞌ nana̱ ya̱ rihaan soj na̱nj ado̱nj. ꞌO̱ se si̱j aꞌmii ina̱nj nana̱ ya̱ me soꞌ ado̱nj. ꞌO̱ se se̱ caꞌmii soꞌ nana̱ cavi̱i̱ raa̱ soꞌ maꞌ. Tana̱nj caꞌmi̱i̱ soꞌ ina̱nj nana̱ cata̱j xnaꞌanj Yaꞌanj cuno̱ soꞌ, ne̱ dan me se cata̱j xnaꞌanj soꞌ cheꞌé se vaa caꞌna̱ꞌ rihaan soj rej rihaan soj na̱nj ado̱nj.

Hechos 1:8

Tza̱j ne̱ asa̱ꞌ nanij Nimán Yaꞌanj catu̱u̱ soꞌ nimán soj, ne̱ quiri̱ꞌ ndoꞌo soj rej nucua̱j, ga̱a ne̱ gu̱un soj síí nata̱ꞌ snana̱j rihaan yuvii̱ ado̱nj. Dan me se chumanꞌ Jerusalén do̱ꞌ, nu̱ꞌ estadó Judea do̱ꞌ, nda̱a chumanꞌ Samaria do̱ꞌ, caꞌve̱e se nda̱a chumanꞌ ga̱nꞌ doj na̱j rihaan chumii̱ nihánj, tza̱j ne̱ caꞌa̱nj soj nata̱ꞌ soj snana̱j ado̱nj ―taj Jesús rihaan nij soꞌ a.

Hechos 11:27

Ne̱ nij güii yoꞌ me se cavii do̱j síí nataꞌ snana̱ Yaꞌanj chumanꞌ Jerusalén, ne̱ caꞌanj nij soꞌ chumanꞌ Antioquía a.

Hechos 11:28

Ne̱ canicunꞌ ꞌo̱ nij síí nataꞌ snana̱ Yaꞌanj yoꞌ, ne̱ síí cuꞌna̱j Agabo me soꞌ a. Ne̱ nataꞌ soꞌ nana̱ rqué Nimán Yaꞌanj rihaan soꞌ se vaa vaa güii, ne̱ cache̱n xꞌnaa nu̱ꞌ chumanꞌ uun chij nij síí ma̱n Romá rihaan a. Ne̱ ga̱a cayáán síí cuꞌna̱j Claudio síí nica̱j suun emperador, ne̱ cachén ya̱ xꞌnaa nda̱a vaa cataj síí cuꞌna̱j Agabo a.

Hechos 19:6

Ga̱a ne̱ cutaꞌ Pabló raꞌa soꞌ raa̱ nij soꞌ, ne̱ nanij Nimán Yaꞌanj catúj soꞌ nimán nij soꞌ, ne̱ caꞌmii nij soꞌ xnaꞌánj naca̱, ne̱ nataꞌ nij soꞌ nana̱ rqué Yaꞌanj rihaan maꞌa̱n nij soꞌ nata̱ꞌ nij soꞌ a.

Hechos 5:3

Ga̱a ne̱ caꞌmii Pedró rihaan Ananías, cataj soꞌ a: ―Me cheꞌé catúj Síí Chre̱e nimán so̱ꞌ, ne̱ caꞌmii ne̱ so̱ꞌ nda̱a rihaan Nimán Yaꞌanj, ne̱ taꞌaa so̱ꞌ taꞌa̱j saꞌanj quiríꞌ so̱ꞌ ga̱a cutuꞌvéj so̱ꞌ yoꞌóó yoꞌ ga̱.

Romanos 12:6

ga̱a ne̱ gu̱un nucua̱j níꞌ quiꞌya̱j níꞌ suun vaa rihaan ꞌo̱ ꞌo̱ níꞌ a. Da̱nj ꞌyaj Yaꞌanj cheꞌé níꞌ, tza̱j ne̱ ino̱ vaa suun neꞌen ꞌo̱ ꞌo̱ níꞌ quiꞌya̱j níꞌ, quiꞌyaj Yaꞌanj a. Cheꞌé dan sese vaa suun rihaan ꞌo̱ níꞌ caꞌmi̱i̱ natáj níꞌ rihaan yuvii̱ cheꞌé Yaꞌanj, ne̱ sese uun ya̱ rá níꞌ se vaa ya̱ vaa nana̱ nariꞌ níꞌ, ne̱ caꞌmi̱i̱ natáj níꞌ á.

Romanos 15:19

Dan me se guun nu̱cuáá ꞌu̱nj ꞌyáá ꞌu̱nj da̱j a̱ nij suun sa̱ꞌ noco̱o, ꞌyaj snucua̱j Nimán Yaꞌanj a. Ga̱a ne̱ xcaj yuvii̱ ya̱nj nu̱ꞌ anica̱j chumanꞌ Jerusalén cuentá cheꞌé nana̱ sa̱ꞌ cheꞌé Cristó, ne̱ nda̱a yuvii̱ ya̱nj ꞌó nij chumanꞌ ga̱nꞌ doj nda̱a estadó cuꞌna̱j Ilírico roꞌ, xcaj cuentá cheꞌé nana̱ sa̱ꞌ cheꞌé Cristó, quiꞌyáj a.

1 Corintios 11:4

Dan me se ga̱a achíín niꞌya̱j snóꞌo rihaan Yaꞌanj do̱ꞌ, ga̱a nataꞌ soꞌ snana̱ Yaꞌanj cuno̱ cunuda̱nj nij síí noco̱ꞌ man Cristó do̱ꞌ, ne̱ sese ca̱ráán soꞌ raa̱ soꞌ, ne̱ nij ndoꞌo ꞌyaj soꞌ rihaan maꞌa̱n soꞌ vaa ga̱a na̱nj ado̱nj.

1 Corintios 13:8

Xa̱ꞌ suun ꞌe̱e̱ rá tuviꞌ, tza̱j ne̱ ꞌo̱ ga̱a̱ yoꞌ nu̱ꞌ cavii nu̱ꞌ caꞌanj na̱nj á. Cuano̱ nihánj me se ma̱n síí nataꞌ nana̱ rqué Yaꞌanj rihaan nij soꞌ, tza̱j ne̱ vaa güii navi̱j suun yoꞌ na̱nj ado̱nj. Ne̱ cuano̱ nihánj me se ma̱n yuvii̱ aꞌmii xnaꞌánj naca̱ xnaꞌánj ne neꞌen maꞌa̱n yuvii̱, tza̱j ne̱ vaa güii navi̱j suun yoꞌ na̱nj ado̱nj. Ne̱ cuano̱ nihánj me se ma̱n síí avii ndoꞌo raa̱, ꞌyaj Nimán Yaꞌanj, tza̱j ne̱ vaa güii navi̱j suun yoꞌ na̱nj ado̱nj.

1 Corintios 14:13

Cheꞌé dan me sese vaa ꞌo̱ tinúú soj síí aꞌmii xnaꞌánj naca̱, ne̱ no̱ xcúún soꞌ cachi̱nj niꞌya̱j soꞌ rihaan Yaꞌanj se vaa gu̱un nucua̱j soꞌ cata̱j xnaꞌanj soꞌ me se me raj cata̱a nana̱ caꞌmi̱i̱ soꞌ rihaan nij yuvii̱ cuno̱ nana̱ yoꞌ ado̱nj.

1 Corintios 14:39

Cheꞌé dan me nano̱ꞌ uxrá soj da̱j quiꞌya̱j soj, ne̱ gu̱un nucua̱j soj nata̱ꞌ soj nana̱ rqué Yaꞌanj rihaan soj, tinu̱j. Ne̱ se̱ cataj soj se vaa se̱ caꞌvee caꞌmi̱i̱ yuvii̱ xnaꞌánj naca̱ maꞌ.

Gálatas 3:5

Ga̱a rqué Yaꞌanj Nimán soꞌ rihaan soj quiꞌya̱j ndoꞌo soj suun sa̱ꞌ noco̱o, ga̱a ne̱ me cheꞌé quiꞌyaj Yaꞌanj da̱nj, rá soj ga̱. Cheꞌé se canocoꞌ soj stucua̱nj Moisés me quiꞌyaj Yaꞌanj da̱nj naꞌ. Taj maꞌ. Cheꞌé se amán rá soj niꞌya̱j soj man Cristó me quiꞌyaj Yaꞌanj da̱nj chugua̱nj.

1 Tesalonicenses 5:20

Se̱ nachriꞌ soj man nana̱ cata̱j xnaꞌanj naca̱ Nimán Yaꞌanj rihaan soj maꞌ.

Hebreos 2:4

Tihaa̱n Yaꞌanj se vaa ya̱ vaa rej nani̱i̱ níꞌ rihaan sayuun cheꞌé se rqué Nimán Yaꞌanj se nucua̱j man nij síí noco̱ꞌ man Cristó, ne̱ quiꞌyaj nij soꞌ da̱j a̱ suun sa̱ꞌ noco̱o, da̱j se me rá maꞌa̱n Yaꞌanj a.

1 Juan 4:1

Tinu̱j, nocoj, se̱ guun cuno̱ soj me maꞌa̱n nana̱ maꞌ. Asino xca̱j soj cuentá sese nana̱ rqué Nimán Yaꞌanj me nana̱ caꞌmii ꞌo̱ soꞌ á. ꞌO̱ se a̱j caꞌnaꞌ ndoꞌo síí ne̱ rihaan chumii̱ nihánj, ne̱ taj nij soꞌ se vaa si̱j nataꞌ snana̱ Yaꞌanj me nij soꞌ, tza̱j ne̱ tuꞌva rmaꞌa̱n nij soꞌ na̱nj á.

Apocalipsis 2:2

A̱j neꞌén ꞌu̱nj da̱j ꞌyaj soj se vaa ꞌyaj uxrá soj se‑su̱u̱n ꞌu̱nj ne̱ nucua̱j ndoꞌo vaa nimán soj rihaan sayuun ado̱nj. Ne̱ a̱j neꞌenj se vaa naꞌvej uxrá rá soj ni̱ꞌyaj soj man nij síí chiꞌi̱i̱ maꞌ. Ne̱ xa̱ꞌ nij síí tihaꞌ yuꞌunj tuꞌva rmaꞌa̱n se vaa si̱j ata̱ suun caꞌa̱nj nata̱ꞌ snana̱ Jesucristó me nij soꞌ, tza̱j ne̱ a̱j nuchruj ra̱a̱ soj cheꞌé nij soꞌ, ne̱ a̱j xcaj soj cuentá se vaa né si̱j aꞌmii ya̱ me nij soꞌ a̱ maan ado̱nj.